محمد: نبي نقولك حاجة
حور بخوف: تفضل
محمد: أني معجب بيك قداش ليا ومن قبل ليخطبك فراس وقعدت ندعي تكوني من نصيبي ولربما فسخك انتي وفراس جيء لصالحي وأني نبي انك تكوني زوجتي
حور بإبتسامة مزيفة: أني موافقة
ضحك 😂
محمد: أعطيني رقم بوك
حور: سجل عندك
محمد: هي
حور 091*******
محمد: تمام هي
وطلع
وإنهارت حور بالبكاء
وقعدت تصبر في روحها وتقول عادي ع خاطر مصلحة فراس
تم اليوم وروحت حور
__________________________
سامي: فرحان
سامي: وأخيرا يا بدرية حور نست فراس
بدرية: خير ان شاءلله
سامي: حور
حور: نعم
سامي: كلمني محمد وغدوة بنفضي اني وياه لان هو يتيم الأب مدام انتي موافقه
حور بخنقة وإبتسامة متصنعة: ايه قالي
سامي& بدرية: ألف مبروك وربي يكمل ع خير يا بنتي
حور: سكتت والدموع نزلوا 💔💔
ياسر: الف مبروك
أسيل: مصدومة ومش فاهمه شيء
وكلهم فرحانين
حور مشت لدارها
لحقتها أسيل
أسيل: شن صاير؟
حور: حكت لها شن صار
أسيل:«هذه شيطانة ع هيئة إنسانة»
حور: هذا ع خاطر فراس ولازم نتحمل
ورقدت حور في حضن أسيل 🫂
________________________
عند محمد:
محمد كان فرحان هو وعيلته وكل شوية يوصف لهم حور وهما متحمسين لشوفتها
_________________________
جيء الصبح
وتت حور روحها كالعادة وإمشت للمستشفى
وصلت حور
نادى عليهم محمد
وكان فراس كيف خاش
محمد: حور
وقف فراس لما سمع محمد يقول «حور» من غير دكتورة
وبعد إتفكر انها معاش تعنيله وإمشي
محمد: صباح الورد 🌹اليوم بنشوف بوك
حور: ايه قالي بابا يلا عندي شغل
محمد: تمام خودي راحتك باش بعدين ترتاحي
وإمشت حور وخشت مكتبها
ونزلوا دموعها وبس يلي كان مهون عليها إنها دير في هذا كله ع خاطر فراس.
وتفكرت ((الحب هو الإنسان يضحي بكل شيء من أجل سعادة من يحب مهما كان الشيء يلي حيديره ولو ؏ حساب سعادته))
حور في سرها: مش مهم كيف تفكر فيا المهم إني نضحي ع خاطر سعادتك.
قطع تفكيرها صوت الهاتف
حور: ألووو
بدرية: بتجيء لما يجيء محمد؟
حور: لالا نقدرش عندي شغل هلبا وياسر الإجازات يلي خديتها قبللل
بدرية: تمام وسكرت الخط
وقعدت حور تتفكر اليوم يلي جيء فيه فراس باش يخطبها وتبكي
__________________________
في حوش حور:
جيء محمد
سامي عجبه محمد لقاه محترم وشاري حور
سامي: حور موافقة واني موافق
سامي: شن رأيك البيان بعد أسبوع؟
محمد بفرحة: تمام هيي
سامي: نبوا نفرحوا ياسر هم
محمد: معاك حقق
__________________________
روحت حور:
بدرية: حور البيان بعد أسبوع
تعالي نشوفوا قفطان بيانك
أسيل: حور تعبانة
حور: لالا عادي
أسيل في سرها: علاش ديري في روحك هكي يا وخيتيي
وتوا روحهم وطلعوا
بدرية: حور شن رأيك في هذا؟
حور: حلو خلاص إشريه
بدرية: فرحانة حور عجبها ذوقي شفتي محمد كيف غيرك
حور إبتسمت
أسيل متألمة ع خاطر اختها كيف تمتل في السعادة وتفرح في غيرها ؏ حساب راحتها.
وروحوا وخشت حور لدارها
وطلعت المذكرة وكتبت (طوال عمري أسمع باللامبلاة واليوم تعرفت عليها في نفسي وبالرغم انه تمت خطبتي ع شخص لا أحبه وسيكون موعد لباس الخواتم بعد أسبوع ولقد إشريت فسان من دون النظر إليه، لطالما كانت جميع الفتيات تفرح إذا إقترب موعد خطبتهن، إلا اني أشعر بالمبلاة في كل شيء، ولكني أفعل ما أفعله من اجله فقط ولدي إستعداد كامل ع التضحية بحياتي من أجله.)
وسكرت الكراسة ورقدت.
أنت تقرأ
الحب يفعل المعجزات 🥹
Misteri / Thrillerرواياتنا اليوم مختلفة عن بقية الروايات فهي تجمع بين أمور كثيرة مابين (الحب، الطموح، الغدر، الطمع، الإنسانية، الغرور) وكل هذه المواضيع وأكثر فلكل شخص صفته رواياتنا تحكي عن فتاة.: اسمها حور تمتلك ملامح بيضاء عيون واسعة شوية لونهم عسلي، شعرها طويل...
