فتحت حور النت تدور في الفيلو
خش فراس
فراس: شن دير حوري
حور: ندور ع فيلو
فراس: وريني نختار معاك
حور: لا مستحيل
فراس: براحتك أقعدي حايرة
حور: نقعد حايرة ولا نوريك
فراس قرب منها هلبا حور توترت معاش عرفت شن تدير
فراس: حد قالك انك حلوة لما تتوتري
حور: فر... اس
فراس خدي النقال منها وشاف
حور: ع فكرة انت بارد
فراس: امم هذا حلو هذا لا مش حلو
اشي هذه طالع عليها حلو
حور بغيرة😤: مني؟ وريني
فراس: غرتي ولا شنو؟
حور: حقي نغار
فراس: حقك بس أني مش شايف حد غيرك شوفيها حلوة ولا؟
حور: مش شايف غيري ويقولي شوفي حلوة ولا؟
فراس: غير شوفي
حور وريني
طلعت صورتها هي
حور: حي عليك حي أمتى بتتربى فراس؟
فراس: معاك حنقعد مش مربي
حور: هههههه
فراس: سمعتي بقصة أسيل و مؤيد؟
حور بثقة: اي قتلي أسيل قداش ليها
فراس: أمس قتلك ولا؟
حور: ايه صح كيف عرفت
مؤيد: أمس قالي ولما سألته علاش الدسان قالي متفقين من الاول
حور: اي قتلي أسيل
فراس: يلا فكينا منهم واتيا لغدوة
حور: أكييد بياني عاد وتوة باي لازم نروح
فراس: ضروري
حور: بنجهز مع ماما
فراس وقف ع الباب مستحيل تطلعي لين تقوليلي نحبكك
حور: نحبكك ودفت فراس وطلعت
فراس: نموت فيك يا مجنونة
((الله عليهم عصافير الحب الحمدلله شفناهم ثاني مع بعضض🥹🤍))
______________________♡
روحت حور وقعدت تحوس وجوا بنات العيلة باتوا عندهم ووتوا كل شيء لغدوة، وقعمزوا يهدرزوا، شوية ورن فراس ع حور
حور خشت لدارها تجري
حور: ألو مساء النور
فراس: مساء الفل شن ديري؟
حور: كيف كملنا حوسة وقعمزنا نهدرزوا.
فراس: ربي يعاون، ؏ فكرة عمتي فاطمة «أم مؤيد» غدوة جاية وحتكون مقام عزوزك.
حور: تمام وزي أمي أكييد
فراس: سامحيني حور
حور بإستغراب: علاش؟
فراس: ؏ خاطر كل شيء تحملتيه ؏ خاطري
حور: أني نحبكك وبعدين يلي يحب لازم يضحي ع خاطر يلي يحبه وأني لتوة مستعدة نفديك بروحي
(( الله عليك يا حور تعلمنا معنى الحب منك ❤))
فراس: الله ع الرومانسيه شكلي بنخلي العرس غدوة وخلاص .
حور بضحكة: أصبر الصبر حلو
فراس: هو حلو صح بس مافيش حاجة أحلى منك منک حوري،
حور بخجل: يا وخيتي سلمه 🥹
فراس: سلمك ههه 😂😂
حور: تصبح ع خير عيوني خلاص بيتسكروا.
فراس: قدامك كل خير حوري
رقدوا كل الأبطال بكل حبب 😍
____________________♡
جيء الصبح
وتت حور روحها وإمشت للمزين
أول ماخشت كانت فرحانة وتهدرز مع المزينة وتقولها كيف إدير
وكملت حور وروحت وخشت جري للدار باش محدش يشوفها لين تلبس.
لبست قفطان «كان منفوخ ومشدود من الخصر»
ولبست الإكسسوارات
((كانت طالعة تقول أميرة هاربة من ديزني🥹🤍))
خشت بدرية
بدرية: الله محلاك
حور: عيونك الحلوين مامتي 😘
حضنت بنتها
بدرية: ربي يكملك ع خير 😍
حور: أمين
جت أسيل
أسيل: شوره ديما الحضن للست حور 🙂
حور: أكيد اني البكرة والفرحة الأولى😌
أسيل: وأني الصغيرة مصماصت الكرشة 😎
بدرية هههههه 😂😂
بدرية: خلاص الزوز نحبكمم وربي يفرحني بيكم
حور: لا إطمني حتفرحي بينا مع بعضض 😉
بدرية: كيف؟
حور: حكت لأمها ع قصة أسيل ومؤيد
بدرية: نهارك تكلمي فيه من غير قول
حور: يا ماما هو يحبها والحب مافيش حد يقدر يقوله لا هذا شعور داخلي متقدريش تتحكمي فيه
بدرية: 🥹بنتي كبرت وبدت تحبب.
أسيل: مؤيد يبي يتقدملي بس أنا رافضة الفكرة الفترة يلي فاتت نكد وهكيي
بدرية: خلاص اليوم بعد يروحوا الناس نكلم بوك
أسيل: يخليك ليا يا أحلى أم
بدرية: ويخليكم ليا شن نبي غير اني نشوفكم سعيدات مع يلي يحبوكم ويصونكم 🥹
وحضنوا بعض 🫂🫂🥹
شوية وبدوا الكلاكس
بدرية: هيا أسيل شكلهم وصلوا
وإستقبلوهم وشوية وطلعت حور سلمت عليهم .
وأم مؤيد ميته في أسيل
فاطمة في سرها: كان تحصلها يا مؤيد من زيكك
(( متخافيش مؤيدفالح وحصلها 😂😂))
وشوية وخش فراس
فراس كان مش حد إلا حور
كان حيغمي عليه من جمالها
فراس: محلاك قلبي لا يتحمل وسبقق وقتلك انك اميرة هاربة من قصص دينزي متع الخيال حور انتي حقيقة 🥹🤍
حور ايه: حقيقية
إيلين: يلا فراس لبسها الدبلة
ولبسوا بعض وقصوا التورطة
فراس: حور قصدك توة نطلعع تمت المهمة
حور: مع الأسف
فراس: أطلعي معاي
حور:فراس تربى 😂
فراس: نحبكك وطلعع
________________________♡
رقصوا البنات وغنوا وكلوا وكل واحد روح حوشه
عند مؤيد
فاطمة: عندهم بنت تهبلل يا ولدي إسمها أسيل تقول للقمر نوض ونجيء مكانك كان تحصلها من زيكك 🥹
مؤيد في سره: خلي نقولها
مؤيد: حكي قصته مع أسيل
فاطمة: أول مرة تدير حاجة كويسة في حياتك 😂
مؤيد: حراام عليك
خش لداره وكلم أسيل
أسيل: ألوو
مؤيد: مساء النور فراشتي
أسيل: مساء الخير
مؤيد: ولا كلمة حلوة
أسيل: لما نخطبوا ساهل
مؤيد: حقا أمي هبلت فيكك قتلي أول تدير حاجة صحح
أسيل: سلمهالي شكلنا حنتفقوا أني وياها
مؤيد: نحبكك ونبي نخطبك هيي كلمي بوك
أسيل: ماما بتكلمه الليلة
مؤيد: وأخيراااا
أسيل: ايه 😂
مؤيد: دوووم الضحكة
أسيل: دومك ليا وسكرت الخط
مؤيد قعد يضحكك
____________________♡
عند حور
إتصل فراس بحور
حور: ألوو
فراس: مساء الحب والعشق
حور: مساء الغرام والهيام
فراس: أيوا إحني الشاعرة
حور : باش تعرف بس ❤
فراس: ألف ألف مليون مبروك علينا وربي يقدرني ونسعدك ونعوضك ع كل شيء وأني نحبكك وردي بالك تفكري تحولي الدبلة إلا في حالة واحدة لما بتحطيها بعد شهر في اليسار ان شاءلله 🥹🥹
حور بدموع: الله ع كلامك يا فراس ربي يقدرني ونسعدك حتى أني والدبلة مش حنحيها من يدي
فراس: أستغفر الله يا ربي معاش فهمتكم انتم البنات تفرحوا تبكوا تزعلوا تبكوا
حور بضحكة: الله غالب
فراس: محلاها الضحكة دوم
حور: دومك ليا
وشوية وخشت أسيل
حور: فراس تصبحح ع خير نتلاقوا غدوة
فراس: قدامك كل خير
سكروا الخط
حور: شن في ياهمي يا مخربة اللحظات السعيدة
________________♡
شن رأيكم في البارت❤
أهم شيء تفاعلكم يا بنات نحبكممم 🫂🫂🥹❤
أنت تقرأ
الحب يفعل المعجزات 🥹
غموض / إثارةرواياتنا اليوم مختلفة عن بقية الروايات فهي تجمع بين أمور كثيرة مابين (الحب، الطموح، الغدر، الطمع، الإنسانية، الغرور) وكل هذه المواضيع وأكثر فلكل شخص صفته رواياتنا تحكي عن فتاة.: اسمها حور تمتلك ملامح بيضاء عيون واسعة شوية لونهم عسلي، شعرها طويل...
