فراس: اني قررت نتزوج واليوم حنشوف عمي سامي ونخطب حور رسمي.
امينة: عيلة من وشن عندهم؟
فاتح: عندهم شركات والجو هذا؟
إلين: ربي يهنيك يا غالي 🥹
فراس: يارب ويبعتلك الشخص الكويس.
فراس لامه وبوه: لا لا ماعندهمش شركات ولا عندهم نفوذ، ناس متوسطين وراقيين ومتعلمين ومربيين بنتهم أحسن تربية وأنا نحب حور وحنتزوجها ان شاءلله
أمينة: وﷲ رأس ولد وتبيني نزوجك لمن من كان يا حشمتي قدام الناس.
فراس: شن إستفدنا من زواج الفلوس والنفوذ إنتي خديتي بوي ع خاطر عنده شركات وغني باش تتفاخري بيه قدام الناس وبوي خداك ع خاطر نفوذ جدي باش يكبر خدمته ويتفاخر قدام الناس، وأهو كل يوم والثاني مشاكل وأني نحب حور وهي الوحيدة يلي قدرت تغير فيا هلبا حاجات ومش مهم رأي الناس لأن طول عمرنا ماحنعجبوا الناس .
امينة: وااااك مدايرته غسيل دماغ ولدي ولا أكيدة سحر
فاتح: كلامك كله صحح ومعاك حقق يا ولدي في كل كلمة ربي يهنيك ويكمل ع خير
فرح فراس وحضن بوه
فراس: ربي يخليك ليا
أمينة: ع شن تبارك له ؟
فراس: اني نبلغ فيك مش نأخد في رأيك.
امينة بينها وبين نفسها: خلي نوافق وخلاص.
واقفت وباركت لولدها.
فرح هلباا
فراس: يخليك ليا يلا اني طالع للمستشفى ،
طلع ووصل ومشيء طووول لمكتب حور وملقهاش إسغرب ورن عليهاا جت حور تجري لما سمعت الهاتف،
أسيل: سلميلي ع فراس
حور: إدويي 🙄
خشت لدارها
حور: ألووو
فراس: صباح الورد وينك اليوم؟
حور: صباح الياسمين في الحوش نحوس مع ماما.
فراس: إستاحشتك
حور: اليوم تشوفني
فراس: تمام خلي نشوف شغلي
حور: مع السلامه موفق يا قلبي ☺️وسكرت طوول.
ضحك فراس 😂
فراس: مجنونة 😂🥹
وإمشي لمكتب مؤيد فتح الباب وخش.
مؤيد: كبييرة دكتورة فراس بجلالة قدره جاي لمكتبي حلت علينا البركات والله 😂😂
ضحك فراس 😂😂
فراس: صباح الورد في موضوع نبي نحكي فيه معاك.
مؤيد: صباحك فل ان شاءلله خير
فراس: لالا خير أني اليوم ماشي بنخطب حور من بوها
إنصدم مؤيد 😳😳
مؤيد: هي عندها علمم 🫣؟
فراس: ايه ياسلام ، يوم الخميس كانت عندنا منوابة وحكاله ع كل شيء صار يوم الخميس.
فرح مؤيد وحضن فراس 🫂🫂
مؤيد: كنت حاسس من الاول ربي يهنيك يا صاحبي . 🥹🥹
فراس ان شاءلله 🥹
مؤيد: نقولك سرر؟
فراس: قول
مؤيد: تعرف يوم الخميس خبطت فيا بنت تهبلل من جمالها قريب أغمى علياا وكانت تبكي سألتها خيرك؟ قالت صايرة معاي مشكلة
أخخ بس لو مكانش عندي عمليه راهو هدرزت عليها وعرفت إسمها🥹🥹
فراس: علاش جايه للمستشفى؟
مؤيد: أكيدة تعرف حد في المستشفى لأنها كانت لابسة بدلة ثانوي.
فراس مصدوم 😳
فراس: في الثانوية وإنت عمرك 27سنة
مؤيد: عاادي شن فيهلل وربي حبيتها هيي
فراس: إعقلل وطلع
وقعد مؤيد هايم يفكر في أسيل 🥹
وكان متمني يشوفها ثاني.
___________________________
أذن العصر وروح فراس وتى روحه لبس( سروال أسود قماش وسورية بيضاء عليها جاكيت جينز)
كان طالع يوهبلل 🥹وطلع ركب سيارته
___________________________عند حور وتت كل شيء وسامي وياسر يراجوا في فراس
شوية ودقق الباب.
طلعت أسيل تجري باش تشوف فراس،
خشت أسيل تجري لحور
أسيل واو نسيبنا طرف 😍والله عرفتي تختاري يا حور وهي 🥺
وردي بالك عليه.
ضحكت حور
حور: يلا خلاص معاش تتغزلي براجلي المستقبلي.
ضربتها أسيل ع كتفها.
أسيل: مصح وجهك خلي يوافق بوك وبعدين شوفي روحك علينا
ضحكت حور 😂😂
حور: موافق ريحي رووحك 😇😇
__________________________
عند فراس:
سامي: شن إسمك يا ولدي؟
فراس:«فراس»
سامي: عاشت الاسامي.
فراس: تعيش وتسمي
انت يا عمي عارف شن سبب جيتي خلي نخش في الموضوع أني ياعمي من لما ريت بنتك وحياتي إنقلبت ميه وثمانين درجة وحبيتها من أول نظرة واول ماحسيت إني بالفعل مستعد جيت لحور وقلتلها
اني نحبها ونبي نخطبها أني ريت فيها ماريتاش في ولا بنت
ريت فيها «الإحترام والحشمة والأدب» ونعمة التربية يا عمي
إنعجب ياسر وسامي بكلام فراس
سامي: هذا من ذوقك وبارك الله فيك يا ولدي 🩷
___________________________وخشت حور مدخلة العصير
إنعجبت حور هلبا بجمال فراس كيف طالع جنتل مدت العصير لفراس شافلها وغمز لها وهي تحشمت ومدت لبوها وخوها
سامي: قعمزي يا حور
قعمزت وكانوا عيونها لوطا
فراس يشوفلها وميتت ضحك عليها وشاد الضحكة بالسيف
سامي: اني يا ولدي عطيتك وعجبتني هلبا ونعم التربية والله
ضحك فراس
سامي: شن رأيك يا حور؟
حور ولا لونها أحمر زي الطماطم
حور بخجل: الرأي رأيك بابا وطلعت
فراس كتم الضحكة بالسيف
سامي ربي يكمل ع خير يا ولدي.
فراس: امين وأني اليومين هاذم تو نجيب أمي ونكملوا الموضوع
سامي: ان شاءلله
طلع فراس وصله ياسر للباب وبعت مسج لحور «محلاك كيف متحشمة»
حور ضحكت وبعتت له« وانت طالع تجنن»
بعت لها «🩷🩷»
وإمشي قعدوا سامي وياسر يمدحوا فيه واخلاقه وعجبهم لين خلاص 🩷🥺
أنت تقرأ
الحب يفعل المعجزات 🥹
Misteri / Thrillerرواياتنا اليوم مختلفة عن بقية الروايات فهي تجمع بين أمور كثيرة مابين (الحب، الطموح، الغدر، الطمع، الإنسانية، الغرور) وكل هذه المواضيع وأكثر فلكل شخص صفته رواياتنا تحكي عن فتاة.: اسمها حور تمتلك ملامح بيضاء عيون واسعة شوية لونهم عسلي، شعرها طويل...
