رواية
♡♡ غفران هزمه العشق ♡♡
الفصل الثــامن عشـــر ( 18 )
___ بعنــــوان " زواج بالإكراه " ___
[[ شقة جميل]]
دقت الساعة التاسعة مساءً ولم تعود "قُسم" وبدأ الجميع فى حال من الذعر عليها ليقول "جميل" بتعب:-
_ هى ما قالتش قصادكِ هى رايحة فين يا ملك؟
أجابته "ملك" بقلق على صديقتها المُتغيبة من العصر :-
_ والله أبدًا يا عم جميل، أنا أول ما قُلتلها أنكم حددتوا الفرح بعد أسبوعين قالت إنها خارجة لكن مجبتش سيرة هى رايحة فين؟
حاول "قاسم" أن يتصل بها مرة أخرى وهاتفها مُغلق ليقول بذعر:-
_ برضو تليفونها مقفول
وقف "حازم" من مقعده بقلق وقال:-
_ أنا لازم أنزل أدور عليها مش خفضل قاعد كدة ومش عارف حصلها حاجة ولا لا
تحدث "قاسم" بقلق على أختاه قائلًا:-
_ خدنى معاك يا حازم
سألتهما "صفية" بنبرة واهنة وعينيها تبكى بقلق على أبنتها تقول:-
_ هتدوروا فين بس؟
_ فى أي حتة يا عمتي المهم أوصلها، هسأل عند صحابها فى الحضانة اللى بتشتغل فيها فى أى مكان
قالها بقلق شديد على محبوبته المُختفية لأول مرة على عكس عادتها وخرج من الشقة مع "قاسم" .....
_________________________
دلفت للقصــر بصحبته وهو يسحبها من ذراعها معه بينما "قُسم" تصرخ به بعناد وتحاول الإفلات من يديه القوية قائلة:-
_ سيبنى أنت مجنون، اللى بتعمله دا أسم خطف وأنا مش هسكت وهوديك فى ستين داهية
_ فاتن
قالها بحدة صارمة لتأتي إليه مهرولة بذعر من نبرته فرأته يمسك "قُسم" وخلفه "عُمر" ورجلين من رجال الأمن الخاص بالقصر ليدفع إليها "قُسم" بقوة وقال:-
_ تطلعيها فوق الأوضة ومتطلعش منها ألا بأمر مني وأنتوا لو رجلها خطت برا باب القصر يُفضل تضربوها بالنار بدل ما أنا اللى أضربهمك بالنار
أقتربت "قُسم" منه رغم محاولة "فاتن" من منعها لتدفع يدها بقوة، أقتربت منه حتى وقفت أمامه وقالت بعنادٍ وتحدٍ:-
_ اللى بتعمله دا جريمة
وضع يديه فى جيوب بنطلونه بكبرياء هو الأخر وقال:-
_ أول ما تطلعي من هنا حية أبقي عدي على أقرب قسم وبلغي عني أنى خطفتكِ
تأففت بعناد وصرخت مرة أخرى بجنون يكاد يفقدها عقلها:-
_ أنت عبيط ، أنا ليا أهل برا وشغلي وحياتي
ضحك "غفران" بسخرية على كلماتها وقال بينما يده تمسك ذقنها بإذلال:-
_ أنسيهم، لأن أهلك لا هتشوفهم تاني ولا شغلك هتروحيه، إنتِ هنا يا قُسم بتاعتي أنا وبس، حياتكِ من اللحظة دى بقيت عبارة كونكِ سجيبنة فى القصر دا فحاولى تتأقلمي عليه بسرعة عشان حياتك تبقي أسهل مع أنى عارف أن اللى زيكِ مش هيتأقلم وهيفضل يعاند ودا اللى بحبه فيكِ
