الساعه 2 و 45 دقيقه تقريبا عند لؤي ..
وصل الرياض وراح لبيتهم دخل بهدوءءء تام راح لغرفته اخذ شاور وانام ..
...
في اليوم الي بعده الساعه 10 الصباح ..
عند ريماس و سديم ، كانوا في الصالون ، ريماس سوت اظافرها وعدلت على شعرها شوي ، سديم قصت بس الاطراف وقصت غره مدرجه ، وسوت اظافرها كان شكلها ورديه من النص وفيها فيونكات واشياء مرا كيوتي ، حق ريماس كان مسويه شي مرا هادي من طرف الاظافر لون ازرق ومرا كان يجنن..
دق جوال سديم ناظرت في جوالها كان انستا دحوم ردت وقالت : هلا ، دحوم : صباح الخير ، سديم : صباح النورر ، دحوم : وينك فيه اسمع ازعاج ، سديم : في الصالون انا ، دحوم :اها اجل لا اشغلك ، سديم : لا عادي ، دحوم : لا خلصتي كلميني ابيك بسالفه ، سديم : ابشر وقفلت ، ريماس : من ذا ، سديم : تخيلي تعرف عليه في الانستا وطلع يعرف اخوي وامس طلعنا سوا وسولفنا شوي ، ريماس : اووو حلو والله ، سديم : يلا نحاسب ونطلع عندي كم شغله ، ريماس : يلا يلا ، حاسبوا البنات راحت ريماس ركبت مع عبدالله و سديم ركبت سيارتها ..
...
عند عبدالله و رموس ..
ريماس : تخيل قالت لي سديم انها تعرفت على واحد في الانستا اسمه عبدالرحمن تمام وطلع معاهم بنفس الحي وامس طلعت هي واخوها معاه ، عبدالله : اها زين ، ريماس : ليه تسلك ، عبدالله : ها ما اسلك ، ريماس : مخبي علي شي واضحه تكلم ، عبدالله : بسم الله مافيني شي ، ريماس : بتتكلم ولا كيف ، عبدالله : خلاص زين لا تاكليني بس بيني وبينك حتى سديم لا تدري ، استغربت ريماس وقالت : اسمعك ، عبدالله : لؤي يحب سديم ، ريماس : كييييفففف ، عبدالله : بسم الله شفيك ، ريماس : هو قال كذا بمنطوقه بوعيه؟ ، عبدالله : شفيك متفاجئه اي قالها بوعيه حتى ما قال احبها كذا بس لا قلب شاعر ، ريماس : اسللم والله ما هوب هين وضحكت ...
....
عند سديم في سيارتها دقت على دحوم وهي تسوق وقالت : ها وينك ، دحوم : تعالي عند الكوفي القريب ذاك ، سديم : تم ، وصلت سديم وشافها هو من بعيد اشر لها وجت جلست معه ، دحوم : وش تشربين ، سديم : مويه دافي يكفي ، دحوم : بس مويه؟ ، سديم : اي ، اتركنا من المويه وذي الاشياء وش الموضوع الي تبيني فيه ، دحوم : مو ابيك فيه بس بشوف رايك ، سديم : اسمعك ، دحوم : الحين مثلا صبر اول شي عشان اقول في مثال افضل مين اقرب شخص لك الفتره ذي ، ريماس و لؤي ، دحوم : حلو الحين مثلا لو جت بنت وقالت للؤي احس اني بديت اعجب فيك وش بيكون رده فعلك وقتها ، شربت سديم من المويه وحكت راسها ولبست نظارتها وقالت : هممم ، دحوم : قولي ما عليك بينا ، سديم : بنتفها هذا اقل شي ممكن اسويه ، ضحك دحوم وقال : في واحد قال لورد حسيت اني بديت اعجب فيك عصبت انا وانا مدري هي وش متوقعه ابوسه مثلا ولا وش ، سديم : الموضوع يقهر الصدق جت الساعه 10 ونص وكانوا يسولفون وكذا دق جوال سديم وكان الاسم (My world)"عالمي" ، كان لؤي اخذت الجوال...
...
لؤي : ياحلو الزعولين وينك فيه ، سديم : لو يهمك كان عرفت ، لؤي : افا ياذا العلم قولي لا تخليني اسوي شي ما يعجبك ، سديم : وش بتسوي مثلا دز بس وقفلت في وجهه دق جوال دحوم واستاذن من سديم وقام وراح قامت سديم وراحت المول في المواقف كانت تسالها ريماس وينك للحين في المحادثه وقالت لها في المول الفلاني خمس دقايق بس هي الي مرت وقت ما كانت تركن سيارتها نزلت من السياره ولا احد يغمض لها عينها من ورا ، قالت : ما تترك حركات الورعان ، لؤي همس : لا ، رجف جسم سديم بشكل غريب يوم سمعت صوته كانت مشتاااقه له بس ما تقدر تعبر ، لفت له كان معاه باقه ورد التوليب لونه وردي كبيييره وفي يده الثانيه كيس في بوكس شبه كبير لكن ما كانت تدري وش فيه ، سديم تجمعت الدموع في عينها فتح لؤي سيارتها وحطه فيها جاء بيلف عليها بيشوف رده فعلها على المفاجاه ، سديم كانت تصيح اي اي تصيح قلبها رجعت له الدنيا بذيك اللحظه مع انه يوم حتى يمكن اقل ، لؤي : شفيك ما عجبتك ، لؤي مسوي نفسه مو مشتاق ولا ولهان وهو داخله وده يضمها ، قرب منها لؤي ورفع لها راسها مسح دموعها وقال : دموعك ذي لاتنزل حتى بغيابي ، سديم مسحت دموعها وعدلت شكلها هو ماحب يسالها ليه تصيحين وكذا رجع على ورا ووقف وقال : يلا عاد نغير لك جو شوي بعدين في البيت تشوفين الهديه ...
.....
تمشوا سوا وغير لها جو ، بالنسبه لاختفاء حور ومهند تزوجوا زواج عائلي وسافروا سوا شهر عسل ، ومر الوقت وطلعوا من المول وكل واحد بسيارته طنب لؤي لسديم لمن وصلوا للفت بيتهم ، ناظرت هي فيه وفتحت الشباك وقال : شوفي الهديه وروقي واستانسي يلا استاذنك ، ابتسمت له سديم وراح دخلت لفت بيتهم ووصلت عند بيتهم ونزلت دخلت البيت سلمت على محسن اخوها وقال لها : ابوي قال يمكن يمدد سفره اي شي تبينه انا موجود ، سديم : سم متى ملكتك ، محسن : نهايه الشهر جهزي نفسك اعرفك تجهزين بروقان وببرود ابداي من الحين ، سديم : فديت الفاهمين ، ابتسم لها وقال : من مين الهديه ذي وغمز لها ، ضحكت سديم وقالت : في واحد اسمه لؤي سافر وزعلني وهاذي رضاوه ، محسن : اوه ماله ماله داعي يزعلك يلا تتهنين فيها ، ابتسمت له سديم وطلعت غرفتها ..
.....
كانت متحمسه مرا تشوف هديه لؤي نزلت عبايتها وجلست على السرير رفعت شعرها بالشباصه ولبست نظارتها عشان كانت متاكده انه في رساله ، فتحت البوكس واول ما شافت فيه كل شي وردي وكيوت وعلى ذوقها اول ما شافت اشياء ورديه صرخت بصوت خفيف قالت : كييييوووتتتتتت ، وكملت لمن خلص الموجود في البوكس في اخر البوكس كان في ورقه كبيره مفتوحه مكتوب فيها : لسا ما خلصنا ، شالت الورقه طلع تحتها كرت فيه رساله طلعت الرساله وبدت تقرا كان مكتوب فيها :
