Jax

Part 8

(Italy, Palermo City)

အခန်းတစ်ခုအတွင်းတွင်ဖြစ်၏။ထိုအခန်းသည် အိပ်ခန်းတစ်ခုဖြစ်ဟန်တူ၍ အိပ်ရာခင်း၊အသုံးအဆောင်ပစ္စည်းတွေက အနက်ရောက်ပစ္စည်းများသာဖြစ်၏။ ဆုံလည်ထိုင်ခုံတွင် ထိုင်ရင်းခုံကိုဖြေးဖြေးချင်းလှည့်၍ စီးကရက်ဖွာနေသူသည် တစ်စုံတစ်ခုကိုစောင့်ဆိုင်းနေဟန်ပေ။ ကောက်ကွေးသည့်ဆံပင်တွေသည် နဖူးထက်အထိဖုံးကွယ်နေပြီး မဲနက်သည့်မျက်ဝန်းတွေကို ပိုင်ဆိုင်ထားကာ မျက်တောင်တောင်ရှည်ရှည်တွေလည်းရှိ၏။ ခပ်ထူထူနှုတ်ခမ်းပေါ်တွင် စီးကရက်ကိုတင်ထားသည်မှာ သူနှင့်လိုက်ဖက်စွာပေ။

လည်ပင်းတွင် အနက်ရောင်ကြယ်သေးသေးလေးတစ်လုံးကို တက်တူးထိုးထားလေ၏။

ထိုအခိုက်မှာအခန်းတွင်းသို့ ခပ်ထွားထွားလူမဲတစ်ယောက်သည်ဝင်လာ၏။ သူသည် ထိုအမျိုးသားထိုင်နေသည့် ခုံ၏အရှေ့က စားပွဲ၏ မလှမ်းမကမ်းမှာရပ်လိုက်၏။ထိုအခါဆေးလိပ်သောက်နေသည့် အမျိုးသား၏အကြည့်တွေသည် မျက်စိရှေ့ကလူထံပေ။

"Situazione?"
(အ​ခြေအနေ)

ထိုသို့မေးသည့်အခါ လူမဲအမျိုးသား၏မျက်နှာမှာပျက်သွား၍ ခေါင်းကိုငုံ့သွားလေ၏။ ထိုအရာကိုမြင်တော့ဆေးလိပ်သောက်နေသည့်အမျိုးသားမှာ သိလိုက်ပြီဖြစ်၏။ အံကိုသာတင်းတင်းကြိတ်လိုက်ပြီး

"Come è successo?"
(ဘယ်လိုဖြစ်ခဲ့လဲ)

"Hanno detto che non potevano ucciderlo, capo. Tutti gli assassini sono morti per mano di Lorenzo. Ho sentito dalla spia che anche una persona viva è stata presa da Lorenzo."
(သူတို့သူ့ကိုမသတ်နိုင်ခဲ့ဘူးလို့ပြောပါတယ် boss. လုပ်ကြံသူတွေအကုန်လုံးက Lorenzoရဲ့လက်ထဲမှာအကုန်သေကုန်တယ်တဲ့။ အသက်ရှင်တဲ့လူတစ်ယောက်ကိုလည်း Lorenzoကခေါ်သွားတယ်လို့ သူလျှိုတွေဆီကနေကျွန်တော်ကြားသိရပါတယ်)

ထိုအခါ ထိုအမျိုးသားသည် သူ၏သောက်လက်စဆေးလိပ်ကိုလက်ထဲတွင်ဖိချေလိုက်၏။ သူ၏လက်အပူလောင်သွားပေမဲ့ရင်ထဲကဒေါသမီးတွေကိုလောက် မပူလောင်ပါ။

"Lorenzo, che fortuna"
(Lorenzo..ဘယ်လောက်တောင်ကံကောင်းတာလဲ)

အံကိုကြိတ်၍ သွားကြားထဲကလေတိုးသံနဲ့ပြောလိုက်လေ၏။ သူ၏အကြံကမအောင်မြင်တာကြောင့် သူသည်အလွန်တရာကိုဒေါသတွေထွက်နေပြီး မျက်လုံးတွေကအစနီရဲလာ၏။