[طلبت من ربي الهنا و جيتني انت ]

Part11

ضيفوني انستا علشان انزل لكم عن البارتات

بسم الله الرحمن الرحيم ""
نبدا....

في مكان نوعا ما مهجور
صقر: اسمعو هاذي اخر مره اطلعكم من السجن تسمعون و اسمعو زين ترا طلعت لكم هويه وهميه علشان تروحون و تجون براحتكم و غير كذا ترا تغيرون كل شي فيكم من اسم و من شكلكم يعني محد بيعرفكم و اتمنى ذي الخطه تنجح
مريم: طيب وش الهويه الي زورتها ؟
صقر: انا زورت اسمي حاتم و انتي ابرار و مزون اريام و فهد سلطان بس فيه شي واحد
فهد: وش هو!
صقر بتردد: حطيتك انت و مزون عيالي و منيره زوجتي
مريم: ايششش!
صقر : معليش بس لازم علشان ما يشكون لازم نتزوج لو عن الورق ولا راح اقرب منك
مريم بتفكير: اذا على كذا تمام
مزون: طيب وش الخطه الحين وبعدين كيف بروح عند بابا و هو و اعمامي و جدي و جدتي تبرو مني و من عمتي
مريم :ياعيون عمتك انا امك من بعد اليوم تسمعين لا تخافين و انا معك زين
مزون: تمام
بعد سكوت طويل نطقت مزون: طيب انا ابي سعود ما ابي هناي تاخذه
انقهر فهد لان صارت مشاعره تلين لها مريم:ابشري فيه و انا عمتك
مزون: كيف وهو بيخطبها
مريم:خلي الموضوع علي
صقر بحده:بنت لايكون بت*سحرينه
مريم:ايوه بالضبط
صقر: يا بنت خافي الله قلنا بننتقم مو ندخل في الس*حر
مريم : شي في خاطر بنتي مستحيل اخليه في خاطرها
ابتسمت مزون لها و كان يناظرهم فهد بأستغراب من كلامهم و منصدم وش بيسوون في اخوه

في بيت الجد سعد الساعه ١٠ الصباح
جود و هناي جالسين بالصاله يختارون فساتين للملكه
دخلت الجده: سلام يا بناتي وين امهاتكم
هناي: هلا والله بنوري
جود: هلا جده امي و عمتي في المطبخ
هناي : اقعدد صرنا نقول عمتي بعد
ضحكت جود وقالت: اي اكيد بقول عمتي ام زوجي
الجده نوير:اقول بس انتي و هي
هناي: يانوري اخذت لك مخور احمر للملكه وش رايك
الجده نوير : اي زين
جود: الا عمتي هيفاء وين من زمان عنها
هناي: ياعيوني يا خالتي من امس ما شفتها من الجامعه الي تاخذها منا عاد سمعت انها بتاخد اجازه علشان السفره و الملكه
جود: طيب سجلتي جامعه انتي
هناي : لا و انتي
جود: نفسك ما سجلت ماعرفت له ياخي
هناي : اي والله صعب مدري كيف اسجل
هناي بتفكير: ما فيه الا خويلد و سعود
جود: قدام امشي لهم
اخذو الابتوب و توجهو للمجلس الخارجي شافو خالد و سعود يلعبون سوني و فارس في حظن سعود
و ابو سعود و عبدالرحمن جالسين يتقهوون
عبدالرحمن: هلا هلا والله بأميرتي
هناي: هلا فيك
ابو سعود: هلا والله بالشيخه البنات كلهم
جود: هلابك
كل وحده جلست عند ابوها
فارس : سعود بعد بروح عند هنو
سعود: لا ما فيه اجلس
فارس صرخ بطفوليه :سعوددد بعد
هناي: سعود بعد عنه
ابتسم سعود من سمع صوتها و اسمه : ابشري
قام فارس من حظن سعود و ركض لحظن هناي
فارس: هنو من زمان ما لعبتي معاي ترا ما عندي احد يلعب معي بس انتي
هناي: يا كذابب مين لعب معك كوره امس
فارس: بس مره وحده
هناي: طيب يلا روح الحوش طلع الكوره و اجيك الحين
فارس بفرحه: يسسس
ضحكو عليه وقالت جود : خالد سعود
خالد: لبيه سمي
سعود : هاه وش
هناي : شوفي الفرق بين اخوك و زوجك مره يفرقق
جود: ترا بتصير عكس معك صدقيني
ضحكو سعود خالد و قامو اتجهو عندهم
هناي : نبيكم تسجلونا في الجامعه دام عندكم خبره وكذا
سعود اخذ الابتوب وحطه في حظنه : طيب وش تخصصكم
هناي: محاماه
جود: طب
بدا يحط سعود المعلومات حقت هناي و خلص منها وقال: هناي تم ترا كلهم في جامعه وحده بس انكم بعيدين عن بعض
دخل فارس بتكشير وجهه: هناي وينك تكذبين علي
هناي: يوهه نسيتك يلا جيت
قامت هناي تلعب مع فارس كوره و سعود يتأملها شافه عبدالرحمن وقال: عيونك ما تعبت وهي تتحرك يمين و يسار
ضحك سعود وقال: فداها عيوني دام تشوفها مبسوطه
تنهد عبدالرحمن: الحمدلله ، الا وش صار على مزون و فهد و مريم حققتو معهم
خالد الي كان عنده علم بطلوعهم بس لو قال لابوه بينجن
سعود: لا ما عندي خبر اذكر الي مسك قضيتهم الضابط سعد
خلص خالد جامعه جود و اخذت الابتوب و راحت عند الحريم
دخلو ابو سعود و عبدالرحمن و وراهم خالد و سعود جلسو يسولفون مع الجده بعدين دخلت هناي تحاول تاخذ نفس بعد الركض و العب و طاحت في حضن جود
هناي : اوفف تعبتت اخر مره العب مع دلوعكم ذا
الجده نوير: اقول حدتس على دولعنا بعدين تراه اخو زوجتس
هناي: الله يا الدنيا قبل كنت الدلوعه الحين جا مكاني فروس
ضربت راسها جود بخفه وقالت: حدك على اخوي يا ورعه
فزت هناي : وجع اوجعتيني
جده نوير: احسن علشان ما تتكلمين عن اخو زوجتس و دلوع البيت
لفت هناي على فارس الي كان جنبها: اسفه يا اخو زوجي و يا دلوع البيت
سعود الي كان مبتسم و يسمع حواراتهم و ابتسم زياده من قالت اخو زوجي لاحظت هناي ابتسامه و صدت عنه
دخل الجد مع الدكتور متعب: سلام
وقفو العيال وسلمو على الدكتور : وعليكم السلام
ابو سعود: يبه وينك من الصباح ندورك
الجد : رحت اشوف الحلال و رحت المستشفى اشوف علاجاتي الا هيفاء ما جت
هناي: كلمتها تو قالت خمس دقايق و اجي
الجد : اي زين ترا حجزت التذاكر و بنروح بعد خمس ايام
دخلت هيفاء: هاييي
(ملاحظه هيفاء كانت تتحجب )
لف متعب لها و كانه شايف ملاك قدامه
لاحظت هيفاء نظراته بس تجاهلته و راحت تسلم على امها و ابوها
وقف متعب: اجل انا استئذن و انت ياعمي انتبه للعلاجاتك و اكلها بوقتها فمان الله
الجد: ما تقصر يا ولدي الله يحفظك
طلع متعب و جلسو يسولفون و يخططون عن السفره
لفت هيفاء تقبص (تقرص) هناي
هناي بتوجع: اءء خير وش فيك
هيفاء: وش فيني خير اخذتي الهودي حقي بدون ما تقولين لي
هناي: مادريت كنت بردانه و شفته قدامي و اخذته
هيفاء: ياسلاممم يلا هانت باقي كم شهر و تتزوجين نفتك من سرقاتك
هناي كانت عارفه انها تمزح بس حزت في خاطرها و قامت و راحت لغرفتها حست انها ثقيله عليهم من بعد كلمتها (نفتك منك) حست بضيقه توقعت الكلام من اي احد الا خالتها الي تعتبر اختها