زوجة الكولونيل [ 2 ] COLONEL'S WIFE

Part 17

دخلات طوموبيل خرا للڤيلا وهاد المرة كان ريو واقف قدام الباب الدخلانية و شاد فودنيه التيليفون كايهضر مع لي راكبة فيها .. حبسات الطوموبيل و تحلات الباب ثوااني قلااال و هي تهبط منها واحد البنت صهبة بعوينات زورق لونهم صااافي بصفاوة لحمها .. وشكون من غيرها .. كانت خَطيبة ريو لي واقفة على مشارف لقب آل أوسوغا ومدامها قرييبة لهم كان عارفها غاتكون تحت ضل الخطر ايلا بقات برّا بوحدها.

[ الحوار بالإسبانية ]

تلقا لها مع الدخلة ديال الباب غير وصلات لعندو سلمات عليه بوش ا بوش
ريو : كي داز السفر ديالك؟

زاراي : ماعنديش ا حبيبي مع السفر والطرقان راك عارفني ولكن فاش عرفت شنو وقع كانت صغيرة ماكانتش تستاهل

ريو : الحساب داايز ماحابسش [ تم داخل هو وياها ] غير نتي غاتبقاي هنا هاد الأيام

زاراي : [ قطبات حجبانها بإستغراب ] باقي مالقيتوش الحل مع داك الكارتل ديال بوغوتا؟

ريو : [ وقف فالردهة ] ماكناش حاطينو فراسنا

سمعات صوت الزاايد كايهضر بلغة مافهماتهاش عيااات تقشبل فيها شي حاجة و والو 
زاراي : عندكم الضياف؟

ريو : ضياف من المغرب دخلي لعندها ماغاتفهمكش شوفي المترجمة حداها هي ترجم لك

زاراي : من بعد ا حبيبي ماشي دابا قوليا؟ كي بقات ڤالي؟ وفينها؟

ريو : [ كايقلب عليها بعينيه ]  ماعرفتش شوفي غاتلقايها الفوق مع فيليكس

زاراي : [ بتفاجئ ] فيليكس جا؟؟

                      × عـنـد أسـمـاء ×

جالسة فالكرسي مقابلة مع الزاج عينيها مع داك الكم الهااائل ديال الرجااال و الحرااسة المشددة بالكلااب و الويييل الكحل و ودنيها مع التيليفون .. الخبار لي سمعات خلااات قلبهااا يترعد عليها بالخلعة

[ الحوار بالريفية ]

أسماء : لا لا ا مريم شدي بنتك وخليها حداك ماتمشي فين غير خليها ا ختي فالدار

مريم : قالها لي بَابَانو القراية مابقات غاتزيد تعتبها تماا ، القراية لي تجيب لينا هاد المصايب الكحلة گاع بناقص منهاا

أسماء : وا حتى نتوما ماتخرجوش من الدار اللهم سلامة ولا ندامة واش نترزاو فشي واحد؟ انا كانشوف غير هادشي لي هنا لحمي كايبورش عليا شبغينا يشي جنايز واش حنا ناقصنا؟ 

ماهنا لها البال حتى سمعاات التشدييد فالعسّة لي دارو عليهم الحاج مابقا مخلي حتى وحدة فيهم تخرج ولا تدرج كلهم حجبهم فالدار اما فالجهة الثانية الفوق كان مشغول مُراد بواحد لابيل خرا بالضبط مع جوانكا .. كان اوطونييل معييط لو يسافر لعندهم بغض النظر على واش عشيقتو فالسبيطار ولا لا كان السربيس هو السربيس يعييط لك سير الله يجعلك تكون طايحة عليك اليد و الرجل اجي هي اجي