زوجة الكولونيل [ 2 ] / 𝐂𝐎𝐋𝐎𝐍𝐄𝐋'𝐒 𝐖𝐈𝐅𝐄

Part 15

زيرات يدها على فخضو كانت عاارفاه مافيدوش دابا بااينة فيه مدييشارجي ما حيد صباطو حتى وراه جاي للدار باغي يرتاح ومن الفوق وااكلها فيدو

فيروز : [ نطقات بصوت رقيق ] يقدر يساين انا ما ماشا فين امشي تا تنعس و ترتاح شويش هو اللول وعاد من الفوق يدك محروقة

طلق من يدها لي كانت محطوطة فوق حجرة وشدها من دقنها .. دور وجهها لعندو حتى ضربات فيها ريحة الݣارو بداك القُرب لي بيناتهم

عِز : [ هبـط عينو لشنايفه ] ماتهزيليش الهم يد وحدة قادة توصل بنادم لسابع سموات غير شوف هو واش يطلع بيها لرحمة الله [ ميـل راسو حتى قرب فمو من شنوفتها .. لفح شواربها بنفس حاارّة ونطق بصوت مبحوح ] ولا انا لي ننزل عليه الرحمة

بلعات ريقها كانت حاااسة بلحيتو محطوطة على وجهها بأنفاس مخلطيين بيناااتهم .. زادت غرسات صبعانها ففخضو

فيروز : [ نطقات بهمس رقيق و شفايفها كايرتاعشو مزييرة بيديها على فخضو ] واخا هايداك يدك مريطة

قاس شنوفنها تحتانية بشنوفتو الفوقانية كان حاااس بديييك الرجفة فشفايفها... رجفة لي جاتو على ݣانتو وعجباتو حدو حس بيها سدات شفايفها على شنوفتو بعــد عليها شوية بلا مايهررس داك القرب والا يبعد من أنفاسها الفيّااحة فيه

عِز : [ بخُفوت مبحووح ] واكلها فيدي ماشي فز/بي

غير شاافتو بععد فاش هي سدات شفايفها مارضااااتش و تزنݣااااات كترر ما هي مزنݣة بداك الحريق ديال البارح .. بغات تجرر راسها ماحبساتها غير يدو لي كانت مفيكسية ليها الذقن ديالها

فيروز : [ بلعات ريقها ] يدك ادخماج لك لابقات هايدا

طلق من دقنها و بعــد وجهو عليها قبل مايشلقمها ولا تشلقمو ورجع تكا على الكانابي مغمض عينيه

عِز : دهني دهني

حيدات من فخضو و رجعات جلسات فوق الطبلة .. نيطواياات ليه يدو مزيان ودهناتها بواحد الپومادا و موراها لوّاتها ليه بضمادة خاصّة غير سالات جمعات داكشي رجعاتو للساشي وجمعات الوقفة دات داكشي لبلاصتو ومشات للكوزينة غسلات يديها وشعلات جوج ريوس ديال البوطة واحد حطات فيه مقراج خلطات فيه البابونج والخزامى وخلاتهم يطلقو فيه المفعول ديالهم و الراس التاني حطات فيه كاسرونة دارت فيها جوج كيسان ديال الما يغلا حتى غلااااو مزيان و زادت معاهم جوج معالق ديال جدور " الروديالا روزيا " ياابسة من عشوبها وخلاتها تزيد تغلي واحد ل10 دقايق على ماطلق مزيااان خلاتهم تم وهزات مقراج ديال الما سخون مع فوطة فالرمادي بانيو صغير ومشات لعندو بيدما طاب داك اتاي .. دخلات كاتقلب عليه مالقاتوش فبلاصتو شوية سمعات صوت خطاويه موراها مع ضارت لعندو لقاتو دووش و بدل حوايجو بكيطما ديال الدار غير هي كانت مبيضاااها و هو مكحلهااا