وصلت عند البنات وقالت : هلا شسالفه ، جود : الزفه يا اختي ، سديم : اوه طيب يلا انتشروا ، حور انتي روحي عند الفنانه والمصورة خليهم جاهزين ، وانا بدق على محسن ، رموس انتي بخري مرا ثانيه ولين انتي وليان تعالوا بوريكم وش تسوون ..
...
انطلقوا البنات ودقت سديم على لؤي ، قبل الزفه بشوي وقت ما كان لؤي عند سديم ..
وصل محسن وسلموا عليه الرجال كلهم وباركوا له وبدا يرقص مع العيال ، وهو يرقص جاء لؤي وجلس يرقص معاهم ولا يدق جواله ويطلع ، لؤي : لبيه ي عروق قلبي ، سديم : قول لمحسن يدخل من الباب الي ورا مرا اخر واحد ، لؤي : سمي الان ، وقفلت ..
...
راح لؤي عند محسن وقله باذنه وقام محسن ودخل من الباب الي ورا ودخل عند سديم ووتين ، وبدت سديم تقولهم كيف رح ينزلون هم ولين وليان وكان كل شي تمام بعدين خرجت وخلتهم شوي لحالهم ، محسن : حصنتي نفسك ، وتين كانت مرا مستحيه وقالت : اي ، محسن قام وساعدها تقوم وبدت زفه وتين اول بعدها سوا نزلت وتين وقدامها لين وليان ونزلت على الفنانه وهي تقول :
"اقبلت ست الحسن ، بنت الرجال ( وتين ) الحلا والزين سموا عليها
كان وقف لقدومها ، حب وإجلال اللحظه الي كلنا نحتريها
تمشي بهون ومشيها فيه تختال اخت القمر والزين منها وفيها..
وبدت بعدها زفه (حسين الجسمي-إقبلي شمس الكواكب)
وخلصت زفتها ووصلت للكوشه وبدوا الحريم والبنات الموجودين يباركون لها ورقصوا معاها شوي ربع ساعه وبدت زفه العريس (ماجد المهندس-اقبلت ياوجه السرور) وبعد زفته رقص مع وتين وكان شكلهم مرا لططييففف ، سديم : عادي اصورهم انا ، المصوره : تعالي اوقفي هنا ، وجلست تصورهم سديم خلصوا رقص وجت ام وتين وباركت لهم وجلسوا شوي ، اشر محسن لسديم الي كانت شوي بعيده مايدري وش كانت تسوي لكن معطيته ظهرها ، وريماس عندها وحور ولين وليان ، محسن قال لوتين : شفيها ، وتين ناظرت شوي بعدها قالت : لايكون تصيح ، محسن : تهقين ، وتين : والله مو متاكده واشرت لجود ، جود : لبيه يعيوني ، وتين : شفيها ، جود قالت لها باذنها : تصيح ، وتين : بسم الله عليها طلعوها شوي من هنا ، جود : تطلعين فوق ، وتين : اي بطلع ، وطلعت وتين فوق وكان محسن وراها لمن وصل لسديم ، اخذها على جنب وضمته وهداها ، محسن : شفيك والله ما اتركك انا قلت ، سديم : مدري جتني الصيحه فجاه ، محسن : بسم الله عليك يعيونه ..
....
وراح محسن عند الرجال بعدها وكملوا رقص والبنات بعد وانتهت اجمل ليله لوتين ومحسن فضي المكان وبدوا المعازيم يرحون شوي شوي ، محسن : اهخخخ اخذتها يولد ، لؤي : اقرصك عشان تصدق ، ضحكوا العيال ، محسن : لا حبي مايحتاج ، لؤي : اما حبي وشويات وودعوا محسن و وتين وراحوا للفندق ، سعد كان يهوجس على جنب ، مهند : شفيه ذا ، لؤي فسخ شرقيه ورماه جنبه ، سعد ناظر فيهم وقام وجاء لهم ، عبدالله : بسم الله علامك انت ، سعد : وش ولاشي ، مهند : اي اي واضح المهم ماعلينا زوجتي وينهي ، فتح لؤي جيبه وقال : هنا ، ضحكوا العيال ، مهند : مكثررر جلسه مع سديم انت ، ولايجي معاذ من ورا لؤي ويسحبه مع ثوبه ( معاذ اخو جود الصغير ، و نجود اصغر منه برضو اخت جود) ، معاذ مرا خجول وكان صديق لين المقرب واخته صديقه ليان المقربه ، جت لين ، لين : تعال وراح لها ، لؤي : أثقل اعنبو غيرك ، ( معاذ اكبر من ليان ولين بسنه يعني اولى ثانوي ، ونجود بكبرهم ) ...
....
عند البنات كان مافي الا جود و حور و ريماس وسديم ودلع وليان ونجود وام دلع و داليا ..
سديم : اههخخخ ياراسي ، ريماس : حتنى والله ، سديم : ليان ، ليان لفت لها : هلا ، سديم : وين لين ، ولا تدخل هي و معاذ ، جود غمزت لحور حور فطست ، سديم : جود لو ما توخرين عن وجهي بالكعب بوجهك ، جود : سمي ، ضحكت ريماس ...
...
عند عرساننا الكتاكيت..
دخلوا الغرفه ، محسن : بجيب اكل تمام خذي راحتك ، وتين : سم ، دخلت دوره المياه اخذت شاور بعد يوم متعب بدلت بيجامه بيضاء مرا كيوت فروه ، مشطت شعرها وتعطرت وحطت كريمات ومسك سوت ميكب مرا خفيف..
خمس دقايق وجاء محسن دخل الغرفه وحط الاكل اكلوا سوا جلسوا بالاكل يفتحون مواضيع يسالها عن نفسها اكثر وعن شخصيتها ، بعد ما اكلوا كانت وتين تتثاوب رتبوا المكان سوا وكان شكلهم يهبلل وهم كبلز ، محسن : شكلك تعبانه بسم الله عليك ننام ، وتين ابتسمت له : ما اقول لا ، وناموا كتاكيتتنااا✨...
....
في القاعه
مر الوقت وكلهم رجعوا لبيوتهم..
في اليوم الي بعده صحت سديم وهي راسها بينفجررر كانت الساعه 7 المغرب قامت واخذت شاور وبدلت و صلت و بعدها اخذت جوالها شافت رسايل من لؤي قبل ساعه ، فتحتها وردت عليها اول ما جلست تكتب بس دق عليها ، قفلت هي النور حق غرفتها والمكيف كان مفتوح وجلست على سريرها ، لؤي : صح النومم ، سديم : صح بدنك حياتي ، لؤي : اخبارك شمسويه ، سديم : بخير وانت ، لؤي : توني صرت بخير ، سديم : عسااه دوم ، لؤي : تدومين لي ها نطلع؟ ، سديم : وين نروح ، لؤي : عشوائيات ، سديم : يلا خمس دقايق وانزل ، لؤي : يلا انا عند الباب ، سديم : مخطط من اول وعارف اني مارح اقول لا ، لؤي : بالضبط يلا لاتبطين ، سديم : سم ..
...
قامت سديم سوت ميكب خفيف وكيوت ولبست عباتها وتحجبت وكان قرارها انها تتغطى عن الكل ، كانت مسويه مفاجاه للؤي انها رح تبدا حجاب ، حطت كريم بيدها و اخذت شنطتها وجوالها وطلعت من غرفتها وقفلت الباب ونزلت كان البيت هدوءءءء كلهم نايمين ، فتحت باب البيت وخرجت رسلت له غمض عينك غمض لؤي وجت سديم وركبت ، لؤي : ها افتح ، سديم كانت مرا مبسوطه : افتح ، فتح لؤي عينه وشاف شكلها هي جميله والحجاب حلاهااا بزيادددههه ، سديم : شرايييككك ، لؤي : تهبلييييينننن ياكلي انشهد انه القرار الصح ، سديم : يابعد قلبييي ، لؤي : يلا توكلنا على الله الحزام جلست سديم تحاول في الحزام حق سيارته بس مو راضي ينسحب قرب لؤي وسحب لها ياه وقفله وناظر فيها ورجع مكانه ، وحركوا كانت اول وجهه راحوا محل الحيوانات ..
....
عند ريماس وعبدالله كانوا بالسياره يتمشون بعد..
ريماس : وشف هنا ، عبدالله : اي كان معكم وحده اول مرا اسمع باسمها مدري وش اسمها بس الي اخوها معاذ كل الحريم يتكلمون عن جمالها ، ريماس : وان شاء الله عجبتك استاذ عبدالله ، عبدالله : ماشفتها انا ، ريماس : وليه تسال عن بنت ماتخصك ، عبدالله : ليتني ساكت ، ريماس : لا كويس تكلمت رجعني البيت ، عبدالله : صبر تونا ما تنفسنا انثبري ، ريماس : بهبدك بالشنطه ذي ترا ، عبدالله : تخسين انثبري بس بيت ماني بمرجعك ، جلست ريماس تناظر فيه وتلف ...
....
عند عرساننا الحلوين..
صحوا كمان على الساعه 7 المغرب ، صحوا كل واحد اخذ شاور ، وتين كانت تتجهز عشان رايحين بيت اهلها ومحسن كان ياخذ شاور لبست وتين فستان ازرق غامق ماسك شوي طوله وسط سوت ميكب كان خفيف ويجنن ولبست اكسسوارات ناعمه وتعطرت وحطت مسك وشعرها كان لنص كتفها سوته ويفي وكان شكلها يهبلل حرفيا وهي جالسه تسوي البخور ، طلع محسن من دوره المياه كان ينشف شعره والى الان معطيها ظهره لبس ثوبه وساعته واخذ مسبحته ، شم ريحه البخور هنا لف ، شاف شكلها جاه لاق حرفيا جلس يتاملها هو مايبي يقرب منها لانه حس انها خايفه منه و ماضغط عليها ابد ، محسن : سبحان من سواك بس ، وتين : شرايييك ، محسن : تهبليين بسم الله عليك يعيونه ، وقربت منه وجلست تبخره وعطرته ، وبعدها تعطرت هي وتبخرت بعد ولبست عباتها وسوت حجابها وطلعوا..
....
عند كبلز قلبي ، سديم و لؤي..
سديم : ابيييهاااا مقدر بصيح بصيح ( تقصد قطوه)، لؤي : طيب ابوك يمكن مايبي ، سديم : موب على كيف احد هي بغرفتي اابييي ، لؤي : طيب تعالي ، قامت ووقفت قدامه دخل لها شعرها لان كان طالع من قدام ، وقال لها بهمس : بجيب لك ياها بس موب بذي اللحظه فاهمتني ، سديم : همم وعد ، لؤي : وعد ، قامت سديم وخرجوا من محل الحيوانات ...
....
عند عرساننا الكتكوتين..
ركبوا السياره وحركوا وصلوا بيت اهل وتين ، دقوا الباب ودخلوا ، سلم محسن على امها وابوها وهي بعد سلمت عليهم وجلسوا معاهم شوي سوالف وضحك وكذا ..
على الساعه 9 الليل استاذنوا منهم وخرجوا ودعت وتين امها وابوها وطلعت ..
....
قبل الساعه تسع بشوي في بيت ابو محسن كانوا البنات يجهزون المكان ، حور و سديم و ريماس و جود و ليان ولين و نجود و دلع ، و في بمجلس الرجال ، معاذ وعبدالله ومهند و لؤي و سعد ..
خلصوا ترتيب المكان وكل شي يوم جو وتين ومحسن راح محسن مجلس الرجال ووتين دخلت داخل ..
دخل محسن عند العيال قاموا سلموا عليه وجته التباريك من الكل وسلم على ابوه وجلس ، مهند : ها كيف الحياه الزوجيه ، لؤي : امداه ، محسن : وانت الصادق ، ابو محسن : ها يولدي ان شاء الله كل شي تمام ، محسن : بخير يبه ، ابو محسن : عساه دايم ، عبدالله : لعيون محسن انا بقهويكم ، لؤي : الله يقويك يبو عزوز ، عبدالله : وياك يحب وبدا يقهويهم..
عند البنوتات ..
جلست وتين وكانت تسولف لهم وكيف هو عسل معاها ومن ذا الكلام ، حور : اثقلي اثقلي ، ضحكت سديم ، ريماس : خلي البنت تتهنى سوسه انتي ، جود : وريماس صادقه ، حور : وجع كلهم قلبوا ضدي موب طبيعي ، سديم قامت قهوتهم ورجعت جلست ، ريماس : وانتي الثانيه ترا محنا ضيوف انثبري نسولف ، حور : والله شكلك ماجتك لسا ، ضحكت جود ، سديم وهي تاكل : هممم واضح ، ريماس : يجعله مداخيل العافيه سوسو ، سديم : يعافيك بيب ، حور : يع ، ضحكوا كل البنات ..
اخذتهم السوالف وكذا عشر دقايق قامت لين وطلعت ، سديم : شفيها ، ليان : مدري مكتومه تقول ، سديم قامت وطلعت لها لقتها برا بالحوش وكان بجنبها معاذ كانوا يسولفون ، سديم : شفيك لين ، لين : لا بس انكتمت شوي قلت اطلع اشم هواء ، سديم : زين انتبهي زين سامعه ، لين : ابشري ، ودخلت سديم مر الوقت وخرجوا وتين ومحسن ودعوهم واستودعوهم الله...
....
دقايق وجوال سديم يدق ورا بعض طلعت برا وردت ، لؤي : تعالي الحوش ، سديم : ضروري؟ ، لؤي : لو ماجيتي بدخل ، سديم : وي وقفلت اخذت معاها طرحه وطلعت ، لؤي : سديم معاذ شافك ، سديم : ليه ، لؤي : سديم اسالك شافك ترا ما هوب ببزر ، سديم : لاحول ولا قوه الا بالله انا كنت رايحه اتطمن على لين ما كنت ادري بوجوده ، لؤي: زين لا عاد تطلعين ، سديم : زين ودخلت .
جود : بنات شرايكم نرقص ، دلع : جوووي قدام
وبداو البنات يرقصون سوا وكان جوهم مرااا لطيف ..
عند العيال وقتها..
سعد : استغلوا فرصه روحه الحريم والرجال الكبار - عبدالله : وانت صادق
لؤي : خلهم يستانسون شعليكم انتم - مهند : هيا خذلك
ضحكوا العيال ، عبدالله : اعنبوك اثقل - لؤي : شف من يتكلم ، مهند : هارد لك بعدين لؤي اخوك ذا راكبه جني ولا وش بلاه مع الهدوء ذا ، عبدالله : سد حلقك انت ، لؤي : شكله شاف مزه ، سعد : يمه منك تعرفني اكثر من نفسي ، مهند : ماني بساده وش بتسوي ، لؤي : انطموا انتم شرايك فيني وانا اعرفك ، سعد : عززز ، عبدالله : بقوم اتوطى ببطنك هنا ، لؤي : لاحول ولا قوة الا بالله بس ، سعد قام وقف : يولد انطموا وجع انت وهو ، مهند : ضحكتني الصدق ، سعد : ياليل ، قام لؤي وطلع راح غرفه سديم فتح المكيف وانسدح ، وسعد قام وطلع عند الباب وجلس يدخن ويهوجس ، طلعت سديم غرفتها تبي تشبك جوالها الشاحن دخلت لقت المكيف مفتوح تجاهلت حطت جوالها بشاحن وهي خارجه في احد سحبها من ورا وطاحت على السرير ، لؤي : خلك ، سديم : شفيك تعبان ، لؤي : همم ، لفت سديم له ومسكت جبينه ولقته بادئ يحر جت بتقوم ضمها لؤي ، لؤي : قلت خلك ، سديم : مجنون انت ، لؤي : همم مجنون بحبك ، سديم : استغفرالله بس ، وخرته سديم وقامت عدلت شعرها و كان في بغرفتها ثلاجه صغيره و سخان مويه ، جلست تسخن مويه وحطته بكوب وسوت له نعناع ب الليمون ، سديم : قوم ، ساعدته قومته وتكى عليها ، سديم : سم بالله ، مسك لؤي الكوب وسم بالله وبدا يشرب ، خلص وانسدح على رجلها وبدت تقرا عليه وتحصنه ، لؤي : بوسيني بطيب
سديم : كلن على همه سرى صدق ، ضحك لؤي ، سديم : شف انا بنزل شوي وبرجع اتطمن عليك تبي شي ارسل لي تمام ، لؤي : سمي ، وهي خارجه اخذت جوالها ونزلت وراحت للبنات دقايق و مهند جاء عند الباب من برا ، مهند : يا حور ، حور قامت وطلعت له ، حور : عيوني ، مهند : احبها ها توك نعسان انا ، حور كانت عكسهم جريئه قربت منه وباسته مع خده وقالت : الان نمشي لو تبي ، مهند : يلا البسي عباتك انا برا ، حور : من عيوني ، دخلت وقالت : يلا يبنات عن اذنكم ، ريماس : استودعتك الله حبي ، جود : بدري ، حور : مهند تعبان يبي ينام قال ، سديم : انتبهي لك ، حور : سمي يلا حياتي باي ، وطلعت حور وركبت مع مهند وحركوا..
سعد وعبدالله كانوا بالمجلس..
سعد : بتروح انت ، عبدالله : اي والله دايخ ، سعد : الله يقويك ، عبدالله : وياك ، سعد : وين لؤي ، عبدالله : مدري الصدق ، سعد : تم ..
....
شويات وقامت سديم من عند البنات وطلعت فوق و دخلت غرفتها جت تشوفه ولقته متلحف وكانه نايم قربت منه ولا يسحبها وتطيح فوقه ، سديم : لؤي وجع ، لؤي : حلالي شتبين ، سديم : ماعلينا نروح المستشفى ، لؤي : ما ابي ، سديم : لؤي! ، لؤي : سمي ي عروق قلبي ، سديم : طيب شلون بتروح بيتكم ، لؤي : بجلس عند زوجتي ، سديم : اي عشان ابوي يفلم فيني وفيك يلا عاد قوم ، لؤي : سديم لاتحنين ، سديم : زين وجت بتطلع مسكها وقال : والله ماتطلعين وانتي زعلانه بروح بس بشرط ، سديم : وش ، لؤي : زوجتي الي تعالجني ، سديم : موافقه يلا قم ، قام لؤي واخذت سديم عباتها ولبست حجابها واخذت لبسها ولفت له وطلع يناظرها قالت : يلا ، قام ومسك يدها ونزلوا مع الدرج دخلت سديم عند البنات ، سديم : بنات البيت ب امانتكم خذوا راحتكم ولا تستحون ربع ساعه وجايه ، دلع : انتبهي لعمرك ، ريماس : من عيوني ..
وطلعت سديم وقابلوا سعد و عبدالله عند باب البيت ، لؤي : تاركين البراد وجايين هنا ، سعد غمز لعبدالله على يدهم وضحك عبدالله ، لؤي : ناس مدري كيف ، سديم : امش ، اخذت سديم مفاتحها وركبت سيارتها وهو بجنبها اشر له سعد وفتح الشباك ، لؤي : ها ، سعد : على وين ، لؤي : مستشفى ، عبدالله : عسى ماشر ، لؤي : اسالتكم كثيره يوم اجي يصير خير وحركوا ..
....
عند ام وابو لؤي ، وداليا وابو محسن ..
ام لؤي : وقلنا بيكونون معازيمنا هنا وانتم هنا ، داليا : لاياشيخه معازيمي ليه على اليسار ابيهم على اليمين وقدام بعد ، ام لؤي : حنا قبيلتنا كثيره انتي من عندك محد ، داليا ضحكت : يعنني انا عندي قبيله وانتي لا ، ابو لؤي : خلاص يا جماعه ، ابو محسن : وابو لؤي صادق ، ام لؤي كملت تقول : وسديم قالت هي بتختار كوشتها وكل شي ، داليا : مهوب بكيفها كل الكوشه ، ام لؤي : انتي حيه شجابك هنا ، ابو محسن : داليا خلاص قلنا ، داليا : لا اوقف معهم ضدي بعد ، ابو محسن : انا ما وقفت ضد احد بس بهدوء نتفاهم وبعدين عرسها وهي حره انتهينا ، جلست داليا منفسه وخلصوا التجهيز ولا يدخل ابو محسن يده بجيبه وما حصل محفظته دوروا بكل المكان مالقوها ، داليا : انا شفت ابو لؤي حطها بمخباته ، ام لؤي : تعقبين ، ابو محسن : داليا شفيك ، داليا : شف بنفسك ، ابو لؤي مسك مخباته وطلع الي فيه وفعلا طلعت في مخباته لو شفتوا صدمه ايمان و احمد و محمد وداليا ابتسمت ، ابو محسن : يالي ماتستحي ، ابو لؤي : تعقب انت وهي انا ماسرقت هي الي حطتها ، ابو محسن : لك عين تتكلم يالمنتخي وقام من مكانه وقال : الزواج ذا مارح يتم ، ام لؤي : ولا حنا نبيه يتم وانتهى نقاشهم هنا...
