الحب يفعل المعجزات 🥹

part 2

في اليوم التالي
ناضت حور وتت روحها بكل نشاط وطلعت من دارها قالت لها تعالي أفطري قالت لها لالا ماخاطريش وطلعت خشت لمكتبها وقعدت تخمم تبي سبلة باش تشوف فراس وقعدت تخمم وجيء فراس وسأل عليها قالوا انها جت إمشي لمكتبها من دون أي تفكير ودق ع الباب، قالت حور تفضل،  خش فراس قال صباح الخير دكتورة، قالت له بحب صباح النور  ، قال لها طالعة حلوة، وجها ولا أحمر، فراس قلبه دق هلبا اما شاف جمالها كيف متحشمة، قالت بخجل هذا من ذوقك 🥺
قال لها عن اذنك خلي نشوف مريض أمس ونطمن عليه، قالت له تمام بالتوفيق،  قال لها أجمعين، وطلعت حور من مكتبها ونزلت وقتها كان في دوشة لوطا لما نزلت قالوا لها في حالة ولادة مستعجلة دكتورة، قالت لهم شن الوضع؟  قالوا لها المرأة في شهرها السابع وصارلها ولادة مبكرة، قالت لهم تمام جهزولي غرفة العمليات، جهزت حور روحها وخشت وبكل حماس وحب بدت وقالت «بسم ﷲ الرحمن الرحيم»
وقدرت بعد جهد جهيد تنقض الام والطفل، اول ماطلعت حور الطفل وسمعت صوته حضناته وحست شعور غريب ودموعها نزولوا لا إراديا واعطت الطفل للمرضة وكانت وقتها بنت، قالت حور ماشاء الله زي القمر، سجدت حور سجود شكر لربها، وكملت باقي العملية من دون أي خسائر وطلعت وقالت لعيلة المرأة إنها ولدت بنت زي القمر وهي والبنت بصحة جيدة ولحظات ونطلعوها لغرفتها،  فرحوا، وحور كانت فرحانه هلبا اتصلت برحمة «طبعا رحمة صاحبة حور» وحكت لها على يلي صار، رحمة فرحت هلباا ان أول عملية لصاحبتها كانت مبشرة بالخير مع انها كانت خطيرة شوية، وسكرت حور الخط، وإمشت لفراس وكانت تبي تشاركه فرحتها، طقت ع الباب،  قال فراس تفضل، خشت حور وكانت فرحانة هلباا، قال لها فراس دووم الضحكة بس نقدر نعرف السبب؟ قالت له طبعا، حكت له ع كل شيء وهو فرح لها هلباا ،  وقال لهاا بداية موفقة دكتورة، إبتسمت وقالت له فرحت هلباا اني قدرت ننقض الأم والطفلة، قال لها حطي هدفك دائما قدام عيونك وحتنجحي بإذن الله، قالت له ع فكرة نرتاح هلباا لما نتكلم فيك، إبتسم وقال لها ع فكرة حتى أني، طلعت حور وإمشت تتطمن ع مريضتها،  لقتها فاقت من البنج قالت لها الحمدلله ع سلامتك، إبتسمت وقالت لها الله يسلمك دكتورة بارك الله فيك  ، قالت لها فيك بارك الله هذا واجبي، قالت لها إنتي الدكتورة الوحيدة يلي قدرت تنقض طفلتي، قالت لها إمشيتي لعيادات قبلنا ورفضوا يخشوا عليك؟ قالت لها لالا أني حملت قبل بنتي خمسة مرات وكل مانوصل للسابع يصير معااي نفس مصار اليوم والكل يقولوا كان عندنا حلل واحد إما حياتك او حياة طفلك، قالت لها حور بس هذا غلط حتى الأطفال ليهم حقق في الحياة وأني درت جهدي باش نقدر ننقضكم انتم الزوز والحمد لله هذا بفضل الله وحده، وخش راجل المرأة وكانوا عيونه دموع وقال لحور انتي ملاك مش إنسان، فرحت حور هلباا من كلامه، قالت له هذا من ذوقك واني مادرتش غير واجبي،  قالت لها المرأة شن إسمك دكتورة؟ قالت لها «حور» قالت لها إسمك يجنن وبنتي حنسميها عليك وبإذن الله حتكون زيك، إبتسمت حور وقالت لها بإذن الله حتكون أحسن مني وربي يحفظها ويرعاها ولو إحتجتي شيء أني موجودة،  قالت لها بارك الله فيك دكتورة ماقصرتي، طلعت حور ولقت فراس واقف ع الباب، قالت له من أمتى واقف ؟   قال لها من لما قلتي «غلط حتى الأطفال ليهم حقق في الحياة»  قال بالفعل انتي ملاك يا حور انتي مختلفة عن الكل إهني، تحشمت وقالت وعيونها دموع هذا من ذوقك، قال لها باهي علاش الدموع، قالت بضحكة ثأترت الله غالب 😂، جت الممرضة وقالت لحور دكتورة في مريضة تسأل عليك،  قالت لها حور تمام ثواني بسس، قالت لفراس عن إذنك وأعطاته  بالظهر، قال لها حور 🥹 إتلفتت قالت نعم، قال لها«خليك زي ما انتي وماتتغيريش مع تغيير الزمان والناس»  ضحكت وقالت حاضر، خش فراس لمكتبه وجاه مؤيد قال لها ياصاحبي رااك متغير ميه وثمانين درجة، قال له أوووف علاش؟  قال له بديت تسرح هلباا وحنين هلباا 🙂، قال له لشن تبي توصل؟ 🤨، قال مؤيد انت تحب الدكتورة حور؟  قال له بضحكة يا راجل بلا كلام فاضي، قال له مافيش حد يعرفك زيني، قال له لا مافيش شيء عندي شوية مشاكل وتنحل،  قال له ان شاءلله خير بس تفكر لو تبي تحكي أنا موجود تمام،  قال له تمام عارفك كفوا،  قال له يلا خلي نمشي لخدمتي عن إذنك. قال له الإذن معاك.
___________________________
عند حور: خشت لمرأة الجايبة طمنت عليها اني مروحة توة لو تبي شيء إتصلي بيا اني حوشي جنب المستشفى، قالت لها تمام، قالت لها حور هذا رقمي  خليه معااك يلا تصبحي ع خير، قالت لعا قدامك الخير ماقصرتي دكتورة، قالت حور ولو هذا واجبي.
طلعت ووصلت حور الحوش حكت لأهلها ع يلي صار اليوم وبوها كان أكثر واحد فخور بيها تعشوا وخشت حور لدارها،جتها  اسيل قالت لها كيف حال دكتور فراس؟ قالت لها حور انت مالك وماله حاله كويس، قالت لها غرتي ولا شنو؟ ضربتها حور بالوساده قالت لها تحشمي انا اختك الكبيره يا بنت، قالت لها اقعدي فيها اني طالعه، قالت لها احسن، طلعت اسيل وطلعت حور مذكرتها وكتبت( اليوم كان يوم مختلف عن بقيه الايام فقد حصلت معي اشياء كثيره جعلتني سعيده اليوم اول ما حصل معي انني اجريت اول عمليه ولاده ولوحدي وكانت ولاده مبكره وخطيره ولكنني تمكنت بفضل الله ان انجح واستطعت انقاذ الأم والطفل وباذن الله سوف انقذ كل الامهات والاطفال وأكون  الأمل لهم جميعا وايضا قد أسموا الطفلة الجديدة على اسمي «حور» وتمنوا ان تكون مثلي وشكروني شكرا اعجز عن وصفه والتعبير عنه وايضا قال لي الطبيب الجراح الذي كتبت عنه سابقا أني بالفعل ملاك وأني مختلفه عن الجميع وقال لي« ابقي كما انت ولا تتغيري بتغير الظروف والزمان» اعجبني حقا  كلامه فأنا اشعر بان يومي ناقص ان لم اتحدث معه اصبح جزء من حياتي في أقل فتره ممكنه ولا اعرف كيف اتوقف عن التفكير به  فهو انسان مميز ولربما  تميزه  هذا هو ما جعلني اعجب به.)
سكرت مذكره رقدت وهي تفكر في فراس. 🥹🩷
__________________________
عند فراس: كان يفكر فيها بس كان خايف من مشاعره ويحاول يهرب ويخلق اعذار انهامش مختلفة ولا شيء وإنها زيها زي أي بنت ورقد.
__________________________
وفات أسبوع تقريباً من دون أي أحداث وحور وقتها تأكدت من مشاعرها تجاه فراس وطلعت المذكرة وكتبت ( لربما الموضوع الذي سوف اكتبه اليوم كان يجب علي الاعتراف به وكتابته من قبل انا حقا اعجبت بالطبيب الجراح الذي يدعى في« فراس»  احببته من اول نظره وتعلق قلبي به كثيرا واصبح جزءا من روحي ولكني كنت اكابر واليوم تاكدت اني احبه ولكني اخاف من هذا الحب لاني اخاف ان يكون حبا من طرف واحد وان لا يكون من نصيبي فاتحسر عليه وافقد الامل وتضيع حياتي ولكني احبه ولا استطيع التوقف عن حبه فاصبح الحياه باكملها بالنسبه لي ليتني امتلك الشجاعه الكافيه لاستطيع اخباره بذلك ولكني لا امتلكها وسابقى احبه حتى من بعيد فالحب الصامت انقى انواع الحب ولكنه يعذب صاحبه فيا رب يوفقني لما تحب وترضى.) 
__________________________
عند فراس: خلاص قرر أنه بالفعل حب حورو شاف فيها الشيء اللي ما شافهاش عند حد وقرر غدوة الصبح يعترف لحور بكل شيء  ، رقدوا أبطالنا بكل سلام وحب
_________________________
وجيء الصبح ناض فراس وكان متحمس يكلم حور ويقولها ع مشاعره تجاها،  ناضت حور وإمشت المستشفى وخشت لمكتبها وقعدت تفكر في فراس وقررت تمشي له وهي طالعة تلاقت مع دكتور محمد وقال لها يبيها في موضوع قالت له تفضل، وقعدوا يهدرزوا ع باب المكتب وجيء فراس وكان فرحان بس شاف حور واقفة وتضحك مع محمد 💔إنصدم 😮ودموعه نزلوا 💔💔«مسكين فراس» وإمشي
حور شافته وكانت تبي تمشي له بس هاتفها رن وكانت أسيل وردت حور ألووو، أسيل وهي تبكي حور انتي وين؟  حور اني في المستشفى، أسيل تمام حنجيك، حور تمام ان شاء الله خير  وسكرت الخط،  وحور كانت خايفة ع أختها وتراجي فيهاا 💔🥹
__________________________
عند فراس:  خش لمكتبه ولوح كل شيء وقعد يبكي😭 💔زي البيبي بحرقة ويقول أني الغبي يلي حبيتها ووثقت فيهاا وعقله كان يقوله مش من الاول قلت لك زيها زي غيرها 💔، خشت أسيل وخبطت في مؤيد وطيحت منه الورق، قالت له أسفة🥺، مؤيد كان متعصب بس لما شاف جمالها ودموعها وقداش بريئة 🥹. قال لها عادي مافيش مشكله بس علاش الدموع؟  قالت له صايرة معاي مشكله، قال لها لو ماعنديش عملية بعد خمسة دقائق مستحيل مستحيل نخليك في الحالة هذه 💔، قالت لا موفق عن إذنك، تنهد مؤيد وقال الله محلاها «بداية حلوة لمؤيد بسس كاسر قلبي فراس 💔مش قادرة نفرح مع مؤيد 🥹»
خشت أسيل لحور وتلوحت في حضنها 🫂، حور خيرك أسيل 💔؟ 
أسيل حور تعرفي شن صار اليوم في وحدة حطتلي روج والمديرة هزبتني تحسابه متاعي، قالت حور بنبرة حنينة جاهلة لأنها ماتعرفكش كويس اني يلي نعرفك مستحيل إنك تديرها صحح لسانك طويل 😂😂بس أختي محترمة وبعدين عي عمياء وحدة حلوة زيك علاش بتحط روج أصلا «العسسسل الصافي مايستحقكش سكر 🥹»  ضحكت أسيل، قالت لها حور أيواا هكي أضحكي وخلييك قوية 🥹 وجت الممرضه وقالت لحور في حالة لوطا تسأل عليك، حور قالت لأسيل الحوش طوول لما نروح نهدرزوا وخلي الموضوع بيني وبينك، قالت لها حاضر باااي، قالت بايات، وصلت حور أسيل للباب وكملت حور شغلهاا، وإمشت لمكتب فراس دقت الباب بس ماردش وخشت وكاانت الصدمة 😮😮
زعما شن شافت حور 🥹
ع خاطركم كتبت اليوم
غدوة نكمل ان شاءلله
دعكمكم وتفاعلكم مهم يا بنات 🥹🩷🫂