زوجة الكولونيل [ 2 ] COLONEL'S WIFE

Part 21

                          °• عِز و فيروز °•

كون كانت حياتها بسيييطة... مها كاتخدم غير فتصواب العقاد للجلالب واللباسي والتكاشط للعيالات كي كانت مّاين نورة كادير و باها يكون غير فقيه ديال الجامع موحال واش كانت دوز هاد الويل والا يجي النهار لي تحط راسها فيه على المخدة وهي خايفة تبات ماتصبح وموحال كانت طلاقا بهاد الماركات

على النبوري كانت واقفة حاضنة يديها قدام الزاج ديال لوطيل كاتتفرج فالطوموبيلات لتحت على برّا لابسة حوايجها و طالقة ودنيها مع عِز لي كان كايهضر فالتيليفون .. ماطولش فيه بزاف حدو خررج من فمو هضرة وحدة ” هاني خارج “

هز الجاكيطة ديالو قلب لها الجياب يشوف كارط ݣيشي و عاود طل على البلاستيكة قلب على التخربيق لي فيها عاد تحركو من تما هي وياه .. بعدوو من لوطيل شحاال عاد شدو طاكسي داهم نييشان لواحد المول دخل هو وياها حتى طااح فواحد التيليفون پيبليك صونا نيشاان على الهاتف العمومي الثاني

مُراد : [ طل على النمرة بانت ليه داخلة تيليفون پيبليك اكسيبطااها و مانطق حتى سمع صوتو ] علاش دوزتيها فلوطيل؟ ها واحد دويرة فهاد السيكتور كانت خااوية ا صاحبي 

كان المول خاوي فهاد الوقت من الصباح غير المحلات لي فيه هما لي بدااو كايحلو

كان عاارف لوطيل بلاصة مكشوفة ماكانتش شي حاجة جديدة
عِز : [ نطق بإزدراء ] التابعة تابعة ماكاين لاش نحفييها بالتلاوي [ ضار كايقلب عليها بانت لو بااقا واقفة فين خلاها ] سمعني وطلق معايا ودنيك شوف كي دير تجي لداك المعبد لي جاي فالجبل اليوم

مُراد : [ تعججب علاش بغا يمشي لداك القنت بالضبط ] ديك الكنيسة دمونسيرات؟

عِز : هاديك علاياش داوي ضرب دورة نشوفك فيها قبل ماترجع لدار اوطونييل

° كانت واقفة مربعة يديها و هازة عينيها فالمحلات لي كايحلو في حين ودنيها مطلوووقيين معاه كانت عندها واحد علامة الإستفهام كاترفرف بجنيوحاتها فوق الراس .. سرحاات عجولها فدوّامة من التفكير ساهية على هضرتو معاها حتى جبدها من وسطها بصوته الأجش

عِز : راني داوي معاك

فيروز : [ خرجات من سهوتها وشافت فيه ] ماسمعَتكش شني قولتي سحابتلي باقي [كـ]ادهضار فالتيليفون

مازادش عاودلها اش قال و ماحكررش عليها .. وحدة بحالها وفبحال الموقف لي كانت فيه البارح كان متوقع منها غاتبقا فيها التدهشيرة شحاال مافخباروش السيدة سكيپاات التدهشيرة و دوزااتها مع القرقارة .. بالها غرق غيير فالحالة لي هما فيها و السبب

زيـدها من دراعها قدامو وتحركو شدو طاكسي حطهم فوحدة من المحطات ديال الميترو قطـع التيكيات وركبو ماهبطو حتى لمحطة Las Aguas شادين خط ترانسميلينيو .. من تما تحركو نييشااان لواحد المحطة ديال التلفريك