زوجة الكولونيل [ 2 ] / 𝐂𝐎𝐋𝐎𝐍𝐄𝐋'𝐒 𝐖𝐈𝐅𝐄

Part 22

زفرر بنرفزة .. الخبارات العوجين ماكاينين غيير هما هاد الساعة .. غير ما كايزيدو يكفروه ويحقدوه كتر ماهو ساخط

مُراد : [ تݣععد من الحيط علاياش كان متكي ] بلا ماتسخط ا بّا عِز تا حد فينا ماكان عارفها غادخل فديك الصدمة ، مادخلاتش لها ضربة وحدة

كلهم كانو عارفين مدام البعلوكة بقات حيّة الا وراه لي دار ديك خلّا لهم ثغرة تقدر فيها تعطيهم شي وصف شي سمية شي معلومة هما ماعارفينهاش مدام كاتهضر .. دامها هي لي كانت مشدودة وقريبة لهم كتررر من اي واحد ولكن وقع لي ماكانوش ضاربين لو الحساب بقراطس الصدمة والخلعة لي صابوها

مُراد : [ حك لحيتو كايخمم مزيااان فهاد البلان ] علاش ماتشوفش مع اوطونييل يخليك تدوي مع البنت؟ نتا لي خرجتيها من العافية هادشي فصالحك و صالحو تا هو

كان طالق معاه ودنيه كايسمع فالاقتراحات حتى قاطعهم صوت الباب كايتحل خرجو البنات من الطواليطات ومن تما تحركو دخلو للكنيسة مجموعين

كان الفضاء الداخلي كايزخر بالأعمدة الرخامية الفاخرة و الأقواس المزينة مزين بنوافذ زجاجية ملونة كاتفيض باللوان طاغي على بعضها البلوسيال وابعض الأخر اللون الخضر في حين الزخارف الذهبية توزعاات من الحيوط حتى للسقوفة بالمجمل والإختصار كانت بحالها بحال اي كنيسة بكراسيها و مِحربها وأجراسها , مكاتبها وحتى الدير ديالها ولكن الفرق بينها وبين الكنائس العادية كان هاد القنت مݣجݣج بالتوريست لي جاو باغيين يشوفو التعميد بالطريقة الرومانية

شبكات يدها مع يد اسماء كتقلب بعينيها على شي قنت تشرب منو ولكن مالقاتش .. تأملات غير فالوجهة لي غايمشيو ليها تلقا فيها شي حاجة حتى بان ليها تحركو من طريق خاااوية فيها غير هما حتى وصلو لواحد السلالم كايديو ديريكت للقبّة الرئيسية مع وصلو لها لقاو جوج ديال السياح كاينين تما

عِز : [ غمغم بصوت أجش باين فيه السخط ] تعطلنا [ ضار لعند مُراد ] بنادم سالا الفراجة و جا سابقنا 

هزات فيه عينيها غير من للتحت للتحت ماشافش ݣااع لجهتها و إحقاقاً للحق ماكانتش عارفة أساساً بلي الوقت ضيق لهاد الدرجة ماتعطلاتش حتى بزاف...!

مُراد : [ طل على دوك السياح لداخل ] كاينين جوج حالهم ساهل دغيا نسربكوهم بانو لي فواحد الدخلة شي باريصات نتا دوي معاهم وانا نجيبهم نحطهم فالدخلة ديال القبّة

قلب الروايض وتحرك من تما لقنت خور
عِز : الدنيا عامرة وهادشي مامسلكش غاتسرسب جوج غايجي الزايد ماغاينفع معاهم لا باريصات لاباريير

تحركو مجموعيين واخا كان دييجا موجد داك الكوان و ضامن فيهم الكاميرات مطفيين الا والمسألة لي باغيها فيه كان ضروريي يتعزلو فيها فشي قنت ماتوصلوش الرجل
مُراد : نتحركو لداك الكوان نيت فين دايرين الاصلاحات؟