زوجة الكولونيل [ 2 ] COLONEL'S WIFE

Part 14

• مع ضررب الشوفة فصباط جلد التمساح عرفووو غايكون شي سراق من سرارق الزيت خرجو من هاد الغار و مشاو للمغرب .. رجليه كان كايهزهزهم بشويية .. حاط التيليفون فوق فخضو مزومي على داك خونا و مزيير على قبضة يديه حتى بياااض الدم فيها

مُصعب : داخل عليها حتى لوسط المدرسة؟ هادو باغيين ينصلوه لينا بالعلالي ا سيمحمد انا وياك عارفين حتى لهاد النهار ماكاينش شي ولد القحـ/ـبـة فهاد البلاد حط عينو حتى بالغلط على واحد من ولادنا ، هاد الصهد جاي من عندك ا ولد ميمتي ماشي من هنا

ضغط على محاجر عينيه .. لالة زينة و زادها زين الحمام منيييرفي غير مع كرو و قلة النعاس مخليينو دغياااا كايتنييرڤااا وتزاد هاد الهم حتى هو على الحساب
عِز : [ رد التيليفون لجيبو ] واش دوا معاها؟

مُصعب : مافهماتوش اش ݣال وماعرفاتوش باش دوا البنت باقا صغيرة سحابلها غير شي عربي هداك دررجها معاها دابا ݣوليا اش طاري؟ باش نعرفو اش نديرو؟ سماعيل غير ساثق الخبار حرمها عليها تزيد تعتبها تم حتى نعرفو شكاين

هز بريكة وشعل الݣارو يبرررد فيييه
عِز : راه حداك؟

كان المزاج عندو مقلوب خلوووق و غير سولو عليه زااد تقلب لييه
مُصعب : ماكاينش حدايا ، واقف على دراري فسخرة طرفاية وكان غايعيط لك غير ماشادش التوقيت عندكم دابا اش كاين عندك؟

جر جررة طويلة زفر بيها الدخان مخرجو من نيفو
عِز : الحاج حداك؟

ميل عينيه جهة باه مابغاش يبين لو
مُصعب : [ مفقوص و مامبينش هضر غير بالهداوة ] واش ماكاتشوفنيش؟

عِز : اش غانشوف فيك؟!

مُصعب : وا شوف نتا واش ماتايقش فيا ولا كانبان لك مايتعولش عليا؟

حل الشرجم لاح منو دخان الݣارو وقال بهدوء
عِز : دير باش تبان ، دوز ليا الحاج

ضحك بسخرية و دوز التيليفون لباه
مُصعب : شد الواليد شد هضر مع ولدك

عِز : قبل مانجي راني فليت دراري الحاج ݣاع لايقين ماكاين فيهم مايتسيق هاد الساعة ماكاينش شي واحد فيهم من وراه الدغل

كانت المقصد بااين و مفهوم .. دار لهم التفتيش الداخلي كان هدا عندو بحال شي إجراء فحص دوري كايديرو كل شهر لأنشطة الأعضاء باش يتأكد ماكاينة حتى شي خيانة ولا شي حد داير شي حزب ضار ضدهم لداخل بإختصار كان ” تفتيش داخلي ديال الولاء “ كايوقف عليه برجليه بين فترة و فترة

الحاج المُرتضى : هادشي ݣاع مزيان اش باقي خاص؟

خدم الموطور و كسيرا مبعععد من داك الكوان لي كان فيه
عِز : خاص شي واحد يتعيـد بيه ݣدامهم

الحاج المُرتضى : [ گرن حجبانو ] ماݣلتي هاد الهضرة حتى وراه طاري شي مشكل كبير خلّاك تبدا تزݣل فالحسابات ، يلا مشا شي واحد مع الرجلين ماداير والو عباد الله و دراري لي معانا غاتبدا تݣلـب فيهم بيديك