حور: في موضوع مهم لازم نقولك عليه
فراس: خير
حور: ع فكرة أنا عمري ماحبيتك ولا حنحبك
فراس: ههه حور بلا جو توة
حور: أما جو يلي كان بينا هو الجو
إنصدم
فراس: حور أني مش فاهم شيء
حور: أولا أني ماحبيتكش ويلي كان بينا هو عبارة عن عناد بيني وبين البنات وأني قدرت نطيحك وإنت كنت طعم ساهل وحبتني بسهولة يا فالح كنت نبي نكمل معاك ونسيبك يوم الزواج باش تكون كسرتك أقواا بس بعد كسرة بوك حتكون الكسرة كسرتين وحتكون لوحدك
فراس: معقولة هذا كله يطلع من واحدة بريئة زيك
حور: إنت يلي إنخدعت فيا يا فالح وكنت واحد مهزب وصدقت إني حبيتك
عيط عليها وإنهار وكسر كل شيء 💔💔
حور كانت بتبكي بس شدت بروحها
حور: محلاك وانت مكسور
فراس: عيط أطلع برا يا شيطانة
طلعت حور وكانت منهارة خدت شنطتها وطلعت تجري وأسيل وراها تبكي وقلبها متقطع ع أختها
وصلت حور للحوش
خشت دارها وسكرت الباب وإنهارت بالبكاء
وفراس كذلك كان ضايع ونادم ع كل حرف قال لها ع حبه ليها وإنكسر كسرة قوية
حور كل ماتتفكر كلامها ليه تنهار وقعدت تعيط وطيحت كل شيء وأهلها البرا يدقوا عليها وخايفين عليها وهي رافضة تفتح
سامي: خلوها بروحها هي مسألة وقت وحتنسى هي تصرفت صح
وأسيل كانت تتقطع من الداخل ع خاطر حور
____________________
عند فراس
روح للحوش وقعد يعيط وإيلين إستغربت اول مرة تشوف خوها مكسور وضعيف خافت وكلمت حور
حور كانت تبكي وردت بصوت مخنوق ألووو
من معاي؟
إيلين: اني إيلين حور في حاجة صايرة مع فراس؟
لانه خش وكانت حالته حاله اول مرة نشوفه بهذه الحالة وضعيف لهذه الدرجة
حور شدت دموعها بالسيف
حور: مانعرفش أسألي خوك وسكرت
إستغربت إيلين من تصرف حور
إيلين: غريبة خيرها حور؟
حور نهارت بالبكاء
حور: سامحني فراس درت يلي درته ع خاطرك
_____________________
أمينة: فراس أفتح
فراس: خلوني في حالي
أمينة في سرها: مسألة وقت وتنساها وتولي فراس القديم وهكي حنقدر نمشيك كيف مانبي
إيلين كانت متألمة هلبا ع خوها
وأسيل بعد مارقدوا كلهم
طقت ع حور
أسيل: حور افتحي أني أسيل
ناضت حور وكانت حالتها حاله من البكاء
أسيل: يا عمري علاش ديري في روحك هكي؟
حضنت حور أسيل 🫂🥹
حور: علاش فرحتي ديما ناقصة علاش أني بس يصير معاي هكي لما فرحت وقلت حصلت شخص يحبني في لمح البصر إمشي وسيبني علاش؟ إنهارت بالبكاء
أسيل وعيونها دموع «عسى أن تكرهوا شيئا وهو خير لكم»
ان شاءلله فراس حيكون من نصيبك ياحور والحب حينتصر في النهاية
حور: يارب يسمع منك يا أسيل
حضنت حور أسيل 🫂 ورقدت وهي في حضن أسيل
أسيل في سرها: يارب هون ع قلبهاا
___________________
عند فراس:
كان نادم هلبا ع حبه لحور وعقله يقوله ريت في النهاية كلهم زي بعضض
فراس: علاش هكي يا حور؟ 💔💔
وقعد يتفكر في لحظاتهم مع بعضض
فراس: معقولة حتى النظرات كذب هذه طلعت ممثلة
وقعد يعيط ومن كثر العياط رقد لا شعوريا
__________________
جيء الصبح
ناضت حور وتمنت انه يطلع كل شيء كابوس وبدلت ونوضت أسيل وطلعت باش تمشي للمستشفى
سامي: حور
حور: نعم
سامي: كيف مازال لابسه الدبلة مش خلاص انتهي كل شيء
حور يصوت مخنوق: تو نحيها
سامي: توة نحيها وبري جيبي البضاعة خلي نردها
نزلوا دموعها لا اردايا
حور: حاضر
وطلعت أسيل ودموعها نزلوا وجعتها أختها هلباا
أسيل في سرها: يارب هون ع قلبهاا
أسيل: حور أني طالعة لو صار شيء كلميني طول
حور: تمام
وخشت توتي في الحاجات باش يرفعهم بوها
وقعدت تتفكر كيف قالها فراس خلاص الدبلة وصلت مكانها معاش نبيها تتحول من يدك وكيف يقولها راك تسيبني وردها عليه إنها مستحيل نتحي الدبلة وحتلصق فيه لأخر العمر
كانت تتمنى الموت ولاتنحي الدبلة
وحطت كل شيء الا سنسلة كان فراس هاديها لحور.
فلاش باك:
(حور في المكتب تشتغل وخش عليها فراس
حور: إستاحشتك
فراس: مش أكثر مني بالمناسبة عندي ليك هدية
حور بحماس: شن هي؟ فضوول
فراس: غمضي عيونك
حور: تمام
فراس: أفتحي عيونك
حور: الله تهبللل يخليك ليا
فراس فرح لما شافها فرحانة
«الهدية سنسلة فيها حور وفراس وبينهم حب»
فراس: ردي بالك تنحيها من رقبتك حتى لو صار شيء وياسمح الله إنفصلنا وتقدري تنحيها في حالة واحدة وهي لما تحسي روحك خلاص معاش تحبي فراس
ضحكت
حور: الله لايقدر حنقعد معاك لين نشيبوا وبعدين حبي ليك مالا نهاية🥹
فراس ضحك
فراس: نحبك 🥹🩷)
إنتهى الفلاش باك
حور: ياريت كل شيء يولي زي مكان ومست السنسلة ودستها في رقبتها من الداخل
حور في سرها: صح سيبتك بس انت حبي الاول والأخير
وطلعت الحاجات لبوها
بدرية: ربي يعوضك خير
حور: يلا اني طالعة
وصلت المستشفى وقعدت تسأل ع فراس بطريقة غير مباشرة وسمعت الممرضات يقولوا ان دكتور فراس واخد إجازة وهذه أول مرة دكتور فراس يأخد إجازة من لما بديء خدمة ماعمره خديء إجازة.
حور: عرفت انها كسرت فراس كسرة قوية وإمشت لمكتبها وقعدت تبكي لانها كسرت حب قلبها فرع💔💔
وخدت الهاتف ورنت ع أمينة
أمينة: تفضلي
حور: كيف حال فراس ؟
أمينة: وبصفتك شن تسألي ؏ حاله؟
حور: صح قدرتي تبعديني ع فراس بس مستحيل نبطل نحبه وتوة قوليلي كيف حاله؟
أمينة: شوية ويوصلك فيديو فراس وشوفيه
وسكرت
صوت إشعار ماسنجر
حور فتحت الفيديو وقعدت تبكي
الفيديو «فراس كان يعيط ويكسر في كل شيء ويقول علاش حور حرام عليك»
بعتت أمينة فويز
«متخافيش عليه هو قوي نحب نقولك جهزي روحك لان فراس حينتقم منك ويكرهك أنسة حور»
حور إنهارت بالبكاء
حور: يارب هون عليه وأرحم قلبه💔💔
ع خاطركم نزلتها بكري 🥹🫂
تفاعلكم أهم شيء يا بنات نحبكمم 🥹
أنت تقرأ
الحب يفعل المعجزات 🥹
Mystery / Thrillerرواياتنا اليوم مختلفة عن بقية الروايات فهي تجمع بين أمور كثيرة مابين (الحب، الطموح، الغدر، الطمع، الإنسانية، الغرور) وكل هذه المواضيع وأكثر فلكل شخص صفته رواياتنا تحكي عن فتاة.: اسمها حور تمتلك ملامح بيضاء عيون واسعة شوية لونهم عسلي، شعرها طويل...
