زوجة الكولونيل [ 2 ] COLONEL'S WIFE

PART 2

° عـنـدهـا °

صبح صباح جدييد مفييقها فيه صونيط شي تيليفون حداها .. ما حلاات عينييها غير بزز من داك الضو لي كان دااخل من الشرجم الطويل فالبيت .. قلبات عليه بعينيها تفيقو يجاوب فالتيليفون ولكن بحال ديما مالقاتوش

خلاتو حتى يجي يجاوب راااسو و غطات راسها بالمخدة ورجعات نعسات على كرشها اصلا مانعسات حتى لشمن وقت باقا ماشابعاش نعاس اما عندو هو كان خرج الصباح بكريي كايدور بين الطرقان ديال كولومبيا و كايحفضهم قنت بقنت مدامو بااقي جديد هنا و ماعارفش فين يمشي و فين يجي على مايجي مراد يمشيو يشوفو دوك اليتامى لي جاو على ودهم

× عند أسماء و مُراد ×

واقف فالباب و بااين فيه مزرووب باش يخرج
مُراد : غانمشي نريݣل انا وخوك غير واحد البلان والعشية هاني معاك نمشيو للدار القديمة تشوفيها

أسماء : وايني معاياش فالعشية؟ باش ماشي حتى تجي عاد نبدا نزرب

مُراد : ا ماتخافيش ضروري ماغانجي نضرب دورة نطل عليك و نعاود نمشي ديك الساعة نشوف لك معاياش

أسماء : صافي ان شاء الله هانا غانتسناك

ودعها و مشا .. بقات شحاال واقفة فالباب متبعة بعينييها الطوموبيل ديالو حتى غبرات عاد دخلات للدار هاد البلاد خلاتها تحس بواحد الإنتعاش فشكل و شكون قال الإنسان باش يعيش خاصو غير يتوفر على اساسيات الحياة .. كانت الرفاهيّة ولاا بد منها و هي غيير بديك الخرجة ديال البارح عطاتها فرحة سيماانة فالوقت لي كان كايسحابلها نهار غاتزوج غاتبدل غير الدار و فرخة الباب لا أقل ولا أكثر

• عـنـدو •

وصلات تسعود ونص ديال الصباح كان هداك هو الوقت لي داير فيه مع مُراد .. كان مبلاااصي الطوموبيل قدام واحد الكافي شاد فيدو كاس كايجررب قهوتهم لي كانت معرووفة عندهم بالجودة دور حتى دوور و ماتلقاش بحالها فشي بلاد .. مادازش بزااف ديال الوقت شوية و هي توقف حداه واحد الطوموبيل 

مُراد : [ هبط الزااج و طل عليه ] ياااكمااا؟

عِز : جيتي فالوقت [ مد يدو للقدام وديمارا الطوموبيل ] مشينا؟!

مُراد : وا تسنااا ا بّا عِز نشد واحد القهوة وهاني معاك

هبط من الطوموبيل يشد قهوتو ولي على عكس عِز هو كان كايفضل القهوة على أتاي و بالضبط القهوة ديال هنا .. مع شد الݣوبلي ديالو ركب و شد هو وياه الطريق وسط طريق كانت فاللول مسررحة جاية وسط بِنايات عااالية كاين منهم لي شادين كولور واحد فالصباغة وكاين فيهم لي كان مزوق فالفن الغرافيتي .. شوية بشوية بداو كايخرجو من داك القنت و بداو كايدخلو فطرقان ملويين كي الحناااش غاديين و ضايرين بجنابهم ديور مضيقيين و حيوطهم ملونيين كاين لي كايسميهم الأحياء الشعبيّة ولكن السيااح كانو كايشوفوهم هما القلب الناابض و الوجه المنورر ديال بوغوتا