زوجة الكولونيل [ 2 ] COLONEL'S WIFE

Part 19

حتى حد ماكان لاقيها كي باغيها لا فكولومبيا لا فالمغرب ... كان الحاج قاسم معوول يجبد الموضوع من دابا يسبقهاا و يحطهاا لولدو قبل ماتعمى ليه البصيرة و يصدق طايح في ما لا يحمد عُقباه اما بنت الأنصاري كانت غادا جااية فالدار حاطة يدها على جنبها كاتفكر فشي حل مايسيفطهاش بيه حتى صونات عليها أسماء

فيروز : [ واقفة قبالة الزاج ] سماعتي اخر الاخبار؟

أسماء : [ خلعاتها ] خبار الخير؟ شمن خبار فيهم

مشات جلسات فوق الكرسي
فيروز : [ تأفأفات ] خاك يرجعنا نمغرب عاود

جالسة مع المترجمة ملوية عليها الفوطة فالستيم روم شبـه ليها غير بالحماحم ديال المغرب بداك البخار
أسماء : [ كاتسوط بيديها بحرر الصهد لي جالسين فيه ] الله على راحة على سلااامتنا منين عفا علينا الله نخويو هاد بلاد النحس والتعس اللهم قطران بلادي ولا عسل بلادات الناس الله يا ختي ومالنا على هاد الحالة؟ ماابقينا نعسو كي الناس مانفيقو كي الناس

جمعات رجليها عندها ماكانتش راشقة ليها
فيروز : ماباغاشي نمشي

أسماء : داخلت عليك بالله شباغا باقا ديري هنا؟؟ واش ماشفتيش هاد القوم كي عايشين؟ القتيلة عندهم كي شريبة دالما ، غابة هادي مابقاتش بلاد ، لا امان لا بوليس

فيروز : ومال خاك فالمغرب كان ايفرّق المصاحف؟ علامن انضحكو على راسنا؟

أسماء : حتى عائلتك مادايرينش القليل وايني المغرب ماشي هو كولومبيا [ زفرات ماعاجبها حال ] اودي ا فيروز نتي منين عزلك خويا دارها معاك مزيانة اجي تشوفيني انا جالسة و مامرتاحاش مع هاد الناس ماكاين ماحسن من دارك اما ديور الناس.. [ تنهدات ] حاسة براسي متقلين عليهم

فيروز : [ طلقات رجليها و عقدات حجبانها ] علاش مالوم؟ عملو معاك شي حاجة؟

أسماء : مادارو ماقالو وحتى ويقولو نتي عارفاني ماكانفهمش الاسبانية بهاد الغدايد ديالها غير نهبط للمغرب نبالي بيها هي اللولة بنادم كايهضر قدامي وانا غير كانشوف فيهم كي الضبعة مافاهمة والو

فيروز : هاا يعني قالو شي حاجة؟

يلااه جات تشكي وتكسيري وهي تفرااني منين تفكرات المترجمة بااقا جالسة معاها .. بحال والو تمشي توصلها لمراد
أسماء : خلي حتى لمن بعد ونعاودلك ماشي دابا ولا نيت فاش نشدو الطيارة

خرجات من تما و بقاو شاادينها هي وياها بالحتيت فالتيليفون و الوقت كايدوز لا عندها لا عند فيروز لي مع قطعاات معاها عاودات دوزات لابيل للالة فخيتة كاتطمئن عليها حتى علماتها بخروج خوتها من الحبس وحقيقةً ماكانتش شي حاجة لا غاتفرحها لا تقلقها على الأقل هما تحبسو فترة و خرجو منها الهم همها هي هاد الساعة بغات غير تقلقل سوق جدها بلا ماتسول عليه بطريقة مباشرة.