خلصوا من الفطور ورتبوا المكان وجلسوا البنات وام لؤي يسولفون و العيال يسولفون ولا يلتفت محسن للؤي وهم يسولفون وقال : اشوفك الايام ذي قريب من سديم ، لؤي : اي يعتبر نفس التخصص ودايم نساعد بعض شوي وكذا ، محسن : الله يوفقكم يارب عاد باقي لكم اسبوعين يمكن شدوا حيلكم ، لؤي : اي والله الله يعين الحين نبدا نذاكر ، ولا فجاه يدق جوال سديم واخذته وشافت الرقم وتنهدت واخذت جوالها وقالت : عن اذنكم وقامت وطلعت برا قام لؤي وقال : تبون شاهي ، محسن : ما اقول لا ، سعد : اي اي ، وقام وطلع شافها قدام المطبخ وجاء وقف جنبها وهي تتكلم بالجوال ، سديم : قلت ابي اكلمك ورحت تكلم اخوي ابي اخطبها؟ ، طارق : صار لي شهر ما اشوفك اشتقت لك ، سديم : شوق الي يشق بطنك يارب وبعدين وصلتك اجابتي انا ما ابيك قلت ، طارق : لذي الدرجه ، سديم : تعرفني ما قد حبيت واذا حبيت هي مره وحده وبس وقفلت بوجهه ومسكت راسها ، لؤي : لاتضغطين على نفسك ماعليك منه ، ناظرت فيه سديم وكانت نظراتها مليانه تعب ، لؤي : بسم الله عليك ابدائي مذاكره اليوم عشان ما تتراكم عليك ، سديم : تمام عادي لو ما فهمت ادق عليك ، لؤي : حاضر في اي وقت تبينه ، ابتسمت له سديم وراحت ، لؤي دخل المطبخ وقام يسوي شاهي خلص وحطه وزبطت ودخل عندهم صب لسعد و محسن ولف على البنات وامه وقال : تبون ، سديم : ما احبه ، دلع : صب لي ، لؤي : سديم ذوقي صدقيني بيعجبك ، ماحبت سديم تكسر بخاطره وقالت : تمام بذوق ، وصب لها و لاخته ولامه..
..
ذاقت سديم ومرا عجبها وكان هو جالس بجنبها بس شوي بعيد قالت له : وربي يهبل ، لؤي : شفتي وضحك ، وكذا ربع ساعه تقريبا محسن قال : يلا عن اذنكم وكثر الله خيركم ، ام لؤي : نورتونا والله ، دلع : تشرفنا فيكم ، سعد : اذنك معك انتبه لعمرك ، لؤي : انا بوصلكم وطلع وركب سيارته ينتظرهم ، وسلموا على ام لؤي ومشيوا ، سديم كانت جالسه ورا وتهوجس لاحظها لؤي بس كان ساكت وصلهم البيت نزل محسن علطول لسيارته كان عنده دوام و نزلت سديم بعده بهدوء وقالت للؤي : انتبه لنفسك وراحت ..
مر الوقت بدون اي احداث مهمه..
الساعه 5 العصر تحديدا في غرفه سديم ..
كانت سديم تذاكر صاير لها ساعتين ولا يدق باب بيتهم وكان محسن نايم و ابوها مو في البيت قامت وكانت لابسه بجاما و نظراتها الي تلبسها بس وقت المذاكره وشعرها مفتوح على طبيعته فتحت الباب وطلع مندوب قال : استاذه سديم؟ ، استغربت وقالت : اي ، قالها : وقعي هنا واستلمي الباقه ، وقعت سديم واخذت الباقه وقرات المكتوب كان مكتوب :
كأن الورد قبل لقياكِ غصن
فيزهر حين تلمسه يديكِ..
ابتسمي!
ابتسمت سديم بعز ضيقها واخذت جوالها وصورته ورسلته للؤي وقالت : كان ما كلفت على نفسك ، لؤي : اي كلافه ورد ترا ، سديم : مالك داعي ، لؤي : الحين تلاقين ابتسامتك شبرين وتقولين مالك داعي ، ضحكت سديم وقالت : شكرا ، لؤي : مابينا شكر وقال يلا كملي دراستك لا اقاطعك و قفل ..
وفرحت مرا سديم بذيك اللحظه اخذت الورد وحطته ب فازا وحطته على مكتبها الي تدرس عليه اما الكرت حطته بدفتر عندها هي دايم تكتب فيه وكملت دراستها ..
الساعه 10 بالليل تحديدا بيت حور ..
كانت برضو تذاكر ودق جوالها وناظرت ورفعته وقالت : هلا ، امها : افتحي الباب ، قفلت حور ونزلت فتحت الباب لامها وسلمت عليها ودخلت وقالت امها : ذاكرتي ، حور : اي تقريبا خلاص خلصت بس براجع ، امها : زين الله يوفقك انا تعبانه بروح انام ، قالت لها حور : تمام نوم العافيه و رجعت غرفتها جهزت المراجعه وطلعت ملابس واخذت شاور وقفلت باب غرفتها ودق جوالها وطلع مهند ردت وقالت : هلا ، مهند : اما هلا ،خلصتي؟ ، حور : اي قبل شوي ، مهند : حلو بكرا بمرك نروح سوا ، حور : تمام عندي سالفه بعد ، مهند : حلو يلا حبي تصبحين على خير ، حور : وانت من اهله وقفلت ونامت بعدها ..
...
عند سديم ..
خلصت مذاكره 10 وربع وقامت من مكانها نزلت المطبخ لقت محسن يسوي اكل وكان ريحته حلوه وقالت : عالقوه وش تسوي ، محسن : بيض بس وربي يا طعمه فنان ، سديم : الريحه تشرح اصلا ، وصورته وحطته ستريك وجلست على الكرسي تسولف لمحسن وهو يسمع لها سولفت له عن وتين يوم كلمتها وسولفت له عن اشياء ثانيه وخلص محسن وحط البيض وقال : جابك الجوع صح يلا كلي معاي ، سديم : تفهمني ، واكلت شوي وقالت : بروح انام انا ، محسن : بدري ، سديم : وراي اختبار ، محسن : اوه صح يلا الله يوفقك ، وقامت سديم وراحت تنام دخلت غرفتها واخذت شاور وصلت ركعتين ونامت ..
...
اليوم الي بعده الساعه 7 وربع تحديدا غرفه سديم ..
صحت من النوم اخذت شاور على السريع و سوت ميكب خفيف مرا و لبست بنطلون جينز وردي وبلوزه بيضاء و سوت شعرها ذيل حصان واخذت نظارتها ولبستها و اخذت معاها مراجعه ولبست عبايتها الي لونها وردي حرير وتبخرت ونزلت..
..
عند لؤي صحى من نومه واخذ شاور ولبس ثوبه وتعطر واخذ معاه مراجعه و نزل عند اهله سلم عليهم وحرك راح بدري لان سديم كانت تبي تراجع و قرر يراجع معاها ..
..
عند حور صحت و اخذت شاور ولبست بلوزه سودا وبنطلون جينز ولبست عبايتها البنيه وسوت ميكب خفيف وتعطرت ونزلت لقت امها نايمه خرجت من البيت وركبت مع مهند وحركوا..
..
عند سديم وصلت وجلست في مكان برا الجامعه وهي لابسه نظارتها لؤي ولا مره شافها بالنظارة ورافعه شعرها بعد المهم ووصل لؤي وكان يمشي باتجاهها وجلس رفعت راسها وقال : اول مره اشوفك بنظارتك ، سديم : ما البسها الا وقت المحاضرات و المذاكره وفي الاختبارات عشان اشوف زين الكتابات ، لؤي : اها المهم كيف المذاكره كيف تحسين المعلومات ، سديم : الامور تحت السيطره الى الان ، لؤي : الحمدالله ، جو من بعيد مهند وحور وجلسوا حور جلست تتحلطم عشر دقايق سديم : حور وجع انطمي ، حور : اسكتي انتي ، سديم : لاحول ولا قوة الا بالله بس ، لؤي ناظر الساعه كانت 7:55 وقال : سديم يلا وانتوا روحوا الاختبار بقى عليه 5 دقايق ، قامت سديم معاه وقاموا حور ومهند كلن راح للقسم حقه يختبر الاختبار كانت مدته ساعه ونص او ساعتين تقريبا..
..
عند محسن ..
كان طالع من البيت وجاء بيركب سيارته ولا يجيه طارق سلم عليه وكذا وقال له : ها اجي اخطب ، محسن : متحمس انت ، طارق : بالحلال ازين صح ، محسن : جرب حظك ، طارق : بجرب حظي واستاذن منه محسن وركب سيارته وحرك كيف عرف مكان البيت محد يدري ..
..
عند الرباعي حقنا ..
طلع لؤي من الاختبار اخذ تنهيده ورفع شعره عن وجهه ومشى وراح عند بوابه جامعه سديم كل ما عدت بنت ناظرت فيه وهمست للي جنبها واخيرا بعد وقت طويل خرجت سديم وناظر فيها لؤي ينتظرها تتكلم نطت وقالت : الاختبار عسسللل ، لؤي : خوفتيني بالهدوء ذا الحمدالله يارب ، سديم ضحكت وقالت : وانت كيف ، لؤي : والله كويس ، ومشيوا سوا كان شكلهم جنب بعض نفس الافلام هو طويل ووسيم وهي قصيره وتهبل و جو حور و مهند وكان اختبارهم كمان كويس ومشوا سوا ..
ومر ذاك الاسبوع الختامي بسلام وتخرجوا بمعدلات ترضيهم وتخليهم يدخلون الي يبونه وبدت رحلتهم للتقديم بمستشفيات لعلها تقبلهم ..
في يوم من الايام كان يوم الاثنين الساعه 5 العصر عند سديم ..
كانت تتميلح في الستريك للبنوتات ولا يدق جوالها و ردت وقالت : لؤي خربتتتت ، لؤي : اصبري لقيت مستشفى تبحث عن متدربين وخريجين نروح بكرا ، سديم : تم تم طفشانه انا ، ولا يدق باب غرفتها وقالت للؤي : صبر وقالت : تفضل ، محسن دخل وقال : طارق تحت ، سديم : وش يبغا ، محسن : جاي يتقدم لك وابوي قال بيسالك ، سديم : ابوي لو رفضت ما بيوافق ، محسن : بس بيقول ليه لو ما كان عندك سبب احتمال يوافق ، ارتبكت مرا سديم و لؤي سمع كل شي ، سديم تأففت وقالت : يصير خير بطلع انا الحين ، محسن : زين وخرج ، سديم : لؤي موجود؟ ، لؤي : اي معك ، سديم : شسوي ، لؤي : اسمعي تعالي الكوفي الي دايم نروح له الساعه 9 ، سديم : الليل؟ ، لؤي : اي ، وافقت سديم وهي مستغربه وقفلت منه وكانت مو محتاجه الا حور ووتين عشان تصيح عندهم لبست عبايتها وخرجت من البيت بدون ما تمر ابوها و دقت على وتين وركبت معاها واستغربت من هدوءها وقالت : سدوم شفيك ، سديم : بنروح عند حور واقول لكم مره وحده ودقت على ريماس وقالت لها تجي عند حور ..
...
وصلوا البنات عند حور واستغربوا من صمتها وبدت تتكلم وقالت لهم : بنات سالفه طارق الي قلت لكم عنها حسبناها تقفلت بس تفاجات اليوم انه جاء لبيتنا وكلم ابوي! متخيلين ، انصدموا البنات وقالت حور : تبيني العنه ، سديم : خير حور هدي ، وكملت سديم وقالت قالي اخوي انه ابوي بيسالني واذا رفضت و قالي ليه الصدق انا ما ابيه بس ماعندي سبب ، قالت حور : الا عندك ، سديم قالت : وش ، ريماس قالت : تحبين لؤي ، سكتت سديم وبعدها قالت : على كيفكم هو هو قال لي بقابلك الساعه 9 ، استغربوا البنات وقالت وتين : ما قالك وش يبي ، سديم : لا ، ريماس و حور ناظروا بعض باستغراب ودق جوال ريماس وقالت : عن اذنكم ، وتكلمت سديم وقالت : البيب 🤭 ، حور : لاتسوين طالعه منها وضحكوا البنات ، سديم : مايضحك ، وجلسوا شوي مع بعض الى الساعه 8 الليل وبعدها كل وحده رجعت لبيتهم ..
...
رجعت سديم اخذت شاور وضبطت نفسها زي دايم وركبت سيارتها وحركت ووصلت المكان ونزلت دخلت الكوفي ولقته وقام وقال : نتكلم في مكان ثاني ، استغربت وقالت : تمام وجلست تمشي وراه ووصلوا لمكان نفس الحديقه كانت كبيره وجلسوا على الكراسي لفت له سديم وقالت : شفيك ، لؤي : الولد ذا موب زين عنده سوابق ، تفاجات سديم وقالت : انت شعرفك ، لؤي : واحد من اخوياي يعرفه ، خافت شوي سديم وقالت : ماعليه مرده بيطفش ويتركني ، لؤي : باذن الله ، سديم حست بشي وقالت : في دوره مياه هنا ، لؤي : اي تعالي وقامت ومسكت بلوزته لان المكان شبه زحمه هو ما استغرب دايم هي كذا وصلها ووقف عند الباب الخارجي ينتظرها ، وجاها العذر الشرعي بوقتها المهم خلصت وطلعت من دوره المياه ومشوا ، طبعا هم صاروا بيست فريند لا اكثر ، مشوا سوا وكان في مكان يبيع اسكريم لف لسديم وهي تصور المكان وقال : تبين؟ ، سديم : لا ما ابي ، لؤي : ليه ، سديم اخذت نفس وقالت : بطني ، فهمها وانطم علطول وقرر مايشتري ، شافت واحد معاه بلونات شرت الي عليها هيلوكيتي ولفت على لؤي وقالت : صورني صورني ، ضحك هو وصورها وعلطول حطتها ستريك ..
مر الوقت ورجع كل واحد لبيت اهله...
....
ملاحظه : الدوام الي تكلم عنه لؤي انقبلوا فيه هو وسديم اما حور ومهند في مكان ثاني..
...
في اليوم الي بعده الساعه 10 الصباح ..
عند لؤي قام من النوم غسل و اخذ شاور وتجهز لدوامه ونزل للمطبخ سوا له شاهي ومر سلم على اهله وركب سيارته متجه لبيت ابو محسن عشان سديم ..
عند سديم صحت من نومها زاقه معاها حرفيا غسلت وتجهزت نفس دايم وتبخرت ولبست عبايتها السودا الي عليها فيونكات🎀 ، وشافت جوالها كان يدق لؤي سوت له مشغول ونزلت تحت سلمت على ابوها و ناظرت في محسن ومشت ولا سلمت عليه ضحك هو ذيك الضحكه وقام وهمس باذنها : نفسيتك ذي طلعيها على زوجك ، ناظرت فيه من فوق لتحت وطلعت ركبت مع لؤي سلمت وانسدحت بتعب ، لؤي : شفيك ، سديم : لو يهمك كان عرفت ، لؤي : على زق زين ، ووصلوا لدواماتهم ، ومهند و حور كانوا سوا وراحوا للمكان ووصلوا وكان كل شي تمام ..
...
لمن خلصوا من اول يوم دوام كانوا كلهم بسياره وحده سديم كانت مغطيه وجهها بالطرحه ومغمضه ، مهند وحور يسولفون ، لؤي يهوجس ويسوق ، دق جوال لؤي وكانت فرح رد وقال : هلا ، فرح : وينك ، لؤي : شتبين ، فرح : بس كذا اسالك اخبارك وسمعت عنده صوت ازعاج شوي ، قامت سديم يوم شافت اسم فرح لان سمعت كلام كثير عنها مثل انه هي مصداقه سديم مصلحه و تتكلم عنها عند الناس فقطعت علاقتها فيها وبما ان ان هي و لؤي بيست فريند ولؤي مايرضى عليها كمان صار يكرها معها ، لؤي : بخير ، قامت سديم وتكلمت مع لؤي وقالت : مر ماك ، لؤي : تمام ، فرح : ذي سديم؟ ، ابتسم لؤي وقال : اي ، فرح : لوحدكم؟ ، تكلم مهند وقال للؤي : خلصنا يولد ، لؤي : انطم انت اسوق ترا ، فرح : بدوني؟ ، قفلت مع لؤي وقالها : اخلصي بغيتي شي ولا اقفل ، فرح : لا بس حبيت اطمن ، قلها تم وقفل ، ناظرت فيه سديم وقالت : شتبي ، لؤي : ماعندها سالفه ووصل ماك وطلبوا ووصل كل واحد لبيتهم ..
طبعا نسيت اقولكم ريماس وعبدالله مملكين رح اذكرهم قريب...
يتبع ...
