في سياره سعد..
عبدالله كان يكلم ريماس ، لؤي ورا مع سديم ، سعد : الى وين الرحله ، لؤي : لبيت عمي ابو محسن ، سديم : علطول كذا ، لؤي : لا يحب بنام بين احضانك ، سعد : والله اخوي كان نظيف وسخته سديم ، عبدالله : امور متزوجين مالك فيها يالقفطه ، سعد : يسد بس ، لؤي : اقول ما وسختني سديم حدك وبعدين تراها مرتي قول زوجتك وبعدين علامك قلبت قصيمي ، عبدالله : ولا صح انت ابو وش ، سديم : اصدمكم مافكرنا ، عبدالله : ول ، سعد : يولد قال مرتي انطم بس ، لؤي : خلاص سدوا حلوقكم ، سديم : ابي البحر ، لؤي : سديم الساعه جايه 3 الفجر؟ ، سديم : خلاص بكرا بروح ، لؤي : سعد ادخل بيتنا وطلع لي لبس غير لبس المستشفى ذا ، سعد : على خشمي ، لؤي : يابعد راسي..
....
وصل سعد لبيتهم وقف السياره بعيد شوي ونزل ودخل لبيتهم كان البيت هدوء ومافي الا اهله وكلن في غرفته دخل غرفه لؤي واخذ لبس ونزل بشويييششش ، ولا تطلع بوجهه جود ، صقعوا ببعض وكانت بتطيح جود ومسكها مع خصرها ، سعد : لبى خصرتس بس ، جود : وخر ياوسخ شوي وتطلع بحلمي ، سعد : نصيبك وطلع ..
وصلوا عبدالله وبعدين وصلوا لبيت ابو محسن وفتحت الباب سديم ودخلت هي ولؤي ، كان البيت مرا هدوء دخلت سديم لؤي غرفتها ، لؤي : ببدل ، سديم : تمام انا بطلع بسوي لك اكل وبجي ، وخرجت سديم وراحت تسوي لهم اكل ، لؤي بدل وخلص ، كذا عشر دقايق وخلصت سديم وطلعت فوق ، سمع صوتها لؤي وفتح الباب لها ، سديم : شكرا ، لؤي : يشيخه ادخلي ، اعطته سديم هذيك النظره ودخلت...
....
عند عبدالله..
ريماس : طيب ليه ما تقول لنا خير ، عبدالله : مشغوله مع البيب ،ريماس : البيب اهم مننا هين ، عبدالله : يممه منك هدي ، ريماس : انطم انت ، عبدالله : سمي😒..
...
عند حور ومهند ..
مهند : شفييك تدورين المشاكل ، حور : انا الي ادورها لا طبعا ، مهند : الا انتي ، حور : زين رح تزوج وش تنتظر تبي مين مُهره؟ ، مهند : لاحول ولا قوه الا بالله شجاب الطاري يابنتي هاذي في الطفوله كانوا يقولون زوجتك ، حور : زين وخر عني وطلع مهند من البيت بعدها..
....
في اليوم الي بعده..
صحت سديم وناظرت تحت تشوف لؤي طلع لسا نايم صحت هي وكانت الساعه 12 الظهر ، فتحت جوالها ولفلفت فيه وبعدها قامت راحت دوره المياه توضت وشويات واذن ، صحت سديم لؤي ، لؤي : همم ، سديم : قم صلاه ، لؤي : سمي ، قام وراح توضى وجاء بجنبها وهي تصلي خلصوا صلاه ودخل لؤي ياخذ شاور ورفعت سديم شعرها عشان تنزل تسوي اكل..
...
نزلت سديم ، محسن : حي الله سديم ، سديم : الله يحييك ، وين وتين ، محسن : توها دخلت المطبخ ، جلست سديم بجنب محسن ، محسن : اي قبل امس وانتي منتي في تهاوش ابوي مع داليا ووداها عند اهلها ، سديم : اف وش صار بعدها ، محسن : حاولت اهدي ابوي لكنه حالف يطلقها انا مدري وش صار بينهم ، سديم : ازين فكه ، ضحك محسن وقامت سديم المطبخ دخلت ، وتين : هلا حبي ، سديم : مساء الخير ، وتين : مساء النور حبيبي ، سديم : اخخخ ياحظ محسن بس ، وتين ضحكت وقالت : قطعي هاذا ، سديم : سمي الان ..
...
خلص لؤي شاور نزل بعدها ، محسن : بسم الله ، لؤي : عمي ما جاء الحمدالله ، محسن : من وين طلعت انت ومتى صحيت ، لؤي : طلعت من قلب سديم وصحيت لانها نادتني ، محسن : وع ، ضحك لؤي وقال : اخبارك ، محسن : بخير ابشرك انت طمني عنك ، لؤي : والله بخير وانا اخوك..
....
وقت صلاه المغرب في بيت اهل لؤي ..
دلع : مشفوح ولدتس يمه ، ام لؤي : خليه مع زوجته ، ابو لؤي : وامك صادقه ، سعد : يبه وانا متى تزوجني ، ابو لؤي : من تبي ، دلع ضحكت ، سعد : ابي جود ، دلع : وش عرفك بسمها ، سعد : وش يهمك انتي ، ام لؤي : توكم تفطرون تعوذوا من ابليس ، ابو لؤي : جود منهي ذي ، دلع : خويه سديم يبه ، ابو لؤي : اها خلنا نخلص من اخوك اول ، سعد : على خير ..
....
في بيت ابو محسن وقت صلاه المغرب ..
ابو محسن : حياك يولدي وان شاء الله اخر الاحزان ، لؤي : امين ياعم ، ليان : وش كنت تحس وقت ما كنت بغيبوبه ، لؤي : في كلام كنت اسمعه وكلام لا يعني مرات اسمع ، سديم ناظرت فيه ورجعت تاكل لاحظها لؤي ، سديم : عن اذنكم ، محسن : توك ما بعد اكلتي زين ، وتين : صح علامك ، سديم : شبعت والله ، طبعا لؤي كان ملاحظ انها نحفانه بشكل وصحتها ماش بس ما يدري وش جاها ، قامت سديم وطلعت غرفتها شافت البنات في القروب يبون يروحون بيت حور لان ما يدرون وش فيها ، دقت سديم على ريماس ، ريماس : هلا ، سديم : شفيها ، ريماس : مدري بنروح لها بعدين تجين؟ ، سديم : تبوني اجي بجي ، ريماس : تعالي ، سديم : تم ..
....
بعد الفطور..
نزلت سديم لان كان عليها المواعين وبدت تغسلهم ، خلصت وطلعت جلست معاهم ، جلس لؤي بجنبها ، لؤي : شفيك ، سديم : وش فيني ، لؤي : مدري احس فيك شي ، سديم لا ابد بخير ، ماحب لؤي يضغط عليها فا سكت ..
...
مر الوقت ..
جاء سعد وركب معاه لؤي وراح لبيتهم شويات ولبست سديم عبايتها ونزلت ركبت سيارتها وحركت ، وصلت البحر نزلت من السياره وجلست ، دقايق ووصلت امها ، سديم قامت ووقفت وجلست تناظر فيها ، امها : اخوك جاي ، سديم : اخوي؟ ، امها جلست وقالت : انتي اخوك مني يوسف ، سديم : طيب؟ ، امها : شوفيه جاء ، يوسف : سلام عليكم ، سديم : عليكم السلام ، يوسف : خلينا لوحدنا ، وركبت امه سيارتها وراحت ، جلست سديم وواضح من وجهها التعب ، يوسف : انا اسمي يوسف عمري 22 ، سديم : سديم عمري 23 ، يوسف : انا اخوك الي تبينه انا موجود ، سديم : تمام ، اخوي اسمه محسن وعندي اختين من ابوي ومتزوجه ، يوسف : ما شاء الله ، سديم : عن اذنك وركبت سيارتها وراحت ، يوسف جلس شوي يفكر بحيره..
....
وهي تسوق بدت دموعها تنزل لوحدها ليه ماتدري ولا يدق جوالها وردت ، لؤي : سديم وينك ، سديم : رايحه عند حور ، لؤي : انتي تبكين؟ ، سديم : لا بس زكمه ، لؤي : خلصي من حور بس وقابليني ، وقفلت وصلت بيت حور عدلت ميكبها بالسياره ونزلت ..
دقت الباب ودخلت ، ريماس : هلا بالساحب ، سديم جلست جنبها وناظرت بعيونها ، همست لها ريماس : شفيك ، سديم : وش ، ريماس : بكيتي صح ، سديم : لا ابد ، ريماس : اي اي صدقت ، حور بدت تقولهم السالفه بس لاحظوا ان حركاتها غريبه واسم مُهره مذكور كثير بالسالفه ، جود : مُهره شي بالماضي ليه تجيبينه؟ ، حور : يعني انا غلطانه اوكي ، ريماس : لا اله الا الله ، سديم اخذت الحلا وقالت : حور افتحي فمك ، فتحت حور فمها ، وكلتها سديم حلا وقالت : انكتمي ، ضحكوا البنات ، حور وهي تاكل : انا انكتم هين ، سديم : خلاص حور تراكم متزوجين مو اي مشكله طلاق صلي على النبي يختي خلك كبيره عقل ، حور : يعني انا صغيره عقل؟ ، سديم : لاحول ولا قوة الا بالله ، ريماس : حور خلاص انتي صح احنا غلط ، جود : لا حبيبي والله هي غلط ، حور : مين طلب رايك ، سديم : ياليل حركات الاطفال انا بمشي ، ريماس : معك ، جود : خذوني معكم ، سديم : تاكسي انا يلا الي تتاخر بسحب عليها ، سلموا على حور وطلعوا..
...
حور جلست تفكر بكلامهم ولاحظت فعلا انها متغيره على مهند وانها زودتها شوي وذكرته بالماضي وقررت تدق على مهند ، مهند : لبيه ، حور : اسفه ، مهند : افا افا ليه اسفه ماسويتي شي خطاك بعيوني صواب ، حور بكت ، مهند : شفيك يروحه ، حور وهي تبكي : احبك ، مهند : اهوااك يعيونه ، حور : تعال البيت ، مهند : دقايق وانا عندك...
....
ركبوا البنات سياره سديم ، ريماس : تفضلي استاذه سديم ، سديم : يمه ، جود : شفيك تحسبين محد لاحظ ، ريماس : حتى انتي لاحظتي ، جود : اكيد بلاحظ خشمها احمر ، سديم : قابلت الحرمه الي على اساس انها امي ، ريماس : هاه ، جود : زوط ، ريماس : اص انتي ، اي وبعدين ، سديم : وطلع عندي اخ ، جود : صرتي تزقين اخوان ، ريماس : جودد ، جود : سمي ، سديم : بس والله مز تبينه جود ، جود : همم ، ريماس : جود تحب سعد ، سديم : اسلللم ، ضحكت جود وهي مستحيه وصلتهم سديم بيوتهم ودقت على لؤي بعدها...
يوم وصلت للمكان ، لؤي : شفيك ، سديم : ماعليك مو مهم ، لؤي : خلصيني ، سديم قالت له ، لؤي : اخوك صدق ، سديم : اي..
.....
في يوم 30 رمضان *تحديدا ليله العيد* الساعه 5..
عند البنوتات..
لين قصت شعرها *Wolf cut* ، كانوا البنات يتجهزون في بيت ابو محسن..
ليان : سديم سوي لي شعري ، سديم : تعالي ، جلست ليان قدامها وبدت سديم تسوي لها شعرها ويفي ، لين : وانا بعد سوي لي ياه ، ريماس : تعالي اسوي لك ، جلست قدامها وبدت ريماس تسوي لها شعرها بالسراميك ، جت حور من الغرفه الثانيه ركض ، حور : بنااااتتتت بنات ، جود : يمه شفيك ، حور : سوي لي سوي لي ، جود : معرفف اسوي لاحد ، حور : سوي بس ، جود : ياليل بحاول (قصدها ايلاينر) ، حور : عيني ياتبن ، جود : اصبري ، سديم : بنات الساعة كم ، ريماس : الساعه خمس ، سديم : كذابه وقامت ركض ، طبعا البنات كلهم مخلصين ميكب وشعر باقي لهم شوي ، سديم طلعت غرفتها لقت لؤي لابس ثوبه بس توه ما سوا شماغه ، لؤي : حيي ، سديم : حي نباك ودقت له تحيه ، لؤي ضحك وقال : بعدي سوي لي شماغي يروحه ، سديم جابت الكرسي وطلعت فوقه لانه طويل وماتوصل ، لؤي : انتبهي ومسكها ، خلصت سديم وقالت : شرايك ، لؤي : حريييفه بعدي زوجه لؤي يجعل يدتس ما تمسها النار ، سديم باسته بخده وهربت ، لؤي : هين وضحك..
يتبع...
