[طلبت من ربي الهنا و جيتني انت ]

Part5

بسم الله الرحمن الرحيم
ضيفوني انستا علشان انزل لكم عن البارتات
انستا: xxnl_156
نبدا...
انصدمو من الي طلبه من هناي و قفلت هناي المكالمه
وقف سعود وقال : لا لا مستحيل توافقين على طلبه مستحيلللللل
وقف خالد : هد سعود صح ان خطر بس لازم علشان نمسكه و حنا بنكون معاها لا تخاف
ناظر فيهم سعود : و اذا سوا لها شي خالد انا ما نسيت كلمه مزون يوم قالت ناويها شر استوعببب
خالد: معليك ربي بيحميها و حنا بنمسك الورع ذا
جود: خلاص اتفقنا بكره نبدا الخطه
هناي : زين بس لازم اخذ احتياطي من جهاز تنصت و كاميرا صغيره في حال قرب مني اقدر اشتكي عليه من الادله هاذي
اعجبو في فكرتها وقال سعود : خلاص كل الي قلتيه عندي اذا طلعنا بكره للمكان بلبسك الجهاز

طلعو كل واحد توجه غرفته

عند هناي في الغرفه:
انسدحت بالسرير و تفكر لو راحت وش بيصير فيها وليش عمتها و بنات عمانها يكرهونها و جلست تهوجس في حياتها لين نامت..

يوم جديد في مكان ما قد جيناه"""
(في بيت يوسف عم البطله)

عبير كانت تكلم ساره اختها
(نسيت اذكر لكم عبير و ساره خوات عبير تزوجت اخو عبدالرحمن و ساره تزوجت محمد )
عبير: ساره افهمي انتي اقرب لها قولي لزوجك تروحون الديره و حطي السح*ر في غرفه منيره و انتهى الموضع ليه مكبرتها انتي
ساره: يا بنت ترا السالفه مره تخوف و انا اول مره اسويها
عبير: طيب عندي فكره
ساره :وش هي ؟
عبير: اذا مريم تكره منيره قولي لها تساعدك
ساره : وربي جبتيهاا على الاقل نستغلها شويي
عبير :اي والله بس مسنتره مع بنتي مدري وش تبي فيها
ساره : انتبهي لبنتك بس يلا مع السلامه
سكرت ساره من عبير

بيت ال سالم

الجد و الجده جالسين بالحوش
نزلت منيره توجهت لهم و سلمت عليهم
و جلست تسولف معهم و نزلو ام سعود و ابو سعود
ابو سعود: سلام صباح الخير
الكل : عليكم السلام ، صباح النور
ابو سعود : يبه ترا اخواني ارسلو انهم ماشين جايين لديره
انبسط الجد سعد لان منزمان عن احفاده و عياله: صدق الله يبشرك بالخير زين قولو للعامله تضبط الدور الثالث لهم
منيره : ابشر يبه
ام سعود: الا اقول وين العيال ما شفتهم
منيره : اي حتى البنات ما شفتهم ولا سمعت هواشهم اليوم
نرجع شوي ورا الساعه ٤ الفجر
قام سعود و قوم خالد صحو صلو الفجر اتجهو للبنات
سعود : جوجو يلا قومي بنطلع
جود وهي نايمه : هممم طيب بقوم
خالد: هنوي يلا صحصحي بنطلع لازم تلبسي الجهاز
هناي فتحت عيونها و سكرتها و نامت
ناظر خالد في سعود وقال : جرب انت يمكن تقوم
ضحك سعود وقال : ها تعال جرب عند ذي اشر على جود
و ضحكو وكل واحد راح لمحبوبته
سعود: هناي قومي ترا بنتأخر و يروح عليك كل شي
فتحت عيونها هناي شافت سعود قدام وجهها و ابتسمو لبعض قالت هناي: طيب الواحد ما ينام عندكم وقفت تسوي شعرها
خالد:جودد بنت قومي ترا بنتأخر
جود: افففف طيب طيب و وقفت جنب هناي
سعود و خالد قالو مع بعض : اي يوم قومك ذا قمتي
ناظرو في بعض و ضحكو على بعض
و اتجهو البنات يصلون و يلبسون الاشياء المهمه علشان تحمي هناي
لبسو خلصو و اتجهو للسياره و بدا سعود يعطي تعليمات للهناي
سعود: اسمعي هناي اول شي انتبهي تستفزينه لان بيعصب و اذا عصب ما يشوف قدام هاذا اول
اثنين الجهاز و الكاميرا مكانهم عند البطن يعني لا تتكتفين ولا تحطين ايدك قدام بطنك علشان تصور الكاميرا زين
هناي:تمام فهمت كل شي بس كيف اقدر اتواصل معكم
خالد مد يده فيها سماعه صغيره
هناي : وش ذي ؟
خالد : سماعه يمدي نسمعك و تسمعينا
اخذتها هناي و لبستها
و وصلو للمكان شافو فهد واقف عند المستودع خافت هناي وقالت: ما يمدي نكنسل
سعود: لا خليك قويه قدامه حنا بنكون وراك لا تخافين
نزلو الثلاثه جود خالد سعود
تقدمت تسوق السياره لين عند باب المستودع و نزلت
و الخوف ماكلها
فهد بضحكه مستفزه : هلا والله بالحلاوه بنت عبدالرحمن
خافت هناي : وش تبي مني يا زفتت ابي افهم
قرب فهد : اول شي نعدل الاسلوب نكون حبايب
هناي بقرف:وعع ابعد عني احسن لك
قرب منها و شد على يدها حاولت تفك يدها بس ما قدرت دخلها المستودع حاول يقرب منها بس ضغطه زر من الجهاز الي يوصل لخالد و سعود انها في خطر دخلو فريق الشرطه و معم خالد و سعود و القو القبض على فهد
انصدم فهد يوم شاف اخوه سعود بالبدله و معه خالد
سعود :ارحب اخوي الي منحاش سنتين
فهد بحقد: البقى يا اخوي الي ما بقى حب للعائله ما اخذته
ضحك سعود وقال: كل هاذي المشاكل علشان العائله تحبني حمدالله وشكر بس مبزره
انضغط فهد هنا و جا بيرد قطعه العسكري: ولدد خلاص اخذوه ودو المركز
الفريق شكرو سعود و خالد و مشو
جلست هناي بزاويه تبكي و تهمس: قرب مني ابعدوهه
تقدمو لها وقال خالد: لا تخافين يا عيون خالد هدي
جود حظنتها بدت تسمي عليها و قامو و توجهو للبيت
سعود: اسمعو ابوي دق قال ترا حنا جالسين بالحوش فا علشان كذا بنروح للباب الخلفي طيب
كلهم قالو : تمام
اتجهو الباب الخلفي و دخلو و غيرو ملابسهم و رجعو وضعهم الطبيعي ما كان صار شي
و نزلو عند الاهل سلمو عليهم جلسو يسولفون
ابو سعود: ياعيال ترا اخواني جايين بعد شوي
نطت جود : يعني بتجي وجد و حور و عمي ماجد و شهد و شذى و عبدالله بيصير جدولهه