زوجة الكولونيل [ 2 ] COLONEL'S WIFE

part 1

الأجزاء الأولى 🖤

https://www.wattpad.com/story/328808990?utm_source=android&utm_medium=link&utm_content=story_info&wp_page=story_details_button&wp_uname=Capitossa
.
.
.
.
.
.
.

ضربات دو پياس فالكحل كانو دوك اللوالاا لي شافوهم فيهم كترة الخيووط كايبينو بنادم مربووط خلوووق بلا كوردا بلا جوج من واحد الناحية كان الستايل ديالهم زوين عجبها ولكن لي مررضها هما دوك الكدمات فلحمها لي كايخليهم فيها مزوقيين لها بيوضية لحمها سوا بالربيط سوا بالشحط ولا بالمصان و العضيضات

حلات باب البيت و بدات كاتطل عليه غير من شقة فتحة الباب ماباانش ليها
فيروز : ماكايناشي الفواطة؟

واقف فالكوزينة خاشي يد فجيبو و اليد الثانية شاد بيها حبّة ديال الدوا لي رجع كايشربو و قبالتو فوق البوطاجي محطوطة الباكيّة
عِز : الفواطة غاطيبي للقورع؟!

فيروز : [ علااات صوتها كتررر باش يسمعها كاتقلب غيير على تسليييكة مايعيقش بيها ] ونبقا بيهم هايدا تا يتوسخو؟

عِز : [ نطق بلامبالاة و عينيه مع ديك الكينة لي فيديه ] نتي وشطارتك تحرركي و قييسي

فيروز : [ زيرااات بيديها على البواني ديال الباب كاتتحجج ] ايوا والبرد؟

سكت شحاال مطوول الشوفة فديك الكينة قبل مايهزها هي و ديك الكارطونة و بدا يفررك فيها فلاڤابو
عِز : الدار سخونة

بحال ديما فالبدية كايكون غادي مزيااان فيها ولكن شوية بشوية كاترجع عليه بالعيا والنعاس لي ولا كايشدو كتر من اللول و فبلاصة ماترخي ليه غير اعصابو كاتبدا ترخيه حتى هو نييت و بحالها بحال أغلب الأدوية لي بحالها مع الوقت مولاها كايطيح فحالة من الجوج يا ذاتو كاتوالفها و كايولي محتاج لشي حاجة ماااكتررر يا ببساااطة كايولي مُدمِن عليها باش يلقا راحتو و هو ماناقصوش هادشي هاد الساعة راسو

هبطات راسها لداكشي لي لابساه
فيروز : واخا و فاينك دابا؟

طلق الما على الدوا لي لاحو
عِز : فالكوزينة

فيروز : [ نطقات برِقّة ] وا ستناني فبيت دݣلاس تا نطيب العشا

هز راسو جهة الباب صوتو ونطق ببحة خَشِنة معلي صوتو
عِز : واش غاتجي ولا غاتجي؟!

فيروز : [ تأفأفات و ضربات لرض برجليها ] واخا هانا ماجا [ وقفات حاطة يديها على جنابها كاتمتم مع راسها ] دابا شنّو؟ انا نبقا واقفة نطياب و هو يتفراج فيا بهادو

قلبات وجهها لجهة الڤاليزا ديال حوايجها ماطاح فبالها غييير واااحد البلااان