وصلت سديم للبيت ونزلت دخلت بيتهم وكانت طالعه لغرفتها ولا يناديها ابوها راحت له كانت زوجته في وبجنبها بنت ، ابو محسن : هاذي باذن الله نفس اختك اسمها ليان ، ليان كان شكلها بريئه مرا ولطيفه ابتسمت لها سديم وليان أبتسمت لها واستاذنت سديم وراحت لغرفتها يوم طلعت من الشاور وكانت جالسه على جوالها تكلم لؤي دق باب غرفتها ، سديم : تفضل ، ليان فتحت الباب بشويش وقالت : عادي ادخل ، سديم : تعالي ، دخلت وكان معاها كتابها الرياضيات ، ليان : مافهمت هذا ، سديم : امك ماتعرف له ، ليان : ماهي مهتمه بتساعديني؟ ، سديم : تعالي حياتي ، جلست ليان وسديم جلست تناظر بالسوال وعنوان الدرس ليان قعدت تلعب بشعر سديم ، سديم بعدها شرحت لها وفهمت ليان ، ليان : عادي اذا ما فهمت اجيك ، سديم : تعالي حياتي لو تبين ادرسي هنا عادي ، وجلست ليان مع سديم ، سديم : كم عمرك انتي ، ليان : 15 بدخل الشهر الجاي صف ثالث متوسط ، سديم : ياحلوك ، ليان : الشهر الجاي بنص الشهر ، سديم : حلو ، ليان : عادي الصباح تسوين شعري وعادي يوم ارجع اسولف لك ، سديم : اي شي تبينه صحيني بس لا تترددين ، سديم رحمتها حست انها نفسهم فاقده اشياء كثيره وهي صغيره ..
....
عند لؤي وصل لبيتهم دخل راح لغرفته اخذ شاور وجلس يكلم سديم بعدين قالت له بتنام سكر جواله ونام هو بعد ..
....
اليوم الي بعده الساعه 6 ونص الصباح دخلت ليان غرفه سديم بشويش وهي تفتح الباب جاء من وراها محسن وقال : بتهاوشك ترا ، ليان ناظرت فيه وقالت : هي قالت لي وقت ماتبيني تعالي ، محسن : سديم ؟ قالت كذا ، هزت راسها ودخلت غرفه سديم وجلست تحاول تصحيها لمن صحت ولا فجاه تجي وحده ثانيه نسسخه ليان دخلت وراها محسن مرا منصدم كان سديم حكت عينها ناظرت في ليان وناظرت في الي وراها ناظرت ليان وراها وقالت : اها ذي توامي لين ، سديم : تواامك؟ ، بسم الله ما شاء الله يشبه ، لين بهدوء : سوي لي شعري ، سديم اشرت على عيونها وقامت وشبكت الفير ودخلت دوره المياه غسلت وسوت كل شي و طلعت بدات ب لين ، جلست تسالهم سديم تحاول تتعرف عليهم اما بالنسبه لمحسن فتركهم وراح ينام ، طبعا بشرح لكم كيف كان شكلهم ، لين كان شعرها فوق كتفها عند رقبتها ولونه بني وعيونها عسلي فاتح وقصيره ، ليان كان شعرها برضو فوق كتفها عند رقبتها ولونه بني لكن عيونها عسلي غامق وقصيره بعد ، لين كانت هاديه لكن انسجمت هي و سديم ....
....
ليان : سديم ، سديم : لبيه ، ليان : عادي تمشينا اليوم لان اليوم الخميس وكذا ، لين : ما ابي انا ، سديم : ابشروا ، وانتي يا لين بتجين غصبن عنك بس قولي لي وين تبين وسمي ، لين : ابي المكتبه ، سديم : سمي بس بقولكم سر في السياره ..
جهزتهم سديم للمدرسه وحبتهم علطول وحبوها اكثر ، في السياره كانت ليان قدام ولين ورا ، سديم : تبون اخرجكم ولا تبون تكملون ، لين : انا بخرج ، ليان فكرت شوي وقالت : وانا بعد ، سديم : بس بجيكم قبل دوامي يعني اوصلكم البيت واروح دوامي ، كلهم قالوا ماعندنا مانع ..
دق جوالها وكان لؤي ارتبكت شوي لان للحين ما قالت لهم ردت عليه وقالت : لبيه ، لؤي : صباح الخير ، سديم : صباح الورد ، لؤي : اوف اوف ي الترويق جوي وين الوجهه خميس وكذا ، سديم : الوجهه اول شي الدوام نص دوام بعدين بعرفك على بنات مرت ابوي ، لؤي : بتجيبينهم ، سديم : ايوا ، لؤي : حلوين وقالت له انها بتقفل وقفلت ..
لين : يصير اسال من ذا ، سديم : اسالي الي تبينه ، بس ها بيني وبينكم ، وافقوا البنات وقالت لهم سديم : هذا اسمه لؤي بيكون زوج اختكم ان شاء الله لمن تزين الامور ، ليان : الله احسكم كيوتين ، لين : حتنى وقاطعهم وصولهم للمدرسه نزلوا البنات وودعوا سديم ورجعت سديم البيت تاخذ غفوه قبل الدوام ..
....
الساعه 10 ونص عند لؤي تجهز ونزل سلم على اهله وطلع ركب سيارته وراح لسديم ، عند سديم قامت من النوم سوت ميكبها المعتاد لبست عبايتها الورديه الحرير ونزلت سلمت على ابوها وطلعت وبدت مرت ابوها تحرض ابوها عليها نفس بنتك ليه ما تغطي شعرها بنتك وبنتك ..
طلعت سديم ركبت مع لؤي وكانت لابسه نظارتها النظر سلمت وقالت له : مر مدرسه البنات وقالت له وين وطول الطريق كانت تسولف له وكان ينصت لها ولا يمل من سوالفها وقال بعد ما خلصت سالفتها : مستعد احارب العالم عشان اخذك وتكونين حلالي ، ابتسمت له سديم وكانت تناظره نظرات مليانه حب المهم وصلوا للمدرسه نزلت سديم من السياره ودخلت عشر دقايق وخرجت هي وخواتها ، ناظر فيهم لؤي وابتسم وركبوا هم ورا وركبت سديم كانت وهي طالعه السياره بتطيح مسكها لؤي بيد وحده وقال : بسم الله عليك انتبهي ، ما شربتي قهوه صح ، ضحكت سديم وقالت : صح ، ليان : سديم ، سديم : هلا حبي ، لين : تهاوشنا مع وحده و مانبي امي تدري ، سديم : وش سوت لكم ، ليان ولين استحوا ، سديم : قولوا لا تستحون لؤي موب غريب ، لؤي كان يسوق ، ليان : تكلمت عن امي ، لين : قالت امكم حقت رجال قدام كل بنات الفصل ، سديم عصبت شوي وقالت : وانتوا وش سويتوا ، لين : صراحه معطت لها شوشتها وكملت ليان ، ضحك لؤي كان فيهم شوي حركات من سديم ، سديم ناظرت فيه وهو يضحك ناظر فيها وقال : اسف سمي ، ضحكوا خواتها ، وصلوا البيت ، سديم : بدق عليكم تجهزوا لمن ادق ، ليان : أبشري ونزلوا من السياره ودخلوا البيت ..
.....
حركوا سديم و لؤي ووصلوا الداوم مر يومهم طبيعي بدون اي مشاكل الحمدالله ..
...
الساعه 8 ونص الليل ...
وهم راجعين للبيت ، سديم : وصلني لبيتنا وبعدها روح بيتكم خذ شاور وبدل وبجيك انا لمن نخلص ، لؤي : تم تم ، ونزلها بيتهم وحرك لبيتهم ..
عند سديم ..
دخلت البيت وجو ليان ولين لحضنها وباستهم جت مرت ابوها وقالت : من متى وانتم متفقين ، ليان راحت ورا سديم ، سديم : من اليوم ليه مضايقينك ، داليا ضحكت ومشت من جنبها ، لين : وجع ، سديم مشت راحت غرفتها راحوا البنات بعد غرفتهم يبدلون ويتجهزون خلصوا البنات وراحوا غرفه سديم لقوها تسوي ميكب جلسوا على سريرها لين كانت لابسه سماعاتها وجالسه على جوالها ، بقولكم وش يميز لين عن ليان ، لين كانت هادئه ودايم بحالها وتلبس نظاره وقت الحصص ووقت ماتقرا وعيونها افتح من عيون ليان وتحب تقرا كتب ومعاها ربو ، اما ليان كانت تحب تسولف وما تلبس نظاره وعيونها اغمق من لين وتحب الحيوانات..
....
خلصت سديم وقالت لهم : البسوا عباياتكم بنمشي ، لبسوا عباياتهم كلهم عبايه سديم كانت الورديه الحرير والطرحه على كتفها ، لين وليان كانت عبايتهم بنفسجي وبرضو الطرحه على كتفهم ، نزلوا جت مرت ابوها التستس ، داليا : على وين بذا الوقت ، سديم : خميس وبمشي البنات ، داليا : مافي طلعه ، سديم اشرت للبنات يعني اطلعوا ، ترددوا البنات بس طلعوا ، صارخت داليا تقول : هين ، مشيت سديم من جنبها بهدوء وطلعت وركبت سيارتها شغلتها ولا يدق الشباك محسن وفتحته سديم ، محسن : وش الحلاوه ذي ، سديم مسكت خدوده وقالت : انت الحلو والله ، محسن : ايه على وين لازم طقوس الخميس ، سديم : يافاهمنييي وضحكت ، توصي بشي ، محسن : ابد بس لا جيتي سوي لي اندومي ، سديم : من عيوني يلا باي وحركت ...
.....
عند لؤي جهز وخلص وكان كششوخيي اخر لمساته يرفع شعره عن وجهه بيده نزل مع الدرج سلم على امه وابوه واستاذن منهم وطلع ..
ركب مع سديم وحركت وصلوا للمول ونزلوا ، سديم : خلكم معاي اي محل تبونه ندخل سوا ، ليان : سمي ، يوم طلعوا للدور الثاني مشيوا شوي ولا تشوف سديم نفس البنت الزفته ذيك الي صقعت في لؤي قاصده ، البنت : اهلين ، لؤي : هلا مين انتي ، ليان ولين كانوا لاصقين بسديم وقتها ، سديم : يلا لؤي تاخرنا ، مشى لؤي مع سديم وسحب على ذي ، لين نادت سديم وقالت لها باذنها لانها كانت مرا خجوله قالت باذنها : من ذي ، سديم : وحده غبيه ، لين فهمتها ، مر الوقت ودخلوا محل لين وليان جلسوا يشترون ، لؤي : شفيك شمضايقك ، سديم : مافيني شي انا بس لاحظت كم شي ، لؤي : وش هي ، سديم : شسمه احس امهم تسوي فيهم شي او ما ادري صراحه ، لؤي : ليه تحسين كذا صار شي؟ ، سديم : دايم يوم تقول شي او تعصب يخافون منها و تذكر اليوم يوم تهاوشوا مع وحده وقالت لهم امكم حقت رجال من يومها اشك ان في شي ، لؤي : تهقين انها تعنفهم او كانت تعنفهم ، سديم : والله مدري صراحه ...
.....
حاسبت سديم وطلعوا وشرت لهم فساتين عشان ملكه وعرس محسن وكانوا مرا فرحانين ليان ولين مر الوقت وجت الساعه 11 ، سديم : لؤي نمشي؟ ، لؤي : يلا حياتي نمشي ، ركبوا السياره وكانوا البنات على جوالاتهم ، سديم وهي تسوق : للحين امك صامله على قراراها ، لؤي : والله مدري بس خلينا نخلص من ملكه وعرس محسن مدامه قرر كل شي بيوم واحد خلينا ننبسط واوعدك باخذك باذن الله ، ابتسمت سديم له وكان يناظرها بحب و صلت لؤي لبيتهم نزل وجاء من جهتها وهمس لها : احبك وشرد لبيتهم ، استحت سديم وحمرت خدودها ، وصلت لبيتهم نزلت هي والبنات اخذوا شاور وبدلوا ..
...
كانت سديم في المطبخ هي ومحسن جالسين يسولفون كالعاده وهي تطبخ ، سديم : محسن وش شعورك وانت بتتزوج الحب الاول ، محسن ابتسم وقال : فيني الصيحه ، فطست سديم ، محسن : بتحسن بشعوري يوم من الايام وضحك ، اكلوا سوا و طلعت سديم لغرفتها دخلت وكانت بتقفل الباب دق الباب قبل ما تقفله فتحته لقت ليان ولين ، سديم : شفيكم ، ليان : امي هاوشتنا وخايفين ، سديم : ادخلوا دخلتهم وقفلت الباب زي دايم وقالت لهم : ناموا عندي ، نامت ليان و لين كانت تقرا كتاب وسديم جلست شوي على جوالها ونامت ..
....
عند لؤي دخل البيت راح المطبخ شرب مويه وجلس يتبوسم طلع لغرفته اخذ شاور وبدل وكان خلاص بينام ولا يدق باب غرفته قام وفتح الباب كانت امه ، لؤي : سمي ، امه دخلت وجلست على السرير وقالت : انا اليوم رحت بيت خالتك وشفت بنتها كبرت وحلوت ، لؤي : طيب؟ ، امه : وتحترمني واسلوبها زين ، لؤي : يمه اختصري بنام انا ، امه : بزوجك ياها ، لؤي : بزر انا ، امه : منت ببزر لكن امك عجبتها البنت ما تاخذها ، لؤي : يمه انا احب سديم وبتزوجها و ماني ماخذ الا هي ، امه : تعقب تاخذها وانا ماني براضيه ، لؤي : محشومه انتي لكن مردك بترضين ، امه : بتتزوج بنت خالتك غصبن عنك بدت اصواتهم ترتفع وجت دلع هي وسعد ، لؤي : يمه ماهو بغصب هو انا رجال كبير واعرف مصلحتي زين ، امه : بتتزوج بنت خالتك ولا تراني بغضب عليك ، دلع : يمه هدي ، سعد : يمه محنا بزارين ترا ، امه : بتتزوجها ، لؤي : يمه كلمتي وقلتها وماني مغيرها قام من مكانه وراح لسريره وتلحف ونام ، امه : صدق انك قليل ادب ، دلع : يمه هدي ماهو بصغير تزوجينه ، امهم : انطمي انتي وطلعت من الغرفه وكل واحد راح لغرفته بعدها...
.....
في اليوم الي بعده كانوا ليان ولين بغرفتهم ، كان يوم الجمعه صحت سديم اخذت شاور وبخرت غرفتها وصلت صلاه الجمعه وجلست تستغفر وتسبح ..
...
عند لؤي صحى بدري واخذ شاور ولبس ثوبه وتعطر وراح للمسجد خلص خطبه الجمعه وصلى وكل شي ورجع لبيتهم اكل مع اهله وبعدها جلس معاهم ..
...
عند سديم كانت جالسه بغرفتها ولا تسمع صوت صراخ فتحت باب غرفتها ونزلت بهدوء تشوف وش في انفتح باب البيت وطلع محسن وقال : شصاير ، سديم : مدري ، ودخلوا المجلس على دخلتهم داليا عطت ليان كف وليان كانت تبكي ، سديم قربت واشرت لمحسن ياخذها هو طلعها من المجلس ، سديم : ليه تضربينها؟ ، داليا ضحكت وقالت : هي بنتي ولا بنتك ، سديم : بنتك بس ما تسوين فيها كذا ونسكت اذا انتي مريضه فا هاذي مشكلتك ، داليا ضحكت هذيك الضحكه ، سديم : الله يعينك على نفسك ، واذا ضربتيها مرا ثانيه هي ولا لين بتلاقيني بوجهك ، طبعا سديم تقول كل ذا الكلام ببرود ، دخل ابوها المجلس وهي ناظرت فيه وطلعت راحت المطبخ لقت محسن و ليان هناك ، ليان حضنت سديم وقالت : لاتتركيني ، سديم : معك انا لاتخافين ، محسن : ماهي بصاحيه ذي ، سديم : اي والله ، طلعت سديم وليان فوق وراهم محسن راح غرفته وسديم راحت غرفه ليان ولين ، ناظرت في لين لقتها متلحفة ونايمه لفت لليان ، سديم : شفيها ماصلت؟ ، ليان : مدري بس صلينا سوا ونزلت انا تحت وهي نامت يمكن ، قربت سديم منها شالت اللحاف لقتها تعرق مسكت جبينها كانت ناررررر ، سديم : وين بخاخها ، ليان فتحت الدرج وطلعته واعطته سديم ، سديم شالت لين وحطتها فوقها وبدت شوي شوي تبخ لها لمن صحت لين ، سديم : وش تحسين ، لين : تعبانه ، سديم : حاولي تقومين تبدلين ليان ساعديها ، ليان بدت تساعدها ....
يتبع..
