يوم من ايام الربيع تحديدا في بيت ابو محسن الساعه 5 الصباح في مدينه الرياض يوم الثلاثاء في غرفه سديم في شروق الشمس صحت سديم على صوت المنبه بدايه ليوم جديد صحت وقفلت المنبه وقامت ناظرت في جوالها وهي تحك عينها شافت الساعه وقامت اخذت شاور وصلت ولبست وجهزت ..
وهي تسوي الميكب حقها دق باب غرفتها ناظرت الباب وقالت : تفضل
وانفتح الباب وكان محسن جلس على طرف سريرها وقال : صباح الخير
ناظرت فيه سديم وقالت : صباح النور شفيك غريبه تبي شي صح
ضحك محسن وقال : لاتفهميني صح
ضحكت سديم وناظرت فيه وعدلت جلستها وهي تقول : اخلص وراي جامعه
قرب محسن وهمس بصوت واطي : شفت بنت جيراننا اول مره اشوفها المهم انها عجبتني
ضحكت سديم بصوت خفيف : طيب وراك متوتر
ناظر فيها محسن وهو يلعب بشعره : مدري يختي اول مرا اعجب باحد
قاطعهم جوال سديم وهو يدق اخذته وناظرت فيه واشرت بيدها دقيقه
حور وهي تسوق : ها جاهزه
سديم : خمس دقايق واكون جاهزه
حور : يلا تمام اسرعي قريبه انا
سديم قالت تمام وقفلت ناظرت في محسن وقالت : موضوعك يبي له جلسه اخلص اشغالي واجيك
محسن : زين لاتبطين
سديم : على حسب المحاضرات
هز راسه محسن بمعنى تمام وخرج من غرفتها بهدوء خلصت سديم ولبست عبايتها الورديه وتبخرت واخذت في شنطتها عطرها وحطت على السكرابز بروش هيلوكيتي واخذت اغراضها ونزلت ووصلت عند المجلس دخلت وسلمت على ابوها
ابوها محمد : الله يوفقك
سديم باست راسه وخرجت ولقت حور تنتظرها وركبت معاها السياره و سلمت سديم وشغلت راشد الماجد تعلن روقانها وحركوا..
....
في مكان ثاني تحديدا في بيت ابو لؤي
لؤي جهز لجامعته ونزل جلس مع اهله قربت منه اخته دلع وقالت : شفيك تهوجس
لؤي : تشوفين شي محد يشوفه
ضحكت دلع وقام لؤي واستاذن وقام وراه سعد ركب لؤي سيارته ودق الشباك سعد وفتحه لؤي بهدوء ناظر فيه ينتظره يتكلم سعد قال : هدوءك مخيف
ضحك لؤي ببرود وركب معاه سعد وحرك لؤي لجامعته لمن وصل نزل لؤي وقال : السياره بامانتك
سعد : ازهل
ودخل لؤي لجامعته ..
...
حور كانت تسولف لسديم بحماس وهو يمشون متجهين للبوابه سديم كان لافه عليها وفجاه تصقع باحد وناظرت فيه وناظر فيها شوش هو فيها من جمالها ورقتها ودلعها مسكها ورفعها وقالت اسفه لؤي ناظرها ببرود وهو مستغرب من جمالها وهي جلست تنفض عبايتها ورفعت راسها وعدلت شعرها وناظرت فيه وقالت : اسفه ما انتبهت لؤي كان مشوش فيها وقال : لا عادي وسحبت حور سديم ومشيوا وفجاه احد يجي من ورا لؤي ويشيله ونزله ولف له لؤي وقال مهند : اعنبوا غيرك اعرفك عن بعد امتار ضحك لؤي ومشيوا سوا ..
الساعه 4 العصر تحديدا سياره حور كانوا رايحين كوفي وصلوا ونزلوا وهم جالسين كانت حور تاكل و سديم قدامها فجاه حور تاشر لاحد ويجي ويقول : سلام ناظرت فيه سديم وهي اول مره تشوفه قامت سديم وجلست جنب حور ولا فجاه يجي لؤي ويناظر سديم وينزل راسه ويجلس حور و مهند كانوا اصدقاء من الطفوله وجلسوا يسولفون سديم كانت شوي تعبانه وقتها وبدت تكح وقام لؤي وجاب لها مويه وشربت وقالت : شكرا لؤي ما قال شي فجاه دق جوال سديم ما امداها تقوم فردت وقالت : يا محسن قلت يوم اجي علامك مشفوح وقالها محسن : لاجيتي بدري بجيب لك وردك المفضل
سديم: تستغل نقاط ضعفي هاه وهي تضحك وقفل محسن ولؤي في داخله كان يحسب محسن زوجها او خطيبها و ما فكر فيها كثير قامت سديم وقالت : تشرفت فيكم مهند رد عليها و لؤي ساكت وطلعت وركبت مع محسن لؤي كان يبي يسال بس ما حب يتدخل في شي ماله دخل فيه وقام لؤي وقال : عن اذنكم وطلع وراح بيتهم ..
...
في الليل تقريبا الساعه 9 تحديدا في غرفه سديم ..
كانت هي ومحسن يسولفون وفجاه قال لها محسن : سديم تكفين تعرفي عليها
فكرت سديم وقالت : همممم زين عشان هالورد بس
ضحك محسن وقال : اهم شي موافقه فجاه دق جوال سديم رقم غريب قامت من مكانها وردت وقالت : هلا مين
صوت بنت تقول : انتي سديم ، سديم انخرشت وقالت اي من معي قالت انا انا امك لو شفتوا وجه سديم وقتها طبعا ام سديم ومحسن يوم تطلقت من ابوهم تركتهم عنده وسحبت عليهم وتزوجت واحد اجنبي ومايدرون وش صار بعدها بدت دموع سديم تتجمع قام محسن ومسك وجهها وقال : مين ذا سديم عطته الجوال وجلست لان عندها فقر دم وبدت تدوخ مسكها محسن ورد وقال : مين قالت انا امكم محسن بكل برود قفل في وجهها ومسح رقمها ولف لسديم يحاول يقومها شويات وقامت محسن قال : لا تبينين لابوي شي سديم هزت راسها بمعنى تمام ..
...
في اليوم الي بعده الساعه 8 الصباح..
سديم كانت صاحيه تاكل وجالسه على الابتوب وجاهزه فجاه ينفتح باب غرفتها ويطلع محسن يقول: سديم سديم بسرعه انزلي خرجت خرجت سديم بغت تغص منه وقالت : كنت بموت ي غبي وقامت ولبست عبايتها واخذت السكرابز حقها وتعطرت ونزلت سلمت على ابوها واخذت مفتاح سيارتها وخرجت
طيحت شي وراها وجت بنت جيرانهم تركض اخذته وقالت : لوسمحتي طاح منك لفت سديم وقالت: حياتي مشكوره وابتسمت لها البنت وكانت مرا لطيفه ناظرت فيها سديم وقالت : اوصلك؟ واتعرف عليك مرا وحده ، ابتسمت البنت وقالت : ما اقول لا وركبت مع سديم لو تشوفون ابتسامه محسن وقتها المهم ركبت معاها وكانت بتقابل وحده من صديقاتها وبدت تتعرف عليها سديم ، اسمها وتين وقالت لها سديم ماكملتي دراستك صح قالت لها وتين اي ما كملت ابوي يبيني اتزوج ابتسمت سديم لها وقالت: في احد معين في باله ناظرت وتين فيها وقالت: لا ليه ناظرت فيها سديم وقالت: عشان ازوجك اخوي استحت البنت مراااا وقالت: الشرف لي وابتسمت لها سديم ووقفت عند المكان الي تبيه وتين ومدت يدها سديم وهي تقول: هذا رقمي حبي وقت ماتبيني حاضره ابتسمت لها وتين ونزلت من السياره وراحت لصديقتها..
في مكان ثاني عند لؤي..
قام لؤي واخذ شاور وناظر الساعه كانت 8 ونص ولبس وخلص ونزل لقى امه قالت له : اليوم ابيك توديني عند واحد من جيرانا من زمان استغرب لؤي وقال : هو ساكن هنا قالت امه : اي ومعاه بنت مدري شسمها وولد بعد قلها لؤي تمام وسلم عليها وركب سيارته وراح لجامعته كان ما عندهم محاضرات كثير بس لؤي و سديم بنفس القسم ومهند وحور بنفس القسم وحور ومهند كان ما عندهم محاضرات..
على الساعه 11 ونص خرج لؤي وراح الكوفي نفسه الي تقابلوا فيه هو وسديم وكان معهم مهند وحور و دخل وجلس وطلب له قهوه وجلس يراجع خمس دقايق تقريبا ودخلت سديم ناظرت فيه وابتسمت وهو ابتسم لها وراحت تطلب كان الكوفي شبه زحمه و سديم ما لقت مكان تجلس فيه اشر لها لؤي وقال : اجلسي معاي عادي وافقت سديم وجلست كان في البدايه الوضع صمت كذا خمس دقايق ..
لؤي : وش اسمك ، سديم : اسمي سديم وانت لؤي صح ، لؤي : اي ، وش تخصصك؟ ، سديم : تمريض ، لؤي : الله نفسي وتفاجات سديم مر تقريبا خمس دقايق وقامت سديم وقام لؤي سديم كانت شوي متوتره لان سيارتها مع اخوها و مايرد ناظر فيها لؤي وقال : زوجك مدري خطيبك مايرد!
ضحكت سديم وهو ابتسم مستغرب وقالت : قصدك اخوي محسن؟ تفشل لؤي وقال : اخوك اسف ما دريت وضحك على نفسه و قام عرض عليها انه يوصلها ووافقت وفعلا وصلها وشكرته...
يتبع..
