روحت حور
سامي: قالك محمد ان العرس بعد شهرين؟
حور: ايه قالي
أسيل إنصدمت
بدرية: لازم نوتوا من توة
حور: يلي تشوفوه
خشت لدارها لحقتها أسيل
أسيل: ورأس وخيتي لو مش قادرة فوتي حرام عليك تعذبي في روحك وفي فراس معاك
حور: لا نقدر المهم نشوفه مرتاح ومسألة وقت وينساني
أسيل: ربي بجمعكم انتي وفراس 🥹
حور: ياااارب
حور: حي وين لقيتي السنسلة؟
أسيل: في في داري «كانت أول مرة تكذب أسيل ع حور»
وشوية ويوصل أسيل مسج «مساء النوروالسرور أني مؤيد»
أسيل تجدمت
أسيل: هي أني بنمشي نقرأ
حور: موفقة
وطلعت أسيل وخشت لدارها
أسيل خيرني فرحانة وقلبي يدق شن بديتي تحبيه أسيل؟
لا ردي بالك من الحب، بس هو حلو وشخصية وربي خشش خاطري، أسيل ركزي ع روحك وين انتي ووين هو. وقطع تفكيرها صوت الهاتف
أسيل: ألوو
مؤيد: أحلى ألوو نسمعها في حياتي
أسيل تحشمت
مؤيد: الصراحة اليوم كله نفكر فيك ماعرفتش نركز بكل
أسيل: حتى أني
مؤيد: بصدمة حققق ولا تبصري
أسيل: حققق 🥹
مؤيد: في موضوع لازم نكلمك فيه
أسيل: تمام وين نتلاقوا؟
مؤيد: تعاليلي في المكتب
أسيل: أوكي
مؤيد: غدوة لما توصلي كلميني
أسيل: تمام
مؤيد: تصبحي على خير
أسيل: قدامك الخيير
مؤيد كان طاير من الفرحة
ويغني ((أضرب يا ميم طاء ومؤيد جاب مرأة، مؤيد وين قالوله سمي قالهم أسولة عسسل في فمي 🥺))
((بجد قصة مؤيد و أسيل تجنن))
أسيل: أرزني يا بنت باهي شن يبي حيعترف بحبه 🥺
ورقدت أسيل وهي تفكر بالحببب ❤
حور طلعت المذكرة وكتبت( اصبحت اشعر اني كشخص غريب اغترب عن موطنه ويحاول الرجوع اليه ولكن دون جدوى فقد اضل الطريق وسمح لاشخاص اخرين ان يغيروا طريقه للعوده وان يتحكموا فيه ويحركوه كيف يريدون صحيح انهم قد ابعدوني عن وطني وابعدوا فكره الرجوع اليه من مخيلتي ولكني لن اتوقف عن حبه وسابقى احبه حتى اخر دقيقه في عمري، فراس انا احبك ولم اتوقف عن حبك ارجوك سامحني لاني تركتك رغما عني دمت في حفظ الله ورعايته حبيب.) وسكرت ورقدت والدموع معبية خدها
وعند فراس كان مش قادر يرقد بيخمم في الكلام يلي سمعه وان عرسها خلاص بعد شهرين وحاول يطلع الموضوع من باله ما فيش جدوى
دق الباب
فراس: تفضل
إيلين: قداش لينا معاش هدرزنا
فراس: سامحيني معاش فضيت
إيلين: لا عادي
فراس: خشي
إيلين: فراس إسمعني للأخر
فراس: أوكي
إيلين: رد بالك تقاطعني حور تحبك صدقني وفي شيء مخليها تبعد ريت الحزن في عيونها نهار درت الحادث البنت مكانتش ع وعيها تبكي وخلاص وع فكره عطاتك دم وناضت طوول تطمن عليك صدقني حور تحبك
فراس: ماحبتش نقطع عليك بس هي منافقة وكذابة ولو في شيء راهو جت وقالتلي وحليناه مع بعض أني خلاص طلعتها من دماغي و هي عرسها بعد شهرين
إيلين: اه كيف؟
فراس: تحب محمد هلبا وطاير عقلها فيه وواضح الهني عليها
إيلين: لو هكي ربي يهنيها وسامحني وخيا تفختلك رأسك
فراس: لا عادي مش مشكله بري أرقدي
إيلين: تصبحح ع خير
فراس: وانتي من أهله
وطلعت إيلين
فراس فكر في كلامها
فراس في سره: مش مطرة تتبرع بالدم معانها
لالا رد بالك تحن خليك ثابت وقوي
ورقد
_________________
جيء الصبح وكالعادة ناضت حور وتت روحها وطلعت
بدرية: حور شوفي الصالة هذه شن؟
حور من دون ماتشوف حلوة
بدرية: خلاص بنحجز
حور: تمام
بدرية تحجز وتوتي وبنتها في عالم ثاني 💔💔
وصلت حور لمكتبها ونصدمت
فراس: صباح الخير
حور عيونها دموع
حور: صب.. اح الخير
فراس: بنسألك سؤال جاوبي بصراحه
حور في سرها: أسئلة حتى مليون
فراس: ألوو
حور: تمام
فراس: علاش تبرعتيلي بالدم وعلاش انهرتي ع خاطري؟
نبي جواب مقنع
حور في سرها: قولي نحبكك
فراس في سره: قولي نحبككك هي قولي
حور في سرها: خلاص بنقول
حور: فراس أني....
خش محمد
محمد: حور تعالي عندك حالة مستعجلة لوطا
((تفو عليك يا محمد كان كل شيء حينحل 🙂))
حور: تمام
طلعت حور
فراس: شن قالت بتقول
فراس: سألتها مرة ومستحيل نسألها ثاني ربي يهنيها
((علاش بس هي تحبكك بس الظروف💔😔))
_________________
خشت حور لغرفة العمليات
وهي طالعة تلاقت مع فراس
حور: دكتور فراس
فراس: نعم
حور: مكملناش دوة
فراس: أنسي خلاص وشكرا ع تبرعك أكيد موقف إنساني صحح
حور: سكتت
فراس في سره: قولي غلطط
حور: ايه صحح
فراس قلبه نكسر💔
ومشت حور
فراس: شكلها تحبه
((لا تحبكك انت بسس 💔💔))
_______________♡
وصلت أسيل للمستشفى
أسيل: مؤيد وصلت
مؤيد: تعالي لمكتبي
أسيل: تمام
واول مافتحت طاح عليها الورد وقعدت تضحك
مؤيد إنسجم مع ضحكتها
وسكر الباب
مد وردة لأسيل
ونزل ع ركابه
مؤيد: أسيل أني نحبكك ومعجب بيك من أول ماريتك
حاولت نطلعك من رأسي بس ا في نفس الوقت كنت متنمي نشوفك تاني
ولما حس قلبك انك تحبيه تشتجعت
أسيل: مؤيد نحبكك
وطلعت
واول ما وصلت خشه لدارها وقعدت تستوعب يلي صار وكانت حتطير الفرحه
اتصل بيها مؤيد
أسيل: ألووو
مؤيد: محلاها كلمة نحبك كيف طالعة منك ومحلاك كيف متحشمة انتي حلوة في جميع حالاتك
إتحشمت
أسيل: هذا من ذوقك الراقي
مؤيد: نبي نكلم أمي عليك
أسيل: خلي يفوت عرس ع خير قبلل
مؤيد: علاش توة؟
أسيل: ايه بعد شهرين
مؤيد: هلباا شهرين
أسيل: لو تحبني أصبر
مؤيد: مادام فيها حب نصبر عادي نصبر بس بشرط
أسيل: أشرط كيف ماتبي
مؤيد: نقعدوا نتكلموا
أسيل: عادي تمام
مؤيد: باي توة عندي عمليه وانتي عارفة عمالياتي يعطلوا
لما نكمل نكلمك
أسيل: بايات ربي يعاونك
مؤيد: يارب
وسكروا الخطط
_________________
حور اطمنت ع مرضيتها وروحت
بدرية: خلي نطلعوا نأخدوا شوية حاجات مدامك قاعدة بعبايتك.
حور: تمام
أسيل في سرها: يارب أرحمم قلبهاا
وطلعوا وحور كانت جثة بلاعقل يلي توريه أمه تقول حلوو
روحوا
مقعمزين ع سفرة العشاء
سامي: شن حصلتوا
بدرية: ايه وحاجات ماشاء الله
سامي: كويس
بدرية: غدوة الفيلو
حور انصدمت
«كأنها كفنها مش فيلو عرسها»»
خشت دارها تبكي
وأسيل ومؤيد ذابين في الحب ❤
فراس منهار وضايع
فراس يلهي في روحه
فراس خلاص تحدد موعد عرسها أنساها هي مش ليكك وبكي لين رقد 💔💔
((يقطعوا القلب😔💔))
____________________
حور كانت تعبانة وماعندهاش نيه تمشي للمستشفى
وتوا الفطور وفطروا
بدرية: بعد الغداء نبوا نشوفوا الفيلو في محل فيلوات يهبلل
حور: تمام
أسيل في سرها: ربي يصبركك ويهون عليكك 💔
ناضت أسيل امشت الثانوية
حور تحوس مع أمها
رن هاتفها
حور: الوو
محمد: هلا وينك اليوم؟
حور: نحس في روحي تعبانة
بدرية: قوليله بتطلعي للفيلو
حور: وبعدين بنطلع نشوف الفيلو
محمد: فيلو مدام فيلو خلاص خودي راحتك حبيبتي
فراس كان واقف وسمع كل شيء
قلبه إدقق 💔💔
خش لمكتبه
فراس: لا ونقول مازال تحبني وهي طالعة للفيلو تمشي تشبع بيه معاش تهمني💔💔
((خاطري نعطي محمد طريحة نباش القبور😂😂))
___________________♡
حطوا غداهم وتغدوا
وطلعوا للفيلو
بدرية عجبها فيلو
بدرية: حور شن رأيك؟ تعالي شوفي
حور: حلو
بدرية: قسيه
حور قاست الفيلو وحست بخنقه كأنها مكتفنة مش عروسة
بدرية&المرأة: يهبللل تقول مصمم ليك
حور إبتسمت بالسيف
أسيل في سرها: ياارب صبرها
بدرية:طالع عليك يهبلل مالا كيف لو تديري مكياج وتسريحة
حور بحزن: ايه💔
بدرية: حجزنا
حجزوا وروحوا
وطول الطريق بدرية تمدح في الفيلو كيف طالع ع حور
وحور ساكتة
محمد وعيلته يوتوا بكلل حبب
وتوا العشاء وتعشوا وخشت حور لدارها وطلعت المذكرة وكتبت ( لطالما حلمت دوما ومن صغري بيومي زفافي وكيف سيكون وبمن ساتزوج وكنت انتظره بفارغ الصبر لكن اليوم اتمنى ان لا ياتي هذا اليوم اصبحت كالمعدوم يتمنى ان لا يأتي صباح اليوم التالي لكي لا يموت كل شيء حصل معي فجأه حياتي انقلبت رأسا على عقب لا اعرف لماذا؟ وما السبب؟ ولكني سأقطع لك وعداً يا فراس ان لم اكون معك ولك فلن اكون مع غيرك صدقني لن اسمح لاحد بلمسي غيرك وانا متاكده ان حبنا سينتصر في النهاية.) وسكرت ورقدت
_________________
مشوا الأيام وجوا الأيام وجيء أسبوع عرس وكانت غايبة هي ومحمد فراس كان يحاول ينسى ويقسي قلبه
وخش مؤيد لفراس
مؤيد: مش معقولة ماتمشيش تزور بوك ولا مرة؟
فراس: هو يلي إختار مصيره ويلي داره بإيده ربي يزيده
مؤيد: لا يا فراس مهما يكون هذا بوك ومفروض زرته وخفتت عليه راهو محكوم 15سنة مش شوية
فراس: فوت الموضوع
مؤيد: براحتك
_______________
عند حور كانوا يوتوا ليه ليه
وهي ولا كأنها عروسة تقول ماشية للموت
رحمة&أسيل: تراجعي يا حور
حور: لالا لو تحبوني كونوا معاي مش ضدي
كانوا يتألموا ع خاطرها
جيء يوم الحنة وكانت غدوة الفاتحة ويلي بعده الدخلة
_____________
جت أمينة زارت فاتح
أمينة: محلاك كيف مذلول 😂
فاتح بقرف: شن تبي؟
أمينة: درت هلبا إنجازات في غيابك خلي نقولك
فاتح: ششن درتي يا شيطانة 👹
أمينة: شن خلت حور تدير
فاتح: انهار ع ولده
أمينة: عندي ليك سر كبيير وخطير ههه😂😂
أمينة.........
نشوفكم مع الظهريات 🥺
تفاعلكم أهم شيء يا بنات نحبكممم 🥺🫂
شن رأيك في بارت اليوم 🥹🩷
أنت تقرأ
الحب يفعل المعجزات 🥹
Детектив / Триллерرواياتنا اليوم مختلفة عن بقية الروايات فهي تجمع بين أمور كثيرة مابين (الحب، الطموح، الغدر، الطمع، الإنسانية، الغرور) وكل هذه المواضيع وأكثر فلكل شخص صفته رواياتنا تحكي عن فتاة.: اسمها حور تمتلك ملامح بيضاء عيون واسعة شوية لونهم عسلي، شعرها طويل...
