[طلبت من ربي الهنا و جيتني انت ]

Part 32

بسم الله الرحمن الرحيم
ضيفوني انستا علشان انزل لكم عن البارتات
الانستا:xxnl_156
نبدا..

سديم بصدمه: كيفف
ضحكو عليها نطق سيف: اي والله هاذي زوجة ماجد و تعتبر اختنا الصغيره
سديم بأحراج: اسفه ما كنت اعرفك
هاجر بضحك: لا عادي يا حلوك طلعتي انتي زوجه سيف
سديم بخجل: ايوه
تقدمت تسلم عليها : لا تخافين سيف لك بس انا علشاني امون على عيال اخوان زوجي لان على قد عمري
سديم: مشاءالله كم عمرك
هاجر:٢٦
سديم: مشاءالله حلو طلعتي نفس عمرنا
ضحكت هاجر: ونفس جوكم بعد
حضنتها سديم: كفو
سيف : اشوى طاح الحطب ولا كنت بصير الحطب انا
ضحكو جود و هناي عليه لفت سديم: بتصير بس اصبر
سيف اخذ القهوه : اجل نطلع قبل لا نصير
لف على جود : ايوه ترا خالد قال اذا شفت جود بطريقك خلها تجيني بالمجلس
جود: تمام بروح له
طلع سيف و راحو البنات الحريم

الرجال "
سعود: ياعيال وربي رجلي تكسرت
فهد بضحك: من المشي في باريس ولا يوم تصب القهوه
ضحك سعود: وش فيك حاقد علي لهدرجه
فهد: ابد والله جبتو لي الجفاف انت و خالد
ضحكو العيال عليه عبدالله: خويلد وين
سعود : راح لزوجته

عند جود و خالد"
دخلت جود شافته جالس على جواله رفع راسه: ارحبي ياحرم خالد
حضنها نطقت: البقى وش عندك
جلسو خالد: ابد قلت اكحل عيوني بشوفتك و اشوف كشختك بس طالعه صاروووخ
استحت جود ولا نطقت ضحك خالد: ياليل استحت
ناظرت فيه جود: وش تبي انت
خالد بخبث: ابيك
دخلت هناي بسرعه شافت التقارب بينهم : سوريي خلود بس احتاج زوجتك تساعدني بالمطبخ لان جدتي خلتني لحالي معه
جود بتهرب: لا ابي زوجي ما ابي اروح
حضنها خالد: ها يلا اذلفي
تخصرت هناي: ياسلام الحين تبينه سحبتها مع يدها قومي معي انا لحالي اشتغل و توي عروس بعد
جود تأففت و قامت مع هناي و راحو المطبخ

"الرجال "
دخل خالد شاف العيال متجمعين : سلام
ردو عليه : عليكم السلام
سيف بطقطقه: كحلت عيونك ولا
كشر خالد: ما امداني الا و دخلت هناي و سحبتها معاها للمطبخ
قلد صوت هناي: انا اجلس لحالي بالمطبخ و لا و انا عروسه قومي ساعديني
ضحكو العيال ضربه سعود: حدك ها و هي صادقه زوجتي توها جايه من السفر تشتغل ليه
خالد بالم من الضربه: وجع
الجد صوت لهم: يا عيال فزو للعشاء
فزو العيال يرتبون و يحطون العشاء
الجد سعد: يا سعود روح للمطبخ جيب الاغراض الي عندهم
فز سعود: سم ابشر

"المطبخ "
جود بحلطمه: انتي وش فيك علي
هناي: ابيك تساعديني ولا وحده من البنات رضت تساعدني
جود : و مالقيتي غيري
هناي : ايوه وش اسوي ما فيه الا انتي اخلصي علي
دخل سعود: سلام خلصتو اغراض العشاء
هناي بتكشير: ايوه شوفه وراك جاهز
سعود: وش عنده الحلو مكشر وش فيه
جود بحلطمه: تكفى يا سعود خلها ترفق فيني من العصر و انا معاها بالمطبخ
هناي تخصرت: لا بالله خايفه كشختك تخرب يا مامي
جود بدلع: ايوه تخيلي اتعب على كشختي اخر شي اجلس بالمطبخ
هناي تقدمت لها و جود راحت ورا سعود: يازين من يضربك انتي و الدلع حقك
طلعت راسها من ظهر سعود: يعني انتي ما تتدلعين مثلا
هناي بعصبيه خفيفه: اتدلع بس مو بالمطبخ وش تبيني اتدلع على القدر و الملاعق
طاحو يضحكون جود و سعود ناظرت فيهم : حمدلله و شكر وش فيكم
جود بضحك: يعني اذا ما تدلعتي على القدر و الملاعق تتدلعين لمين
هناي استحت من وجود سعود تقدمت سحبت يد جود : تعالي غسلي بس
لفت على سعود: و انت اخذ الاغراض و اطلع
ضحك سعود: ابشري
اخذ الاغراض و ضبطو العشاء و تعشو الحريم بقسم و الرجال بقسم