دق الباب
حور لا إراديا فراس
طلع محمد
محمد: اهلا كيف الحال
حور: تمام وانت
محمد: الحمدلله
وسكتوا شوية
محمد: غريبة وين الدبلة متاعك؟
حور بخنقة خلاص أني وفراس إنفصلنا 💔
إبتسم محمد
محمد بخبت 😈: علاش؟
حور: لأن هذا الصحح وهذا يلي كان لازم يصير من الأول
محمد: ربي يعوضك خير
حور: تسلم
محمد: عن إذنك توة
حور: الإذن معاك
وطول اليوم حور مش عارفة تخدم صح لأن تفكيرها كان مشوش
قطع تفكيرها صوت الباب
حور: تفضل
مؤيد: هلا حور بنسألك ماكلمكش فراس اليوم؟ هاتف مغلق وخدي إجازة والغريب انه اول مره يأخد إجازة
حور: علاش بنكلمه
مؤيد توقع انا حور تحسبه مايعرفش انها تكلم في فراس
مؤيد: ههه مش مخطوب.. قطعت حور كلامه
حور: لا من قالك مخطوبين كل مشيء في حاله
مؤيد بصدمة: معقولة هذا كله صاير وأني ماعنديش علم
حور بلا مبلاة: حل مشاكلك بعيد لو سمحت اني عندي شغل ولازم نكمله
مؤيد بصدمة: تمام عن إذنك
طلع طول ركب سيارته وإمشي لحوش فراس
أمينة: اهلا مؤيد
مؤيد بخوف: خالتي وين فراس
أمينة بخوف متصنع: في داره من أمس مطلعش
مؤيد: فراس أفتح
فراس اول ماسمع صوت مؤيد ناض يجري وفتح الباب وحضن مؤيد
مؤيد اول ماشاف حالة صاحبه إنهار ودموعه نزلوا
سكروا الباب
فراس حكي لمؤيد ؏ كل شيء صار
مؤيد: معقولة حور يطلع منها هذا كله.
فراس: مع الأسفف 💔😔
مؤيد: ربي يرزقك بخير منها يا صاحبي
فراس بغضب: اني خلاص فتحت قلبي للحب مرة وشفت شن صار ومستحيل نفتح قلبي مرة ثانية وحنولي فراس متع زمان
مؤيد: ربي يكون معاك أمتى مقرر ترجع؟
فراس: بعد أسبوع خلي نجمع أفكاري.
مؤيد: ان شاءلله خير اني عندي عملية بعد ساعة ولازم نطلع تبي شيء كلمني
فراس: تمام منور
_________________________
عند حور
روحت للحوش وحكت لأسيل ع فيديو فراس وع معاملتها لمؤيد
أسيل: الله غالب لازم تكوني قوية ولازم تتحملي عواقب الإختيار واول مايرجع فراس حيكون ناوي يعلن الحرب عليك
حور بغصة: ربك يستر
اسيل: خلي نشوف ماما
حور: تمام
طلعت حور مذكرتها وكتبت (لطالما سمعت من قبل ان اللحظات السعيدة قصيرة ولكن لم أكن اتوقع ان تكون قصيرة لهذه الدرجة أيعقل ماحصل معي اي عقل يستوعب هذا بالامس كنت فرحة وتمت خطبتي ع من أحب واليوم إنقلبت الطاولة علي وقد كرهني فراس وأظن انه للأبد والله لديه كامل الحق في كرهي، لاني تركت فيه ندوبا شوهت جميل داخله وعندما إقتنع ان الحب موجود وان البنات يختلفن عن بعض وتغيرت بيه أمور كثيرة ماذا فعلت أنا؟ قمت بكسره كسر غير قابل للتجبير وتركت في قلبه جرح ينزف ع مدار السنين فيارب هون ع قلبه، وإمنحني الصبر لاتحمل كره لي.)
وسكرت الكراسة ورقدت
__________________________
فات أسبوع من غير أحدات
وكالعادة حور ناضت وتت روحها ووصلت للمستشفى وخشت هي وفراس مع بعض
فراس حتى الشبح ليها ماشبح وهي تجمدت في مكانها وعيونها تعبوا دموع وإمشت لمكتبها وكانت تتمنى ان فراس يخش يصبح عليها زي قبلل وشوية وجت الممرضة لحور
الممرضة: دكتورة في حالة تتوجع ومش قادره تتحمل الوجع
حور: تمام
نزلت طوول
حور: أي شهر
الحالة: الخامس
حور: تمام خلي نديرلك تحاليل
بعد ربع ساعه طلعوا
حور: عندك المراره
حور: لازم يكون معاي دكتور جراح
الممرضة: دكتور فراس الوحيد يلي فاضي.
حور إتردت بس خافت ع وضع الحالة
حور: تمام بلغي دكتور فراس
الممرضة: حاضر
جت الممرضة لفراس وحكت له
فراس: جهزوا غرفة العمليات
الممرضة: تمام
وجهزت وخشوا حور وفراس
وحور كانت متألمة لان مش طايق يشوف وجها
حور في سرها: عندك حق يا فراس ماتطيقش تشوف وجهي
وفراس طول العمليه يتعامل معاها زي اي زميلة
وتمت العملية بنجاح وطلعوا في نفس اللحظة
فراس: حو... دكتورة حور
حور بلهفة: نعم
فراس: اول ماتفيق الحالة ممنوع تاكل لمدة 6ساعات وتاخد سوائل
حور: تمام
إمشي فراس
وتم اليوم
وروحت حور وحكت لأسيل
أسيل: لازم تكوني جاهزة لأكتر من هكي
حور: ربي يقويني
أسيل: يلا عندي امتحان خلي نقرأ
حور: موفقة
وطلعت حور المذكرة وكتبت (اليوم رأيته وعندما رأيته شعرت بشعور لم أشعر به من قبل شعرت ان قلبي يدق بسرعة ولم أستطيع التحكم به وجميع جسمي يرتجف ولم أستطيع نطق ولا حرف وأصبحت عيوني تنهمر بالدموع وكأن الكلام الذي أريد قوله يأتي ؏ هيئة شلال من الدموع.)
وناضت وتت روحها ومكانتش تعرف ان في مصيبة تراجي فيها ووصلت للمستشفى خشت لمكتبها
لقت أمينة
أمينة: اهلا
حور: شن تبي؟
أمينة: بالشوية عليك مش كويس ليك التعصيب
حور بقرف: قولي شن تبي وأطلعي
أمينة: سمعت دكتور محمد معجب بيك. 😉
حور: شن دخلك؟
أمينة: قعدت بطريقة غير مباشرة نمهدله انك تحبيه ومن غير مايعرف أني مني وان إختيارك لفراس كان غلطة
حور بغضب قوي: مالك ومالي تكذبي عليا
أمينة: هو اليوم يبي يتقدملك
حور: هلبا قلتي بعدي ع فراس بعدت بس حرام عليك خلي في قلبك رحمة 💔💔
أمينة: مطرة توافقي
حور: لو قلت لا
أمينة: سهلة توة بعد أيام حيختاروا رئيس الأطباء وفراس من المرشحين للمنصب وهذا حرام يضيع منه هو والشهادة
حور: خلاص موافقه
أمينة: هكي الصح ريتي كيف الحب مذلة
حور بثقة: صدقيني حبنا حينتصر في النهاية
أمينة بهزوة: يلي يستنى خير من يلي يتمنى وطلعت
قعمزت حور وحطت يدها ع رأسها
حور: يارب ساعدني
وشوية وخش محمد
حور:تفضل
محمد: اني....
غدوة نكمل حبايب قلبي
سوري ع التعطيل بس الضيء كان هارب واول ماشحنت نقالي كتبت
تفاعلكم أهم شيء يا بنات نحبكمم🥹🫂
أنت تقرأ
الحب يفعل المعجزات 🥹
Mystery / Thrillerرواياتنا اليوم مختلفة عن بقية الروايات فهي تجمع بين أمور كثيرة مابين (الحب، الطموح، الغدر، الطمع، الإنسانية، الغرور) وكل هذه المواضيع وأكثر فلكل شخص صفته رواياتنا تحكي عن فتاة.: اسمها حور تمتلك ملامح بيضاء عيون واسعة شوية لونهم عسلي، شعرها طويل...
