فاتح: لا حرام فراس ولدك
أمينة: شن كذبت الكذبة وصدقتها؟
فاتح: أول ماولد جيء لعندك وكأنك أمه
أمينة: مروة هي أمه
فاتح: مش حنسمح بالشيء يلي صار معاي يصير مع ولدي
أمينة بهزوة: شن بدير؟
فاتح: صحح أمي جبرتني نأخدك ع خاطر بوك وفلوسك ع خاطر مروة من عيلة عادية بس عمري ماحبيتك ومش حنسامحك لأنك خشيتي بيني وبين مروة
أمينة: انتي يلي خنتني مع مروة
فاتح: لا أني مادرت شيء يغضب الله تزوجت ع سنة الله ورسوله وربك أراد ان تموت شهيدة وهي تولد
أمينة: ههههههههههه، خلي نقولك السر بسرعة قبل ليتم وقت الزيارة عييت من الدسان
فاتح: سر شن؟!
أمينة: يا حرام قصدك مصدق انها ماتت شهيدة
فاتح بغضب: شن قصدك
أمينة: أني بإيديا خنقتها بالوسادة وهي قبل لنقتلها وسطتني نحافظ ع ولدها ضحت بحياتها ع خاطر فراس
فاتح يعيط: يا شيطانة يا مريضة
أمينة: خلي نزيدلك من الشعر بيت أني يلي دبرت مأمرة المخدرات مع خوي
فاتح قرب وكان حيخنقها بس شاف الشرطي وخر
أمينة: متخافش حتلحق مروة وبعدكم فراس
فاتح يعيط: فراس لالا لا لا
ضحكت وطلعت
طلع فاتح وقعد يتجرى في الشرطي يعطيه يتكلم وبعد جهد جهيد وافق
خدي الهاتف رن ع فراس
فراس: ألووو
فاتح: أني بوك إسمعني في موضوع لازم نقولك عليه أمينة ورا كل شيء حور تحبك برا أمنعها تتزوج
فراس: ألوو من معاي مانسمع في شيء
وإتسكر الخط
حط فراس نقاله وطلع لغرفة العمليات
فاتح حاول بس مافيش رد
الشرطي: يلا خش ياسر
فاتح مهموم: تفضل
فاتح كان متأكد ان أمينة حتبتعت حد يقتله كان طول الليل صاحي
_____________________
عند حور
كانوا يغنوا ويحنوا فيها وهي ولا ع بالها كانت تردد في جملة واحدة في سرها (فراس لو مكنتش ليك مش حنكون لغيرك)
روح فراس للحوش وقعد يبكي 😭بحرقة وطلع كل الكتمان يلي كان كاتمه الأيام يلي فاتت
_________________♡
فاتح كان فايق وجاه راجل هجم عليه وبعد عراك خش المو*س في بطن فاخ
فراس كان راقد جاه إتصال من المستشفى
انه لازم في حالة خطيرة ومافيش ولا دكتور إلا هو رد عليهم
فراس طلع من دون مايخلي حد يحس عليه
ووصل للمستشفى ونصدم لما لقاه بوه
دار فراس العملية ونقوله لغرفة عادية
وخش لمكتبه ورقد لا شعوريا ع الكرسي
جيء الصبح
ناض فراس مشي لبوه
فاتح: في موضوع مهم لازم نقولك عليه
فراس: ارتاح توة بعدين قول
فاتح: صدقني مش حنرتاح لين نقولك
فراس: نسمع فيك
فاتح: حكي كل شيء
فراس مصدوم
فراس: ياه قداش تحملت حور ع خاطري
فاتح: برا خلي حور توقف العرس مازال الساعة 8 مازال وقت ع الفاتحه
فراس طلع يجري وطلع نقاله باش يكلمها ولقي مسج منها
(( السلام عليكم فراس اريد اخبارك باني لم احب احد مثلك احببتك لحد الجنون بل عشقتك احببتك حبا لا استطيع وصفه احببتك اكثر من نفسي وابتعدت عنك لاجل مصلحتك وجعلتك تكرهني لكي لا تتالم بعد بعدي اقسم اني تألمت كثيرا عندما ألمتك كنت اتمنى الموت ولا ارى دمعه من عيونك الجميله كنت مجبره على فعل هذا وان عرفت السبب ستعذرني يا حبيب قلبي كنت أتألم كثيرا عندما كنت ترفض النظر لعيناي كنت اموت في اليوم مليون مره حاولت نسيانك ولكني لم استطيع فعل ذلك اقسم لك اني سأبقى احبك وعاهدتك في غيابك ان لن اكون لغيرك حتى بعد موتي سيبقى حبك الورد الذي يزين قبري لا تبكي على فراقي فانا لا احب ان تكون حزينا، أدعوا أن يجمعنا الله في الأخرة، كن بخير أحبكك.))
____________________♡
فراس انهار كليا لما شاف الرسالة ركب سيارته وطلع بسرعة
عند حور:
بدرية: أسيل بري نوضي حور
أسيل: هي ع طول
وأول ماخشت قعدت تعيط ولقت حور غرقانة بالد*م
قعدت تعيط
دق الباب مشت بدرية فتحت
فراس يعيط: حور حور
وخش لدارها لقاها غرقانة بالد*م
جيء سامي
سامي: شن دير انت اهني
فراس: مافيش وقت للدوة حور تن*زف ولازم نسعفها
سامي: خيرها حور
أسيل بصوت مخنوق: حور انت*حرت
خدي فراس حور وحطها في السيارة وطلعوا معاه
فراس طول الطريق يبكي
فراس: حور ماتسيبنيش في هلبا كلام لازم نقولك عليه
خش فراس طول لغرفة العمليات مع حور
عيلة حور يراجوا البرا وكانوا خايفين
محمد: شن في شن صاير مع حور؟
سامي بدموع: حور حاولت تنت*حر
طلع فراس لقي محمد
جاه سامي
سامي: طمني يا ولدي
فراس: حور تعدت مرحلة الخطر وخسرت هلبا دم وأني طالع بنعطيها دم
فراس ركز ع محمد
فراس: انت شن تدير إهني؟
محمد بثقة: حور خطيبتي واليوم كانت حتكون مرتي
فراس بهزوة: لو تبيك ماكنتش دارت هذا كله يا فالح وأني مستحيل نخلي حور تضيع مني فاهم
محمد مشيء وخلاه
سامي كان حاسس بالندم يحساب روحه هو السبب
لأن جبر حور تسيب فراس
فراس زاد حور الدم ونقلها للعناية
جيء مؤيد
مؤيد: شن صاير أني كنت في غرفة العمليات وسمعت ان حور حاولت تنت*حر
فراس حكاله كل شيء
مؤيد بصدمة
مؤيد: معقولة أمك مش أمك تي الأم يلي ربت مش يلي حابت
______________
أهم شيء تفاعلكم يا بنات نحبكممم 🥺🫂
أنت تقرأ
الحب يفعل المعجزات 🥹
Детектив / Триллерرواياتنا اليوم مختلفة عن بقية الروايات فهي تجمع بين أمور كثيرة مابين (الحب، الطموح، الغدر، الطمع، الإنسانية، الغرور) وكل هذه المواضيع وأكثر فلكل شخص صفته رواياتنا تحكي عن فتاة.: اسمها حور تمتلك ملامح بيضاء عيون واسعة شوية لونهم عسلي، شعرها طويل...
