[طلبت من ربي الهنا و جيتني انت ]

Part 37

بسم الله الرحمن الرحيم
ضيفوني انستا علشان انزل لكم عن البارتات
الانستا: xxnl_156
نبدا...

بعد مرور شهر

دخلت هناي بشهرها الثاني و سعود اشترى لهم بيت مستقل لهم لوحدهم و اعلنت خبر حملها لاهلها و احبابها

خالدو جود رجعو من سفرتهم فرحو بخبر حملها دخلت بشهرها الاول

حاتم و شذى تزوجو و استقرو في بيت ابو حاتم و مشاكل شذى مستمره من بعيد لبعيد

عبدالله و بيلسان رجعو من سفرتهم و استقرو ببيت جابر و فاطمه

شهد و نواف علاقتهم سطحيه اخر مره شافها و كلامها بالخطبه

اما عند ابو سعود لحد الان متردد يقول لام سعود عن زواجه او لا

و صقر سكن مع الجد عايض و الجده فهده و استقبلته الجده فهده و اعتبرته ولدها و دخل دوره عسكريه و عايض الصغير عندهم

هيفاء و متعب باقي اسبوع على زواجهم و هيفاء بين الترتيبات (وجدان وصل لها خبر ولد خالها خطبها )

ورجعت حياتهم و ضغوط الجامعه و الشغل

الرياض بيت هناي و سعود"
دخل سعود على صوت عبد المجيد عبدالله

في عز ماكنت اهوجس فيك وافتحلك
‏‎ابواب قلبي.. خذتنـي رجلـي لبابك

‏‎جيتك وانا مـ اذكر اني كنت رايحلك
‏‎بس اذكر اني كـذا.. لاطـوّل غيابك

دخل المطبخ شافها تتمايل مع الاغنيه سند على الباب و تكتف يطالعها بحب و يحمد ربه على اليوم الي يشوف زوجته و حبيته و عشيرته الي حارب في الحياة لاجلها
لفت شافته ببدلته العسكريه و بهيبته و شكله الي تحبه جداا تقدمت له بابتسامه و حاوطت عنقه وصل البارت الي يقول فيه عبدالمجيد
‏‎
ياابن الاوادم ترى مليـت المحلك
‏‎انـا اعزك واحبك واعشـق ترابك

‏‎لاضقت اضيق ومتى ماتفرح افرحلك
‏‎ولاغبت اموت ومتى ما شفتك احيابك

تغني و تتمايل مع البارت باس خدها : وش الطاقه هاذي بسم الله عليك
ابتسمت و ردت له البوسه: مدري كذا جا في بالي اسوي غدا و اسمع اغاني
سعود بإبتسامه: جعلها دايمه بغير و اجي اساعدك
هناي : تمام ياويلك تطول
باس خدها: معليك سريع سريع و اجيك
طلع لفوق يبدل و تروش و لبس شورت اسود و تيشيرت ابيض نزل شافها تقطع السلطه تقدم للفرن: وش مسويه
هناي : سويت مكرونه بشاميل و سويت برياني عرفت انها اكلتك المفضله و رز
ابتسم باس خدها: و يلوموني بحب ام ترف
هناي ابتسمت: حابه اسم ترف مره
جلس جنبها : اتمنى تجي بنت شبهك علشان يصير عندي قمرين
هناي : تصدق انا ابي ولد شبهك بس اخاف يطلع مزعج و يصير في البيت بدال مزعج واحد مزعجين
رفع حواجبه : وش قصدك يعني انا مزعج
هناي بوهقه: افا حشى انت مزعج مستحيللل
سند ظهره على الكرسي: على بالي بعد
ناظرته بطرف عين : قم حط البرياني خلص وقته
قام يحط الغدا و هناي ترتب السفره
نزل الصحون نطقت: اكتملت السفره صح
سعود بتفكير: امم احس باقي شي
هناي : وش
راح سعود شاف مشروبين : كذا تم
جلسو ياكلون سعود بانبهار: اوففف خطيررر تسلم يدكك
هناي بابتسامه: بالعافيه يا عيوني