وأول ماخشت لفت إنتباه حور فيلو
(كان كم وفيه فتحة جهة الصدر) بأمانة كان يهبللل
وأسيل كذلك عجبها فيلو خشوا الزوز وقاسوا
وأول ماطلعوا بدرية بدت تدمع
بدرية: الله يبارك عليكم تهبلوا 😍😍 خلاص كبرتوا وحتتزوجوا الله أمتى لحقتوا؟
حضنوا أمهم
وحجزوا ودفعوا العربون وروحوا
_______________♡
عند حور
كلمها فراس
فراس: حبي خديتي الفيلو؟
حور: ايه
فراس: نبي نشوف
حور: لا شوفه عليا في العرس
فراس: متأكد الفيلو حيحلى بيك
حور بخجل: هذا من ذوقك يا عمري ❤
________________♡
أسيل كلمها مؤيد
مؤيد: خديتي الفيلو ؟
أسيل: ايه
مؤيد: نبي نشوف
أسيل: مستحيل شوفه عليا
مؤيد: أكيد حتطلعي حلوة
أسيل: بدون شك
مؤيد: ماشاء الله ؏ التواضع
أسيل قعدت تضحك
مؤيد: بري أقري توة باي
أسيل: بايات ❤
_________________♡
جيء أسبوع الإمتحانات
أسيل تقرأ ليل نهار
والحمد الله كانت تجاوب، ومؤيد كان معاها لحظة بلحظة
(( الدعمم في الأوقات الصعبةأحلى شيء 🥺🥺))
تموا الإمتحانات ع خير
_______________♡
جيء أسبوع العرس
وقعدوا يوتوا كان الخميس فاتحة، الجمعة حنة، السبت الدخلة 😍
حور وأسيل يوتوا في البتات ليه ليه
وحماس الشباب فوق ↖️↖️↖️↖️
_____________♡
جيء اليوم المنتظر
«يوم الفاتحة»
داروها مع بعضض فراس ومؤيد
فراس: الله يا صاحبي يا صاحب العمر يا خوي يلي تخرج معاي وحيتزوج معاي
حضنوا بعضض 🫂🫂
مؤيد: يخليك ليا
فراس: ويخليك ليا
___________♡
قروا فاتحة فراس قبل
كلم ياسر حور بشرها
وزغرتوا
وبعدين فاتحة مؤيد
كلم ياسر أسيل وبشرها
وزغرتوا
داروا شوط دربوكة 😍😍
(( االأجواء يلي يحبها قلبي ❤))
______________♡
كلم فراس حور
حور: ألووو
فراس: ألف ألف مبروك حوري
حور: الله يبارك فيك يا عمري
فراس: وأخيرا وليتي ليا
حور: ايه يا عمري ❤
عند أسيل:
كلمها مؤيد
مؤيد: ألف ألف مبروك أسولتي وأخيرا وليتي ليا
أسيل: يبارك فيك
مؤيد: قولي كلمة حلوة وهي تقول تكلم في صاحبتها مش راجلها
أسيل: نحبكك مؤيد وأخيرا وليت ليا يا أحلى عطايا الدنيا ليا 😍
مؤيد: الله محلاه الكلام
أسيل: انت الحلو يا عمري
مؤيد: بنجيء نروح بيك مانبيش عرس
أسيل بضحكة: لا أني نبي
مؤيد: ؏ خاطرك بسس
أسيل: سلمم خاطرك
((يارب ماتحرم حد من فرحة الحلال 🥹❤))
سكروا الخط
______________♡
وجيء ثاني يوم لبسوا أسيل و حور البودري
جيء فراس باش يصور مع حور
فراس: محلاك طالعة
حور تحشمت
فراس: اه توة أني راجلك وماتلومنيش ع أي تصرف قداش مرة نقولك محلاك لما تتحشمي 🤤❤😌
حور تحشمت وهربت تجري
فراس: لينا لقاء غدوة وين بتهربي بسس 🤌🏻🤌🏻
حور تضحك
_____________♡
عند أسيل جاها مؤيد
وطول الوقت يتغزل بجمالها
أسيل تضحك وخلاص 😂
جيء وقت الحنة ولسبوا العرايس البيجامات
وداروا اللصقة وبدوا يحنوا فيهم
شرين نقال حور
حور: من
رحمة: فراس
حور: اسس رحمة أفتحي المايك وحطيه ع ركبتي
رحمة: أوكيي
حور: ألوو
فراس: مساء الحب إستاحشتك غير أمتى يجيء غدوة بس حسيته طول هلبا لكن حنوريك غدوة حننتقم منك ❤😈
حور تحشمت
البنات يضحكوا
حور: فراس المايك مفتوح🤭
فراس: إشهدوا انها تعتني وعذبتني باش وصلنا لهذا اليوم وعيط نحبكك حور 🥹🥹
كلهم يضحكوا
____________♡
جيء اليوم المنتظر
حور و أسيل إمشوا للمزين
المزينة ماتت في جمالهم
المزينة: ماتستحقوش الحقق
حور &أسيل: هذا من ذوقك
ومكيجوا وطلعوا يهبلوا، رفعهم ياسر للصالة (الصالة كانت مشتركة)
صوروا حور و أسيل البرومو مع بعض
ودخلهم ياسر
__________♡
عند الشاب
كانوا يتجهزوا
فراس: متحمس هلبا الليلة 🤭
مؤيد: زيكك
فراس: تو نشوفوا من يكون أب هو الأول
مؤيد: ان شاءلله
_________♡
وصلوا الشباب للصالة وكل واحد خش مع عروسته لدار باش يصورا مع بعضض
عند حور:
خش فراس
فراس بدي يبكي 😭لما شاف حور
حور: شنن في؟
فراس بصوت مخنوق: وأخيرا وليتي ليا يا حور كنت خائف هلبا ان اليوم هذا مايجيش، خلاص معاش نبي شيء من ربيي
حور: توة وقت فرح مش حزن
فراس: تردي فيهاا؟
حور: خايفة ؏ مكياجي يطلع مش حلو في الصورة
فراس: مصلحة صار
حور: أكييد
فراس: حنوريك غير نروحوا
حور خافت فراس نحبكك
فراس: 😈😂😂
_______________♡
عند أسيل
مؤيد: الله يبارك يا أسيل لساني معاش عارف يعبر وأخيرا وليتي ليا
أسيل: ؏ فكره طالع تهبللل
وصوروا مع بعضض
وخدي كل واحد عروسته وركبها السيارة
طول الطريق كلاكس
فراس: طلعع من الروشن
فراس: خديتها ياناس وولت ليا نحبكك
(( اللهم هذاالشعور🥹😭))
حور: فراس ركز ؏ السواقة
فراس: كيف بنركز وقدامي الجمال هذا كله 🤤🤤
تحشمت
عند مؤيد
شد يد أسيل
مؤيد: وأخيرا وليتي ليا يا أسولة تعبتني ودهشتيني
توة خلاص جيء وقت الحساب 😈
أسيل بخوف: ركز ؏ السواقة
ووصل كل واحد لحوشه وصلوا مع عروساتهم
فراس: حور
حور بخوف: نعم
((يلا ماليناش علاقة واحد هو ومرته 😂🤭))
_______________♡
عند مؤيد
كان يغني
(( وأخيرا تجوزت ومعادش ناقصني حاجة 🥹)) أول مشاف أسيل
مؤيد: لا ناقصني
( برضو ماليناش علاقة للبيوت أسرار 🫢🫢)
____________♡
جيء الصبح
فراس كان يتأمل في حور كيف راقدة
حور ناضت بصوت ناعس
صباح الورد
فراس: صباح الحب
حور: فراس
فراس: نعمم
حور: جعانة
فراس: نحسابها بتقول كلام رومنسي
قعد يقلد فيها فراس جعانة 😂😂
قلت أمس ساد
وناضوا فطروا
عند أسيل
مؤيد: ياقلبي نوضي
أسيل: صباح الورد
مؤيد: صباح العسل
يلا نوضي نفطروا
أسيل: تمام
_____________♡
كلموا البنات أمهم وداروا أسبوعهم
وفات شهر ؏ زواجهم
ولوا حور وفراس ومؤيد للخدمة
____________♡
كانت نتيجة أسيل غدوة
جت أسيل لحور
حور: واو شن سبب الزيارة الكريمة؟
أسيل: درت تست وطلعت حامل
حور: الف مبروك حبوبي
أسيل: بس خايفة يطلع غلط
حور: صح معاك حق خلي نديروا تحليل دم قبل
دارت أسيل التحليل
وقعدوا يراجوا
وبعد ربع ساعه جباته الممرضه
أسيل: خايفة
حور: خير ان شاء الله
فتحت حور التحليل
حور: أألف ألف مبروك حامل
أسيل: االله يبارك فيك والفال ليك
حور: أمين
أسيل: خلي نمشي نقول لمؤيد
حور: اجري بسرعة
________________♡
خشت أسيل
أسيل: مؤيد
مؤيد لاهي مع ملف مريض
مؤيد: نعم
أسيل: أني حامل
مؤيد بلا مبلاة: ألف مبروك وسكت شوية ولوح الورقة لحظة من الحامل؟
أسيل: أني
مؤيد: االله وأخيرا حنولي أب
أسيل: ايه ياقلبي
مؤيد قعد يضحك وطلع مت المكتب وعيط بأعلى صوت أني حنولي أب
جاه فراس حضنه 🫂🩵
فراس: الف مبروك
مؤيد: يبارك فيك والفال عندك
أسيل وحور كانوا يضحكوا
____________♡
روح كل واحد لحوشه
فراس: حور
حور: نعم
فراس: نحس في إيلين مضايفة
حور: خلي ننزل نشوفها
فراس: تمام
نزلت حور ولقت عمها
حور: مساء الورد
فاتح: مساء الورد بنتي
حور: عمي إيلين وين
جت إيلين
حور: تعالي نبيك
إيلين:نعم
حور: خيرك فيك حاجة مش ؏ أساس أني صاحبتك وأختك ؟
إيلين: خايفة من النتيجة غدوة، وماما حكموا عليها الإعدام
((معليشي يا إيلين مع إحترامي ليك تستاهل أمك الحقق🙂))
حور: الله غالب كل واحد يأخد نصيبه
قعدت حور تواسي فيها لين رقدت
ركبت حور لحوشها
فراس: خيرها
حور: حكت له
فراس: مسكينة إيلين رقيقة هلبا
ورقدوا كل الأبطال بكل حب😍
_________♡
جيء يوم النتيجة
أسيل وإيلين متوترين
والعيلة كلها خايفين
طلعت النتيجة
أسيل جابت 96٪
نقزت وعيطت
مؤيد: يا عمري الف مبروك
فراس: احممم
مؤيد: تحشم
حور: هي إيلين طلعيها
إيلين: مابتش الرابط عليه زحمة
فراس: من القصقاصين يلي خاشين
ضحكوا كلهم 😂😂
(( هذه عندك فيهاحقق فراس🙂😂))
إيلين: طلعت 92٪
كلهم: الف مبروك
داروا حفلة كبيرة
وروح كل واحد حوشه
_____________♡
وفات شهر
وحور بدت تحس بأعراض الحمل
دارت تحليل دم
طلعت حامل
قريب طارت من الفرحة
كان اليون عيد ميلاد فراس
خدت تورطة وزلباحة وحطتها في بوكس صغير ودارت جو رومانسي
وجيء فراس إنصدم شن هذا كله
حور: Happy birthday
فراس: قصدك متفكرة؟
حور: ياسلام وعندي ليك مفجأة تهبلل
فراس: شننن؟
حور: تفضل
فتح البوكس لقي المفجأة
فراس: انتي حامل
حور: اي
حضنها وقعد يلف بيها وهي تضحك
(( الله ع الشعور 😍❤))
____________♡
فاتوا شهور وبطن حور و أسيل تكبر
دارت حور الجهاز لأسيل وطلع ولد
مؤيد: فرحح
ودارت حور الجهاز وطلعت بنت
فراس: فرح قريب طار لأنه يبي بنوتة 🥹
وطلع كل واحد مع مرته وخدوا مستلزمات البيبي
______________♡
وفي ليلة كلم مؤيد فراس
مؤيد: فراس جيب حور بسرعة أسيل بتولد
فراس: هيا ع طول
ناضت حور بسرعة
خشت حور مع أسيل
والعيلة البرا يراجوا
شوية وطلعت حور
حور: ألف مبروك جاك ولد الله يبارك
مؤيد: يبارك فيك نقدر نشوفها؟
حور: أكيد
خش مؤيد شد ولده وطمن ع مرته وباس ع رأسها وطلع
أعطي البيبي لفراس
شده فراس
مؤيد: حنسميه فراس
فراس: فرح
فراس: مع الأسف بتجيني بنت نسميها مؤيدة وخلاص يمشي الحال 😂😂
قعدوا كلهم يضحكوا
روحت أسيل ثاني يوم لحوشهم
___________♡
بعد فترة كان عند حور عملية كملت العملية وقعدت تعيط معاش قادرة تتحمل
خشت ولادة
فراس البرا خايف
جوه العيلة
وشوية وطلعت الدكتورة
الدكتورة: الف مبروك دكتور فراس جاتك بنت زي القمر
فراس: شن وضع حور؟
الدكتورة: كويسة
خش يجري
فراس شد بنته
فراس: أألف ألف مبروك لينا وباس رأس حور
وشوية وخشوا العيلة
كلهم: شن بتسميها؟
فراس: مروة ع اسم أمي الله يرحمها
كلهم: الله يرحمها
روح فراس بمرته وبنته من حوش أماليها
وكان طاير عقله بي بنته
_____________♡
بعد مرور خمسة سنوات
كان فراس مروح بمروة وفراس من الروضة
مروة: بابا فراس ضربني
فراس بغضب: علاش ضاربها
فراس الصغير: لأنها لعبت مع أنس
فراس: من يكون أنس
مروة: زميلي
فراس: عادي خلي تلعب مع زميلها
فراس الصغير: للا أني مانبيهاش تلعب مع حد هي ليا أني وبس
ضحك فراس
فراس: نعطيك و عد لو قعدت تحبها بعد ماتكبر نعطيهالك
فراس الصغير: بالحقق عمي؟
فراس: وعد
وروح بيهم ورفعهم لجنان كانت العيلة كلها ملتمة غادي وحور وقتها حامل
جيء فراس الصغير: خالتي أني بنأخد بنتك
حور: ممن قالك بنعطيك بنتي ؟
فراس الصغير: عمي فراس قالي لو قعدت تحبها نعطيهالك
حور: حبها مالا
وتمت اللمة وكل واحد روح لحوشه
_____________♡
طلعت حور المذكرة وكتبت (لطالما علمنا أن الحب دواء لكل داء، وأن الحب يشفي كل مريض، وأن الحب تضحية يقدمها المحب لأجل من يحب، فأنا خضت صراعات كثيرة لكي أصل إلى ما أنا عليه، انا كنت لا أتوقع أبداً أني سأتزوج فراس لكن قلبي كان لديه أمل ان حبنا سينتصر، لأن حبنا حب نقي صافي خالي من جميع أنواع الخبث أيا كان نوعها، ققد قدم كلانا تضحيات من أجل الأخر، والحمد الله عشنا سويا وأنجبنا طفلة والأن طفلنا الثاني في الطريق
وسنعيش بساعدة وهناء ومن قصتي إستنتجت عنوان واحد «#الحب_يفعل_المعجزات»
فإن لم نكن نحب فلن نفعل معجزة من أجل مت نحب فالحب جميل ونقي، فأنا سعيده لأني إخترت الشخص الصحيح.)
سكرت المذكرة وجتها مروة
مروة: لما نكبر نبي نولي زيك
حور: وحتكوني أحسن مني
مروة: فراس قالي يبي يطلع زي بابا وقالي حنحبك زي حب عمي فراس وخالتي حور، ماما محلاكم انتي وبابا
حور تضحك ولقت فراس واقف ويضحك وجيء حضن مرته وبنته
فراس في سره: #االحب_يفعل_المعجزات بالحقق
وجابت حور ولد سموه مراد، وعاشت حور هي وفراس حياة سعيدة معبية حب وسعادة وكانوا مرتاحين هلبا مع بعض ومربين صغارهم بكلل حب🥹
النهاية
____________♡
*االخاتمة: االحب جميل فهو تضحية نابعة من أعماق القلب، وهو شخصان يحبان بعضهما بإستمرار ومن دون أي مقدمات او أعذار من كلا الطرفان، وان يحبا بعضهم حبا أبديا، فالحب هو أن يستطع المحب ان يضحي بنفسه فداء الحبب
والحب تنازلات يقدمها الإثنين معا، والحب ليس كلام فقط بل أفعال، فالحب هو ان تحب شخصا من دون معرفة لماذا أحببته، والحب يشعرك كأنك خلقت للتو، مجرد التفكير في شخص تحبه يجعلك تبتسم لا إراديا، فالحب إحساس غريب يصيبك مرة واحده في العمر، فإن لم تشعر بهذا الشعور فإنك لا تعرف معنى الحب
احب ان أقول لكم:
الحب شعور جميل والحب نقي ليس كما يصوره لك الأخرون فكل شخص إختار كتابة قصته بنفسه، كن بطل قصتك وضع لها نهاية تستحق أن يقال عنها حب
جاهد في سبيل الحب، وإختر شريك حياتك لأنك تحبه لا من أجل مال ولا من أجل جمال
المال والجمال لا يمنحان السعادة
السعادة الحقيقة في الحب
وفي النهاية الحب سينتصر 🥹🥹
#فالحب_يفعل_المعجزات
✍🏻 أروى
رأيكم في الرواية ؟ 🥹🥹
نحبكم نبي نشوفكم كلكم في التعليقات ❤❤
تفاعلكم يعني إستمراري 🥹❤
أنت تقرأ
الحب يفعل المعجزات 🥹
Mystère / Thrillerرواياتنا اليوم مختلفة عن بقية الروايات فهي تجمع بين أمور كثيرة مابين (الحب، الطموح، الغدر، الطمع، الإنسانية، الغرور) وكل هذه المواضيع وأكثر فلكل شخص صفته رواياتنا تحكي عن فتاة.: اسمها حور تمتلك ملامح بيضاء عيون واسعة شوية لونهم عسلي، شعرها طويل...
