زوجة الكولونيل [ 2 ] COLONEL'S WIFE

part 4

عِز : ها حنا غاديين غانرجع بدراري والوقت ، غدا غانزݣي الهضرة مع أوطونييل نشوفو تاليتها باش غاتسالي معاهم

كان بااغي يزيد يسولو فشلاا حواايج ولكن كلهم ماكانوش ديال التيليفون كانو ديال الكمارة فالكمارة .. كتافى بالبشارة لي عطاه على التحالف لي كان ولدو كايضرب عليه من قبل مايحط رجلو فكولومبيا عكس داكشي لي ورّا فاللول لأوطونييل بحالا ماعندو غرض فيه

الحاج المُرتضى : شغانݣولك الهضرة ماشي فالتيليفون خليك حتى تجي [ تفكر شي حاجة ] وعلى سيرة المجي جات هاد الصباح واحد البنت من تاونات كاتسول فمرتك

عِز : [ سد الكارطونة لي كانت فوق الطبلة ] مالها , اش بغات؟!

حيد نظاظر الشوف من عينو كايمسحهم
الحاج المُرتضى : جابت الكادو دالعرس لفيروز على ماݣالت عاد سالاتو فالخدمة

بقا ساكت شحاال كايررجع السينتة اللور
عِز : وهي منين عرفات لادريسا؟!

الحاج المُرتضى : شداتها من عند عائلة مرتك ا ولدي

هز يدو زيير على القنات ديال عينيه و زاد بسكاتو هدوء خور على ديك الهداوة لي كانت فالدار
عِز : ماشفتيش شكاين فداك الكادو الحاج؟

الحاج المُرتضى : جابت لها طابلو مخدوم باليد ا ولدي

كان جالس و قدامو داك الطابلو لي كان مغلف مزيااان باش مايتخبشش ولا يقيسو الما
الحاج المُرتضى : [ ناض جمع الوقفة ] ماعلينا ا ولدي ها هو فالحفض و الصون مغلف ما حلو حد حتى ترجعو للبلاد و جيو ليه

× فبلاصة خرا فالحسيمة ×

مع خرج مُصعب من الدار دوشات ولبسات عليها .. هزات صاكها وزادت خلفة مع الطريق شدات طاكسي ماوقف بيها حتى لقدام بنك الشعبي دازت ليه بالخف خبعات الفلوس فالكونط مخلية عندها واحد المبلغ لي كاان عندها بيه الغرض هاد الساعة

عاودات شدات طاكسي ولكن هاد المرة ماشي باش يرجعها .. عطاتو البلاصة لي يوصلها ليها مااوقف بيها حتى لقدام واحد الدرب شعبي
ختيمة : [ طلات على مول الطاكسي ] عاينني هنا هانا شوية و غانرجع

- ماتعطليش ا ختي باقي تابعني الكليان

ختيمة : تسناني هنا و غانجي وغانخلصك فهاد الوقفة لي وقفتي

- سير عالله ا ختي ها حنا هنا

سدات باب الطاكسي و تمات دااخلة لداك الدرب كانت حااافضة الطريق مزيان و باين فيها هاد السيكتور ماشي شي سيكتور غريب عليها ماوقفاات .. ماوقفاات فيه حتى لقداام واحد الباب ديال الحديد كانت محلولة و ريحة المرقة بالقناارية لي خارجة منها كاتشمها منيين و منيين

ختيمة : [ دفعات الخامية و دخلات كاتقلب بعينيها على صاحبة دعوتها ] سُميّة؟؟

طلات عليها من الطواليط مرا ثلاثينيية هااازة و وااازنة فالعباار .. يااا صحة ويااا صحة عندها ماتعطيهاش ݣااع فالثلاثينات
سُميّة : ا زييدي للهنا ا ختيمة هانا هنا