Jax

Part 5

Aiden သည် တစ်ကိုယ်လုံးပေါ်သည့် မှန်ရှေ့တွင်ရပ်၍ သူ့ကိုယ်သူကြည့်လိုက်၏။ ဒီညကမျက်နှာဖုံးပါတီရှိသည့် ညပေ။ ဒီညမှာသူ၏အမှုကိုစဖို့အတွက် ခြေလှမ်းကိုစတင်ဖို့ရာဖြစ်သည်။

ရှပ်အင်္ကျီအဖြူကိုသေချာဝတ်လိုက်ပြီး အနက်ရောင်ဘောင်းဘီထဲ အောက်ဆုံးအပိုင်းကိုထည့်လိုက်၏။ နက်ကတိုင်တွေထဲမှာမှ အသစ်ဆိုသည့်ဟာကိုထုတ်၍ သေချာစွာ လည်ပင်းတွင် ချည်ဝတ်လိုက်၏။နက်ကတိုင်၏အရောင်မှာအပြာရင့်ရောင်ပေ။အပြာရင့်လွန်းလို့ အနက်နဲ့တောင်မှားနိုင်၏။

အပေါ်အင်္ကျီ မထပ်ရသေးသည့် မိမိ၏ပုံစံကိုမှန်ထဲ ​မှာကြည့်ရင်း ငွေရောင်နာရီကိုလက်တွင်ဝတ်လိုက်၏။ နောက်တော့မှသာ ကုတ်အနက်ကို ဝတ်လိုက်ပြီး ကြယ်သီးကိုတပ်၍ မှန်ထဲမှာသေချာကြည့်ရင်း ဝတ်စုံကိုသေချာလုပ်လိုက်၏။ ထိုအခါ suit အပြည့်နဲ့ သူ၏ပုံစံသည် မှန်ထဲတွင်ပုံရိပ်ထင်လာလေ၏။

အမြဲတမ်းဝတ်လေ့ရှိသည့်ပုံစံဖြစ်တာကြောင့် သူ့အတွက်မထူးခြားနေပါ။ ချွတ်ထားသည့်မျက်မှန်ကိုကောက်တပ်ဖို့လုပ်ခါမှ မျက်နှာဖုံးတပ်ရမယ်လို့ သတိရတာကြောင့် မျက်မှန်ကို အ​ပေါ် အင်္ကျီထဲထည့်လိုက်ပြီး မျက်နှာဖုံးအနက်ကိုတပ်လိုက်၏။ ဘာအလှအပမှမပါပေမဲ့မျက်လုံးအဝိုက်နားမှာကျောက်တုံးအနက်တွေဖြင့်စီခြယ်ထားသည့် အနက်ရောင်ပြောင် မျက်လုံးကိုသာဖုံးသည့် မျက်နှာဖုံးပေ။

မျက်မှန်မပါတာကြောင့်အနည်းငယ်တော့မျက်လုံးကကြည့်ရတာအဆင်မပြေပါ။ထို့ကြောင့် မျက်မှန်ကိုလည်း မပါမဖြစ်ယူသွားလေ၏။

(Aiden's mask)

သူဌေးကြီး James Smith ပိုင်ဆိုင်သည့် ဟိုတယ်ကြီးသည် တစ်ချိန်က အင်္ဂလိပ်သူဌေးကြီးတစ်ဦးစံအိမ်ဖြစ်ခဲ့သည်။ Mr. Smith မှာ ထိုစံအိမ်ကြီးကို ဝယ်ယူပြီး သူ၏ကိုယ်ပိုင် ပါတီတွေကျင်းပရာ ဟိုတယ်ကြီး အဖြစ်ပြောင်းလဲခဲ့၏။ ကြီးမားကျယ်ဝန်းလွန်းသည့် စံအိမ်ကြီး၏ခြံဝန်းထဲကို ကားတွေတစ်စီးပြီးတစ်စီး အခြွေအရံကားတွေဖြင့်ဝင်လာကြ၏။