خشت حور ولقت الفوضى في المكتب قالت هذا شن وشن صاير إهني؟!
فراس: شيء مافيش شيء
حور: شن صاير معاك؟
فراس: حتى حاجة
حور: مش ع اساس ترتاح لما تتكلم معاي يلا إحكيلي
فراس: ماعنديش نيه في الكلام
حور: تمام خليك توة بس بعدين حنولي تمام
فراس في خاطره: مفلحك فيه التمتيل
___________________________
جيء الليل وقتها حور كانت عندها منوابة كلمت امهاا
حور: ماما اني عندي مناوبة اليوم
بدرية: تمام ربي يعاونك
وسكرت الخط
طلعت حور باش تجيب قهوة ولفت إنتباها مكتب فرلس مفتوح والضيء يشعل خشت
حور: خيرك مازال ماروحتش؟
فراس: عندي منوابة وانتي؟
حور: زيك اممم مدام الوضع هكي قولي حقا خيرك مضايق من بكري ناض من ع الكرسي
فراس: انتي السبب في يلي أني فيه توة
حور إتفجأت تحسابه يبصر
فراس: كيف تقدري تكوني زي الحرباء وتغيري شكلك؟
إهني تأكدت انه يدوي جديات 💔💔
حور: فراس مش فاهمه؟
فراس: وقفك اليوم مع محمد وضحكك معاه شن تسميه؟
إنصدمت 😮😮
حور: اولا هذا زميلي، ثانيا هو جيء يستشير فيا بخصوص حمل أخته لأنه بدت تابع عندي وبنتها ع أساس اليوم جاية معاها ويبيني لما نعالجها مانوضحش شيء قدام بنتها لأنها ذكية أكثر من اللازم وماتبيش حد يأخد مكانها وان أمها حتوضلها كل شيء في الوقت المناسب وأما ع الضحك ضحكت لأن بنت عمرها خمسة سنين مدايرة الرعب لولدها وأنها ذكية بالرغم من صغر سنها وبسس وياريت مانحكمش
ع الناس من غير ماتعرف الحقيقة.
وجت بتتطلع شدها من يدها
فراس: قعمزي
وجيء قعمز قدامها.
فراس: نبيك تسمعيني للأخر .
حور: تمام.
فراس: أني لما شفتك مع محمد مانعرفش شن صارلي جنيت وحسيت روحي ضعيف وإني خسرتك، تعرفي خلي نقولك ع سر عمري ماقلته لحد حتى أعز صاحب ليا مؤيد انا لما كان عمري سبعة سنين بدت المشاكل بين أمي وبوي وكانت المشاكل قوية هلباا وأمي كانت تأخد فيا ونمشوا لحوش جدي وتقعد بالشهور حرجانة وبعدين ولت ولما ولا عمري 9سنين بدوا المشاكل أكثر من قبل وأمي رفعت حوايجها وخلتني مع بوي وانا وقتها كنت طفل ضايع ما نعرفش شيء غير اني نبي حنان وحب بس ما فيش لا من الام ولامن الاب وبعد اربعه سنين بوي رد امي على اساس ع خاطري وقعدت معاه شهرين وحرجت وقتها أمي كانت حامل بأختي وجابتها غادي وبعد ماكبرت إلين ولا عمرها تسعة شهور وقتها عمري 14سنة ولت أمي واني خلاص اني تعودت ع قلتها وخديت ع روحي ومن صغري تأكدت انه مافيش حب والحب موجود في الخيال بس، ولما كبرت وخشيت الثانوي ولوا عندي مبدئين لا غير، الاول ان الحب مش موجود والثاني البنات كلهم زي بعض خفاف لما يشوفوا ولد حلوو وغني وإمشيت هكي لين عرفتك وشفتك ومانكذبش عليك في البدايه حاولت
إنقنع روحي انك زيك زيهم بس طلعتي مختلفه وطلعت غالط
وقت جيت وقررت نعترف لك بحبي ريتك مع محمد وقتها حسيت إني ضعيف لأن إمشيت بقلبي للمرة الأولى، وعقلي كان يقولي مش قتلك من البداية، عشت في صراع بين قلبي وعقلي💔😔حور أني نحبك ونموت فيك ونبي نتزوجك إنتي غيرتي فيا هلبا حاجات،
حور إتفجأت
فراس: مش ضروري تردي عليا توة خودي وقتك
حور: عيونها دموع وبصوت مخنوق وأنا إنحبك فراس
فراس وقتها قريب طار من الفرحة
فراس: أمسحي دموعك مانحبش نشوفك تبكيي
حور: حاضر ومسحت دموعها
فراس: اني نبي نكلم بوك في أسرع وقت
حور:قالت له تمام أعطيني وقت نقول لماما تقوله
فراس: عندك يوم واحد بس
حور بضحكة: تمام
دعكمم مهم هلباا يا بنات 🥹🫂
أنت تقرأ
الحب يفعل المعجزات 🥹
Mystery / Thrillerرواياتنا اليوم مختلفة عن بقية الروايات فهي تجمع بين أمور كثيرة مابين (الحب، الطموح، الغدر، الطمع، الإنسانية، الغرور) وكل هذه المواضيع وأكثر فلكل شخص صفته رواياتنا تحكي عن فتاة.: اسمها حور تمتلك ملامح بيضاء عيون واسعة شوية لونهم عسلي، شعرها طويل...
