الحب يفعل المعجزات 🥹

part 1

تبدأ أحدات الرواية على ان في دكتورة نساء تعينت عن جديد في المستشفى يلي يخدم فيها فراس وتبدأ الأحدات خشت حور المستشفى وكانت فرحانة هلباا انها قدرت تحقق حلمهاا وتكون دكتورة وخشت للإدارة وتفاهمت معاهم وقالها المدير تسأل الإستعلامات عن مكان المكتب الخاص بيهاا وطلعت وسألت. وبعدين فتحت باب المكتب وعجبها والغريب لقت فيه أغراض توحي انه المكتب لشخص ثاني فاتت الموضوع وقعمزت ع الكرسي وغمضت عيونها وقعدت تشوف في روحهاا كيف كانت طالبة وأخيرا ولت دكتورة وشوية ويفتح فراس الباب ومعاه المساعدة متعه إسمها سارة
حور حست في حركة وفتحت عيونها شافت لفراس بغضب وهو لما شاف جمالها قريب أغمى عليه، وقال في خاطره محلاها البنت هذه، قطعت حور تفكيره، وقالت له كيف تتجرأ تخش مكتب حد من دون إذن لازم اول شيء تدق ع الباب في شيء إسمه إحترام وخصوصية، سارة خافت ع حور من رد فعل فراس لأنه عصبي هلباا والكل يخاف منه
قال لها فراس انتي تتكلمي ع الخصوصية، أولا هذا مكتبي وانت أكيدة دكتورة النساء الجديدة وغلطي في المكتب وبعدين عادي تصير اخطاء زي هذه. حور تحشمت هلباا ولونها ولا وردي هو قال في سره هلباا هكي محلاها. قالت بنبرة خجل سامحني خشيت لمكتبك من دون إذن وهزبتك معاها، قال لا عادي دكتورة؟! قالت له حور قال اسمك حلو عاشت الاسامي وأني دكتور فراس «دكتور جراح»
قالت له سلمك تعيش وتسمي تشرفنا دكتور فراس
سارة كانت مصدومة😳 من رد فعل فراس وكيف كان حنين.
قالت حور عن إذنك، قال فراس الإذن معاك . فراس قال لسارة ساعدي الدكتورة تلقا مكتبها. قالت سارة حاضر وقعمز فراس ع الكرسي، وقعد يتفكر لما فتح الباب وشااف حور وشاف جمالها وقال في خاطره هذه أحلى بنت شفتها في حياتي، وشوية وخش مؤيد وقطع عليه التفكير قال له واو طالع ترند انت والدكتورة حور. قال بإستغراب ترند شن؟!
قال له سارة قالت للكل ان أول مره حد يخش لمكتب الدكتور فراس يهزبه ودكتور فراس يتكلم معاه بحنيه وهي «الدكتوره حور» قال مؤيد خيرك ياصاحبي شن في؟!
قال فراس في خاطره بروحي مش عارف خيرني؟!
قال مؤيد ألوووو وين وصلت في التفكير، قال فراس وهو يغير في الموضوع شن جو جراحة الأعصاب معاك؟ قال له تمام بعد ربع ساعه عندي عملية ذكرتني لازم توة يكونوا جهزوا غرفة العمليات. قال فراس برى شن تراجي وبعدين عملياتك خطيرة هلبا ياراجل، قال له يلا عن إذنك ولازم تحكي لي ع قصة الدكتورة، ضحك وقال له غير برى توة
طلع مؤيد وخلى الباب مفتوح وشوية وطقت حور ع الباب
قال لها فراس تفضلي دكتورة، قالت حور مادام انت مكسد وأنا مكسدة ومانعرفش حد غيرك خلي نهدرز عليك لو ماعندكش مانع، قال لالا تفضلي، قعمزت حور قالت له نقدر نسألك سؤال، قال لها تفصليي، قالت له شن السبب يلي خلاك تختار الجراحة قال لها لاني نحب نعطي امل للناس ونحب خصوصا نخش لعمليه يراهن عليها الاغلبيه بالفشل ويقولوا انها مستحيلة وانا الحمد لله ليا سبعة سنين وماعمريش خسرت في ولا عملية وبعدين الواحد لما يخش تخصص هو يحبه حيمارس هذا التخصص بكل حب وحيكون كل شيء لي ويسعى للتقدم في هذا العمل وأني نحب تخصصي هلباا ونحب كل يوم نتقدم فيه، حور إنعجبت هلباا بكلامه وحست انه هو ع عكس مايحكوا عليه عصبي ومغرور
قطع تفكيرها وانتي علاش اخترتي طب النساء؟ لأني من صغري نحلم إني نكون دكتوره نساء ما نخليش ولا طفل يموت اثناء الولاده ونقدر نساعد الام والطفل ان شاء الله وخلي نقول لك سر ماما زمان حملت باخ قبل وتوفى اثناء الولاده من يوم ما حكيت لي عليه ماما وانا وعدتها نكون امل لكل طفل وام. قال لها حبيت كلامك صدقيني بعد فتره هتلقي روحك متعلقه بتخصصك هلباا وتحبيه قالت له ان شاء الله، وشاف الساعه قال لها عن اذنك عندي عملية توة مع ان الحديث معاك لايمل. إبتسمت حور وقالت له موفق وطلعت وطلع هو بعدها.
خشت لمكتبها قعدت تفكر به وقداش هو حلو ووسيم وحست انها معجبه به فقالت وهو وتعاتب في روحهاا هذا شن يلي نقول فيه اني وين عقليي، بعد وقت طويل من التفكير قريب ساعة. خش عليها دكتور قال لها السلام عليكم نقدر ندخل، قالت له وعليكم السلام تفضل، خش وقال لها أني دكتور محمد« جراح» قالت أني حور «دكتورة النساء» قال لها عارف قلت خلي نتعرف عليك، قالت له أكيد تفضل، قال لها الكل يقول عليك حلوة بس طلعتي أحلى من الوصف، قالت له بخجل هذا من ذوقك، فراس كان واقف ويغلي وسمع كل شيء وقطع عليهم الحديث (طبعا فراس ومحمد مايحبوش بعض) خش فراس وقال لمحمد مش عندك دكتور محمد والكل يدور فيك لوطا، قال له بغصب صحح ذكرتني وقال لحور عن إذنك أكيد حنتعرفوا، قالت له ان شاء لله ،
قال فراس لي حور تعرفي شن سرالنجاح في هذا المستشفى؟ قالت له لا، قال لها ردي بالك تثقي في حد ما تعطيش سرك لحد، ابتسمت وقالت له كلامك منطقي، قال لها مش معقول ما سألتنيش كيف كانت العمليه؟ قالت له بكل حب لاني واثقه بقدراتك فأكيد العمليه ناجحه مادام شادها دكتور ناجح زيك، حس فراس بحاجة «شعور» في قلبه لما سمع هذه الكلمات وابتسم وقال لها هذا من ذوقك، و قصت عليهم ممرضه قالت لي حور دكتورة في حاله لوطا لو تجيء تشوفها؟ قالت لها تمام، وقالت لفراس عن اذنك، قال لها كل الإذن معاك، خش مكتبه وقعد يفكر فيها وع غيره عليها من محمد. وقال في خاطره علاش أني غاير هلبا عليها هلباا وعلاش نحب نتكلم معاها تي هيا مسكرتش 24ساعة في المستشفى، وفي حاجه تقول له ان الحب من أول نظرة،وحاجة تقول له انه مافيش حب والبنات كلهم زي بعضهم، وحاجة تقول له ان حور مختلفة عليهم، وحاجة تقول له انها فالحة ومازال ماقدرش يحكم عليها من أول من مرة وأولا وأخيرا حتكون زيها زي أي بنت. وقطع تفكيره صوت تليفونه لقاها أمه رد ألووو، قالت له أني تعاركت مع بوك وأني وأختك في حوش جدك لو روحت ومالقيتناش، قال لها مش ناويين تعقلوا وتبطلوا مشاكل، قالت له قول هذا الكلام لبوك. قال لها تمام توة مش فاضي توة بعدين نشوف كيف نحلها وسكر الخط وتم الدوام وكل واحد روح لحوشه
________________________
حور كانوا اهلها مدايرين لها احتفال كبير بمناسبة بدأها الشغل وتحقيق حلمهاا والكل كان فخور بها احتفلوا وكملوا وخشت اسيل لحور قالت لها تعرفتي على حد في المستشفى؟ قالت ايه على دكتور جراح اسمه «فراس» وقعدت حور تمدح فيه وفي جماله وفي حبه لعمله وانها انعجبت ببه خصوصا انه ناجح، أسيل إشيييه هذا كله عرفتيه في أقل من 24ساعه ، حور حست بنظرات مش تمام من أسيل ليها، قالت لها إطلعي برا الحق مش فيك الحق فيا نحكيلك بري ارقدي وراك ثانوية. طلعت أسيل
________________________
طلعت حور مذكرتها وخدت القلم وكتبت ( لطالما حلمت دائما بتحقيق حلمي والعمل بكل حب وان اكون الأمل لكل ام وطفل وهذا الوعد الذي قطعته على نفسي وكنت اظن أني طموحة للغاية واني اطمح من الجميع ولكني كنت مخطئه كان هناك شخص وسيم للغايه وهو كان الطبيب الجراح المشهور في المستشفى تحدث إليه وقال لي« لربما الوصول صعب ولكنه ليس مستحيل» هكذا هكذا استنتجت من كلامه احببت فيه طموحه وحبه لعمله وثقته بقدراته وايضا انه لا يخشى شيئا لربما كان لقاءنا الاول محرجا بعض الشيء ولكنه كان أجمل لقاء في حياتي 🥹🥹) وسكرت الكراسة وقعدت تفكر فيه.
___________________
عند فراس خش قعمز ع سريره وقعد يفكر في حور وفي نفس الوقت خايف من الحب ومن التعلق بيها وكان يقنع في روحه انها زيها زي أي بنت لكنها مازال مإنفضحتش.
ورقدوا أبطالنا بسلام.
شن رأيكم
حاليا نكتب فيهاا
تبوا حلقة في اليوم ولا حلقتين 🥹
دعمكم مهم 🥹🌸🌸