زوجة الكولونيل [ 2 ] COLONEL'S WIFE

part 6

كان الصالون فيه غير هما العيالات و هكااك و عاودات تحققات واش كاين شي راجل عاد عرّات وجهها عكس أسماء لي كانت جالسة قدامها كانت مغطية غير شعرها

فيروز : يلاه كونت ناوية نزولو باش نشوف مزيان الديكور دالصالون الصراحة لي فرشو على ذوقو عندو ذوق مزيون

ترجمات المُترجِمة لڤاليريا شنو قالت لها فيروز فالوقت لي بانت بحالا تفاجئات فوجه فيروز لي كان هررس لها دوك التوقعات لي جاو فبالها

ڤاليريا : [ هزات عينيها فالثريات و دوراتهم جهة الديكور ] هاد الصالون داز من 5 أجيال عندو قيمة عائِليّة كبيرة بالنسبة لينا [ نقلات أنظارها لفيروز ]

تسنات المترجمة حتى سالات الترجمة
فيروز : الحاجة قدما كانت قديمة ايولي يخصك دعمل مجهود كبير دحافض عليها ماشي غا بسباب قيمتا وصافي [ مشاو عينيها لواحد الديكور زجاجي ] بالحَق مع الوقت ما ادبقاشي قادة ترفد الجهد و الإهمال [ عاودات شافت فيها ] والصالون على ما انشوف عاطيين حقو فالعناية و كتر ولا ماخفتشي نكدب اللمسة ديالك كاينة هنا مايمكنشي فهاد المدة كاملة تا حاد ما يخلي لمستو

ڤاليريا : الأنثى فينما دخلات و مشات كاتشمي ريحتها غير باللمسة لي كاتخليها سوا فالبلاصة سوا فالراجل [ ضحكات بأنثويّة ] وماكدبتيش نهار جيت تقدري تقولي شونجيت شي حوايج فهاد الصالون بطبيعة الحال ماكنتش قادرة ننقص ولكن زدت حوايج يقدرو يبقاو هنا لأجيال و اجيال

أسماء : ولكن واش هادشي منطابق غير على الصالون ولا على الدار كاملة؟

ڤاليريا : غير على الصالون وماتخيليش شحال من مرة سافر هاد الأثاث باش يجي بنفس الديكور لواحد الطابلو مرسوم ليه

أشارت بعينيها لواحد الطابلو معلق فواحد الحيط بعيد كان مرسوم فيه الصالون و عاامر بالناس يمكن كانت شي مناسبة مستاضفينها فيه .. اسااسااا الصالون كان كبييير و واااسع

ترجمات لهم المترجمة اش قالت كالعادة كيفما كاترجم لها حتى هي و نعتات لهم بصبعها جهة الطابلو لي هضرات عليه 

أسماء : مع دخلنا حسيت بيه نيت قديم ولكن جاو معاه التجديدات ليه مابدلوهش بزاف و فنفس الوقت عطات بيهم لمسة عصرية جا حسن من داك لي فالطابلو

طولاات الشوفة ففيروز و بالضبط فجناب عينيها لي كان باين منهم لون حدقتيها
ڤاليريا : ولكن عندي واحد السؤال

فيروز : [ خرجاتها المترجمة من تأملها ] مرحبا سقسي

كانت مرا شفّافَة فبعض المرات و مرات خرا كان فيها واحد الجانب كايشبه لراجلها بطريقة ماتخليكش تحس بيه .. بطريقتها " هي "
ڤاليريا : نتي زوينة و زينك فتان علاش كاتخبعيه؟ انا فاش شفتك فاللول قلت يمكن عندك شي سيكاطريس ولا شي مشكل فوجهك مخليك تحشمي توريه