أسيل: بابا قال لماما خلي مؤيد يجيء غدوة وقعد يمدح فيه انه شاب كويس ويشكر فيه 🥹🩵
أسيل ترقص وتغني
((عريسي جاني مرحبتين عريسي جاني، عريسي جاني وفى عهده وماخلاني 💃🏻💃🏻))
حور صايخة بالضحك
حور: ربي يكلملكم ع خير
أسيل: أمين ياارب حي خلي نمشي نكلمه
حور: إجري كلميه خلي يرقص حتى هو 😂😂
رقدت حور
خشت أسيل لدارها
مؤيد: ألووو
أسيل بدموع: مؤيد
مؤيد مخلوع
مؤيد: شن في ؟
أسيل بخنقة: بابا قال لا ؏ موضوعنا
مؤيد بحزن: علاش؟
أسيل: قال صغيرة ع زواج
مؤيد: مستعد نراجيك العمر كله ونبات ع عتبه حوشكم لين بوك يوافق
أسيل: الله بس انت مش مطر دير هذا كله
مؤيد بعدم فهمم: علاش؟
أسيل: بابا وافق وغدوة يراجي فيك
مؤيد بفرحة: بالحقق مالا علاش الفيلم هذا كله؟
أسيل: باش نشوف ردة فعلك
مؤيد: قلبي كان حيوقف
أسيل: تستاهل
مؤيد: نهون عليكك؟
أسيل: لا وسكرت الخط
رقدوا كل الأبطال في سلام مع أحلام معبية حبب 😍😍
_________________♡
ناضت حور كالعادة وتت روحها وإمشت للمستشفى
لقت دوشة وشوشرة
حور بإستغراب: صباح الخير شن في؟
الممرضة: صباح الخير دكتور فراس طلب نجتمعوا كلنا
حور في سرها: زعما شن في؟
طلع فراس وكان شاد مايك في يده
فراس: صبااح الخير جميعا، طبعا خلوني نقول لكم علاش جمعتكم اهني اني نبي نحكي لكم شوية حاجات ماتعرفوهاش طبعا أنا كنت الدكتور العصبي المغرور يلي شايف روحه ومايحبش الغلط والكل يخاف مني لأني عصبي وفي فترة قصيرة جت حور الكل انصدم من تغير معاملة دكتور فراس العصبي إلى الحنين، وهذا كله صار في فترة قصيرة، وحسيت بتغير هلبا حاجات لما خشت حور حياتي وحبيتها وإعترفت لها اني في البداية كنت فاهم الحياة غلط كنت أولا: نحساب ان الحب مش موجود وموجود في الخيال بسس، ثانيا: نحساب البنات كلهم زي بعض يحبوا القنين والغني، خلي نكمل بعد الإعتراف طول خطبت حور ودرنا البيان وحددنا العرس والكل سمع وبعد البيان كل شيء تغير وبوي طلع متع مخدر*ات وهلبا منكم قال ان حور سيبتني غ خاطر هذا الموضوع، بس لا حور ضحت بحياتها وسعادتها ع خاطري، إسمعوا القصة.... وأمس والحمد الله وبنعمته تتم الصالحات كان بياني أني وحور، وقدامكم ونبيكم تشهدوا ع كلامي اني تغيرت بفضلها وفهمت الحب والحياة بفضلها هي قدرت تغير فيا هلبا حاجات، وعرفت المعنى الحقيقي للحب وأني مستحيل نسيبها حتى لو طلبت مني الشيء هذا
وعيط بأعلى صوت نحبكككك حور
كلهم صفقوا، وحور عيونها دمعوا، وباركوا لهم ودعوا لهم ربي يكمل ع خير
(( بجد كلنا محتاجين حد يحبنا زي فراس ويكون فخور بينا 🥹🩵))
خشت حور لمكتبها ولحقها فراس
حور: أني نحبكك هلبا يا فراس
فراس: نموت فيك حوري ، يلا عندي عمليات اليوم باي
حور: باي
حور وفراس كانوا عندهم حالات هلبا كملوا المغرب ودعوا بعض وروحوا
حور: شن صار فيك أسولة؟
أسيل: بياني بعد يومين باش عرسي يكون مع عرسك
حور: ربي يكمل ع خير
أسيل: أجمعين
بدرية: خفوا روحكم وتوا للبيان من توة أسيل إمتحانتها بعد، 4 أيام وهاذم يلي حيعلنوا مسيرتها
أسيل: أصلا ماشاء الله عليا ذكية
حور «شكار العروس امها وخالتها»
أسيل: إدوي
قعدوا يحوسوا لين رقدوا
_________________♡
وطول اليومين وهما يوتوا وجيء يوم البيان
إمشت أسيل للمزين والباقي يوتوا
روحت أسيل وكانت طايرة من الفرحة
خشت لبست
طقت حور
حور: الله يبارك طالعة تهبليي
أسيل: وانتي طالعة تأخدي العقل وحضنوا بعضض
بدرية: الله يبارك عليكم الزوز طالعين ماشاء الله
وشوية وبدوا الكلاكس
طلعوا حور وأمها
رحبوا دخلوهم
وشوية وخشت أسيل
فاطمه: محلاك الله وحد عليك
أسيل متحشمة
حور: أول مرة نشوفك متحشمة
أسيل ولا حرف
نزل عليها العقل
وشوية وخش مؤيد
مؤيد: طالعة أية من الجمال يارب أني في حلم ولاعلم لو حلم مانبيش نوض منه
أسيل تضحك: لا علم
ولبسوا بعضض وقصوا التورطة
وطلع مؤيد بالسيف بعد تكشيخ من امه 😂😂
رقصوا البنات وغنوا وكلوا وكل واحد روح لحوشه
______________________♡
كلم مؤيد أسيل
أسيل خشت دارها تجري
أسيل: ألووو
مؤيد: الف الف مليون مبروك علينا وربي يقدرني ونسعدك وربي يكمل ع خير يا عمري
أسيل: يبارك فيك ويقدرني ونسعدك حبيب قلبي ❤
مؤيد: وأخيراااا سمعت كلمة حلوة
أسيل: لأن الموضوع ولا رسمي ، توة معاش تكلمني لين نكمل إمتحاناتي.
مؤيد: ربي يوفقك وتصبحي ع خير
أسيل: قدامك كل خير
_________________♡
جيء الصبح وناضت حور وتت روحها وإمشت للمستشفى
ومشت طوول لمكتب فراس
حور: صباح الورد إستاحشتك
فراس: صباح النور أني أكثر
حور: هانت معاش مازال هلبا ونكونوا مع بعضض
فراس: ايه وقرب منها وسكر عليها بإديه
حور دفاته
حور: مش توة تربى 😂😂
فراس: توة نوريك
طلعت تجري خافت 🥺
لحقها
حور: فراس تربى نبي نخدم لأن طالعة بكري
فراس: علاش؟
حور: بنشوف الفيلو
فراس: اه فيلو خودي راحتك
حور: دكتور فراس أطلع برا
فراس: توة طالع بس حتشوفي حسابك بعدين
حور: تو نشوف 😂
كملت شغلها وجاها ياسر البرا بالسيارة
حور: فراس وين ؟
الممرضة: عنده عملية
وطلعت حور وركبت السيارة
______________♡♡
شن رأيكم في البارت؟ ❤❤🌸
اهم شي عندي تفاعلكم يا بنات نحبكممم 🥹🫂❤
أنت تقرأ
الحب يفعل المعجزات 🥹
Mystery / Thrillerرواياتنا اليوم مختلفة عن بقية الروايات فهي تجمع بين أمور كثيرة مابين (الحب، الطموح، الغدر، الطمع، الإنسانية، الغرور) وكل هذه المواضيع وأكثر فلكل شخص صفته رواياتنا تحكي عن فتاة.: اسمها حور تمتلك ملامح بيضاء عيون واسعة شوية لونهم عسلي، شعرها طويل...
