[طلبت من ربي الهنا و جيتني انت ]

Part 41

بسم الله الرحمن الرحيم
ضيفوني انستا علشان انزل لكم عن البارتات
الانستا:xxnl_156

طلع من غرفته معصب دخل الصاله و صارخ: شذى
فزت شذى بخوف تقدم يمسك ذراعها بقوه شافت كيف انفاسه حاره من العصبيه و عروق يده بارزه نطقت بتوتر و خوف: و وش فيه
حاتم بعصبيه: وشش فيهه و لك وجه تسأليني بعد
شذى بخوف: وش فيك
طلع جواله على المحادثه: شوفيي سواد وجهك مدري كيف اهلك ساكتين عنك
وسعت عيونها من شافت صورها بالشاليه و محادثات مع شباب نطقت بخوف: ك كذب
حاتم بعصبيه: كييف كذببب و هاذي صورك هاا
شذى سكتت حاتم بحده: انا اعرف كيف اتصرف معك
سحبها و دخلها غرفه فيها سرير و دولاب (غرفة الضيوف) :اجلسي هنا اذا رجع عقلك بمكانه ذيك الساعه اطلعك ،قفل الباب بالمفتاح جلست شذى تبكي و ندمت ندم شديد على الي سوته
نزل للصاله يتنفس بسرعه جلس يهدي نفسه

شقه جود و خالد"
خالد: جود تكفين انتي وش تسوين من اليوم
جود كانت تسوي ميكب لخالد: وش اسوي يا خالد اسوي لك ميكب
خالد: عارف بس ليه انا بذات كان قلتي لي اجيب لك هناي تسوين لها
جود: لا انا كذا اشتهيت اسوي ميكب في وجهك
خالد : يارب الصبر
جود : امين قرب احط لك بلشر
خالد عقد حواجبه: وش ذا بعد
جود : هاذي تخلي خدودك ورديه
خالد : لازم تحطينه
جود: اكيدد ما يحلى الميكب الا هو
خالد استسلم لها و خلصت ميكب طلعت جوالها : شوفو يا بنات خلودي بالميكب مره مزز
خالد ضحك: يا شيخه
جود : اسكت خلني اصور زين
خالد: اشكوى لله ياربي صوري اخلصي علي
قفلت التصوير: اوف تعبت و انا اسوي يلا قوم مسح
خالد: يا شيخه ما اعرف امسحه مسحيه لي
جود: مالي خلق تعبت دبر نفسك
خالد قام للحمام " اكرمكم الله " مسح الميكب و طلع

هناي بضحك هستيري: اجل لا تخوفيني عليك
سعود ضرب جبينها بخفه: الحين هاذا مقلب
هناي عدلت جلستها: وش رايك رديت الصع صاعين
سعود ضحك: دقيقه يعني الشهقات حتى كذب
هناي ضحكت: تبي الصدق بكيت بس عرفت ان الموضوع ما يستاهل
سعود ضحك: اهاا اجل دامه ما يستاهل خلينا نصفي حسابات الدفتر ذا
هناي تنهدت و سكتت
سعود : اوف واضح ورا التنهيده بلاوي( مصايب)
ضحكت هناي : لا يعني اجهز نفسي من الصدمه الي بقولها لك
سعود : اوب صدمه يلا قولي اسمعك
هناي : اوعدني اول انك ما تعصب ولا تتفاعل طيب
و ترا محد يعرف عن الي بقوله ابداا محد
سعود : يعني انا اول واحد يعرف
هناي : لا ماما اول وحده بس اوعدني انك ما تعصب ولا تتفاعل
سعود: وعد اني ما اعصب قولي
هناي: من بدايه مشاكل اهل ابوي معي و مع امي كنت بالمتوسط دخلت حالة اكتئاب شبه حاد و صرت اراجع مع دكتوره و احاول انسى ماضي الطفوله الي عشتها
سعود عقد حواجبه: فيه شي غير الي اعرفه بطفولتك
بلعت ريقها : الصراحه
سعود: اي
تنهدت: كان عندنا عزيمه و كان عمري وقتها ٨ سنين و طلعت العب مع بنات جيران جدتي و شفت ولد تقريبا عمره ١٩ او ٢٠ ناداني و انا رحت له لان كان معه حلاو و طفله اكيد يغريها حلاوه رحت له مسكني و اخذت الحلاوه منه صار يلمس يدي كامله و يلمس جسمي انا خفت لان كانت نظراته تخوف ذبيت الحلاوه ركضت لماما اقول لها و هي انصدمت و علمتني وقتها انه يت*حرش فيني
و من يومها صرت ارسم و اكتب كل شي يصير لي احس اذا كتبت احس براحه كاني فضفضت لشخص يفهمني و يسمعني
سعود كان يطالع بقوتها و ثقتها في نفسها و كيف تقول عن ماضيها بثقه و كان معصب سالفه التحر*ش بس ما بين لها
هناي لوحت بيدها: انت معي
سعود ابتسم: ايوه معك
هناي : و اقولك من بعدها صرت اكتب كل شي تدري عندي من الدفاتر اثنين و هاذا الثالث و اكتب فيهم كل شي
سعود رفع يده لحواجبه: و اكيد كتبتي لولدنا صح
هناي بغصه: ايوه
سعود لاحظ غصتها حضنها: خلاص بكاء تكفين
انهارت بحضنه: سعود ما قدرت اتخطى يا سعود
شد بحضنها نطق بغصه: خلاص يا عيون سعود
هناي لاحظت غصته و حاولت تعدل نفسيتهم : سعود بعد كتمتني
ضحك و بعد شافها تضحك: ايوه خليني اشوف الضحكه الحلوه ذي
ضحكت دق الباب سعود: ادخل
دخلت صفيه: ماما فيه حرمـ
دخلت جود : ما يحتاج تقولين يا حبي سوي لي قهوه
ناظروها بصدمه جود: وش فيكم تناظرون سلام
ردو عليها بصدمه: عليكم السلام
جود ضحكت : وش فيكم مصدومين
هناي: انتي من متى هنا
جود: توي جيت
سعود: احلفي وش ذي المداهمه
جود : اقول زوجي ينتظرك تحت لا تطول عليه
سعود ضحك و ناظر في هناي : هاذي من جدها
هناي رفعت اكتافها: مدري عنها
قام سعود و نزل تحت لخالد جلست جود جنب هناي : ايوه يا حلوه وش اخبارك
ضحكت هناي : بخير انتي كيفك
جود : الحمدالله بخير اقولك شفتي بيلسان بالقروب
هناي : لا وش فيه
جود: مسويه عزيمه خاصه فينا يا البنات
هناي : اما متى
جود: بكره
هناي: ما شفت اساسا جوالي مدري وينه
جود : امشي ننزل تحت
هناي : يلا امشي ، طلعو من الغرفه نازلين تحت للصاله