~يا هناي بعد عسّرات الليالي~

~٢٤~

في بيت طلال و بالتحديد عند ورد
رجعت من بعد ما خلصت كامل تجهيزات زواجها و تخرجها وهي بأروق لحظاتها و سعادتها ما تضاهيها اي سعادة بعد حفلة تخرجها بيكون زواجها من محبوبها واللي راهن الكل عليها و اثبت برائتها قدام الكل ولا صدق فيها اي كلام تنهدت بحب و تأملت عباية تخرجها و بجانبها مسكة زواجها اخذت لها كم لقطة و نزلتها في الستوري و توسعت ابتسامتها من نورت شاشة جوالها بإتصال هذال و ردت عليه بخجل من ترحيبه الدائم فيها ونطق : ورد العمر عساك مستانسه
هزت راسها وكأنه يشوفها ونطقت: هو فيه شي تدخل فيه انت وما اكون مستانسه ؟
ابتسم و ضحك من فرط حبه لها ونطق : اجيك ؟
هزت راسها بالنفي ونطقت بدلع : يوم الزواج اي الان مستحيل
رم شفايفه ونطق بإبتسامة : وان قلت افتحي الشباك حدي نظر هالمرة
مشت بحركة سريعه و فتحت الستارة من بعيد ولا بان له الا ظلها وانتبهت لوقوفه تحت عند الجلسة الخارجية يمشي حولها و اللي تكون بين بيوتهم ونطقت بخجل و توتر : ما اقدر استحي لو ابوي جاء او عماني يشوفوني اناظر من فوق
اردف وهو متفهم شعورها ونطق : طيب انحرمنا شوف هاتي من عذب سواليفك
ابتسمت وهو اللي يبحث لجل يلاقي معها فرصة ونطقت : انا و قلبي و روحي و كل مافيني يحبك
وعضت شفايفها بخجل من طغت عليها مشاعرها و ابتسم بذهول منها وهو اللي لو طلب عاندته ونطق يمسك قلبه وجلس على اقرب مقعد تحت انظارها و ضحكها منه وبتر كلامه من جاء يرد عليها من نطقت : احبك مو لانك خطيب او حبيب احبك لانك عرفت ورد يوم الكل جهلها احبك لانك وقفت قدامهم كلهم وبلحظة انهزامي حطيت يدك بيدي و راهنت على برائتي
ضحكت من تسللت دمعة على خدها ونطقت : انت اللي اقول لك اني احبك وانا احسها واعنيها
ابتسم و عصفت فيه و عصفت في مشاعره وهيضته و وده يعتذر لها على تأخيره بإعترافه ونطق : دام رأسي يشم الهواء والله ما تضيمين ودامي معك اطربي و غني
تأملته من فوق ونطقت : طيب شرايك تروح ترتاح من اليوم بالشركة و بكرا اكيد عندك اجتماعات
رفع نظره لجهتها ونطق بحب : اي والله اجتماعات بكرا ثقيله و طويله الله ييسر
زمت شفايفها من حست انه ما بيجي حفلتها ونطقت : حبيبي تصبح على خير
اشر لها بيده وابتسم ونطق : وانتي من اهلي واحبك
زادت ابتسامتها من قفلت الجوال بعد ما ضحكت من الخجل و تنهد بحب من غنجها و توجه لفلتهم و التقى مع سمو اللي تو دخلت ونطق بدهشه : سمو من اليوم وينك ؟
تقدمت له وحضنته وشدت عليه ونطقت بنبرة حزن :
هذال تعبت اشتقت لشهم ابيه
شد عليها بخوف ونطق : بسم الله عليك وش صاير ؟
دفنت نفسها بصدره ونطقت : مدري بس احس خايفه
ابعدها ومسك وجهها بيدينه ونطق : افا يالسمو تخافين ؟
رفعت كتوفها بمعنى ما ادري ونطقت : مدري هذال بس احس كل شي حولي يرعبني من بعده
سحبها وجلسها بجانبه و لف جسمها لها و صار مقابلها ونطق : علميني وش فيك ؟
رفعت وجهها للاعلى ما تبي تنهار و تنهدت بثقل ونطقت : بقول لك بس لا تعاتبني تكفى
ركز بجميع حواسه معها و هبط قلبه برعب وهو ما يبي للضيق مدخل عليها و نطقت : اليوم انا و هناي رحنا لبيت راجح
عقد حواجبه بقوة ونطق بغضب : وش انهبلتي كيف رحتوا ؟
مسكت يده ونطقت بتبرير : اسمعني للنهاية ولا خلني بحالي
تنهد بقلق عليها ونطق : لا تلوميني اخاف عليك بس ابشري قولي وش صار ؟
بللت شفايفها ونطقت : هو طلبها و رحنا و انا انتظرت برا لو صار لها شي ابلغكم
ناظرها بذهول ونطق : طيب افرضي صار شي ما حسبتوا حساب البعد و المسافة ؟!
هزت راسها بالنفي ونطقت : كنا عارفين ما بيضرها اقصى شي يستفزها
شبك يدينه و نطق بتركيز : وش صار بعدها ؟
رفعت كتوفها بمعنى ما ادري و نطقت : دخلت وطلعت بعد نص ساعه و كانت تبكي و اخذتها بمكان هادي وتو جيت من عندها
سحبها وضمها و شم راسها ونطق: مجانين بس ربكم سلم
ورفعت راسها و نطقت : ما قلت لك عشان تعرف قلت لان هناي رافضه تعلمني وش صار معها داخل افهم وفهمني
عقد حواجبه بتشتت ونطق : خليني اكلم سعود هو فاهم بأمور راجح
زمت شفايفها ونطقت بعدم فهم : وش دخل سعود الموضوع تسكر عندهم من زمان
وكشرت ملامحها ونطقت : واساساً ما كان موجود بعزا رفيقه وش ترتجي منه هالحين ؟!!
ضحك بسخرية ونطق : حطي اعذار يا السمو عنده مهمة في المانيا لجلها ما جاء
تكفت و استندت على الكنب ونطقت : مو مقنع
ضحك من غرورها و طبع قبلته على راسها ونطق : بروح اكلمه وحركة اليوم لا تتكرر صدقيني ما توقف معك
ناظرته بضحك : طيب انا السمو ما توقف معي ؟
توسعت ابتسامته و ضحكته و ضرب صدره ونطق : بلانا انك السمو ما نقدر على زعلك
ابتسمت بغرور و طلع من عندها و توجه لغرفته و اتصل على سعود وماهي الا ثواني و رد عليه ونطق سعود : يا مرحبا والله بأبوهذام
ابتسم هذال ونطق : الله يبقيك بشرني عنك وكيف المانيا ؟
تنهد سعود اللي انتبه لجلوس شهم لوحده و توجه له ونطق : بخير دامك بخير المانيا بخير بس ماتجي بمستوى نجد العذية
ابتسم هذال ونطق : الله الله متى بترجع ؟
هز رأسه بالنفي ونطق : باقي لنا اسبوعين و نرجع الا امرني ما دقيت هالوقت الا لجل شي كايد ؟
اردف هذال : بقول لك علم و تأكد لي منه
فهم عليه سعود ونطق : بتنشد عن بنت عمك عدي و لقاها مع راجح ؟
عقد حواجبه و فهم ان سعود لازال متابع قضية شهم و اردف سعود اللي جلس بجانب شهم وشده الحوار : بنت عمك جرحوها كثير اليوم ولا كان معها احد لجل كذا اكيد انهارت عندكم
هز راسه بالنفي ونطق هذال : ما انهارت اختي كانت معها بس وش جالس يصير ؟
فز شهم اللي سمع صوت هذال و هو كله شوق لعضيده وشده من نطق سعود : كيف اختك معها ؟ ما دخلت ؟
عقد حواجبه هذال : وبعدين كيف كنت تعرف ان بنت عمي بتقابله ولا قلت لي ؟
تنهد سعود من نطق : احنا عارفين بجيتها وكنا مأمنين على بنت عمك مهما صار ما احد يقدر يضرها بس ما درينا عن اختك
هز راسه هذال وهو مو فاهم شي ونطق : المهم البنت منهارة ولا تكلمت هو وش قال لها ورافضه تتكلم ؟
قبض على يده شهم ونطق سعود : بتعرف بالوقت المناسب اعذرني هذي تضر مهمتنا
تنفس هذال بغضب ونطق : ما بقول لاحد بس فهمني انا تهت معكم ومع مهمتكم
اردف سعود بتهدئة ونطق : وكل امرك لله وابشر بعزك عطني يومين وابلغك بكل شي توصي شي ؟
هز راسه بالنفي هذال و نزل جواله سعود والتفت على شهم من نطق : كانت معها انشهد انها اصيله بس الخسيس ما لقى من بنات ادم الا اختي ياخذها ويومه اخذها صارت بنت سالم زوجته كيف فرط في السمو
ربت على كتفه ونطق : ما احد يعرف قدرك الا اذا جرب غيرك بس كيف بنقول لها ؟
سحب حصى من الارض و رماها بغضب ونطق : اعرفها قوية بس بيكسرها قولنا و انا ببلغها انا افهمها وتفهمني
هز راسه سعود ونطق بتساؤل : كيف بتتحمل انك حي و ان كل اللي صار كذبه ؟
تنهد و سند ظهره على الارض و حط يدينه على وجهه ونطق : هذا اللي بيوجعها وليته بس هذا كيف بوجعها واقول خطيبك متزوج عليك !!؟
التفت له سعود ونطق : بتتقبل صدقني بس كيف نقنع سلطان انك تعلمها ؟
ناظره و ركز فيه : ما يهمني المهم تعرف مني
و طلع جواله وما هي الا ثواني واختار اسمها من بين الاسامي و ارسل لها النقطة كالمعتاد و ردت عليه بنفس اللحظة و تنهد من ارسلت باللغة الانجليزية : طوال الاشهر الماضية ترسل نقطة ايش اليوم نقطتين وبأوقات مختلفة ؟
تأمل رسالتها و ارسل بنفس اللحظة باللغة العربية : حسيت انك تحتاجين وارسلت و انا قلبي دليلي
وارتكبت من ارسل لها بالعربي وفضلت الخروج من المحادثة تأمل رسالته و قرائتها و خروجها من المحادثة