سامي: شن مشت الامور؟
بدرية: الحمدلله وأب فراس يبجيك الخميس
سامي: ان شاءلله ربي يقدم يلي فيه الخير
بدرية: ان شاءلله
أسيل: بابا ماما تعالوا العشي واتي
تعشوا مع بععض
وخش كل واحد لداره
بعتت حور مسج لفراس«رقدت»
فراس «لا نراجي نسمع صوتك قبل النوم»
إتصل بيها
حور: ألووو مساء الخير
فراس: مساء العسل شن إديري؟
حور: كيف كملنا الحوسة ومقعمزة ع سريري وانت؟
فراس: كيف تعشيت وقعمزت ع سريري نفكر فيك
ضحكت
حور: شن رأي أهلك بيا؟
فراس: قالوا شينة ودره الكبد وخصوصا القفطان متع البقرة يلي لابساته يحسابوا ولدهم حيتزوج بقرة
سكرت حور في وجه الخط وحطاته في الحظر ورقدت
فراس: حاول أكثر من مرة بس تأكد إنها حطاته في الحظر
فراس في سره: مجنونة وربي لمجنونة 😂ورقد
__________________________________
جيء الصبح
طلعت حور مستعجلة للمستشفى لأن خدتها نومة ووصلت وهي داهشة وخشت لمكتبها كان معبي ورد «جوري أحمر»
وهذا كان ورد حور المفضل.
قعدت تضحك ولقت ورقة ع المكتب فيها «صباح الحب لحبيبتي الزعلانة وأنا أسف هلبا سامحني حبيبك»
ضحكت
وطلع فراس وراها
فراس: اكيدة سامحتيني 🥺
حور: نقدر نزعل منك أني 🥹
فراس: أيوااا كده وبعدين أمي وإيلين ماتوا فيك وقالوا زينة البنات.
حور: والله حتى أني حبيتهم هلباا
فراس: أأكثر مني؟
حور: تحشمت
حور: لا أكيد 🤭
فراس: يلا عندي عمليه توة نحبك
قعدت تضحك
وصورت المكتب وبعتت الصور لرحمة
وإتصلت بيها
رحمة: ألووو
حور: شن رأيك في الصورة يلي بعتهالك؟
رحمة: يجنن المكتب
حور: فراس يراضي فيا
رحمة: ضحكت سلمه نسيبنا
حور: رحمة أكيدة موعد بياني حيكون قريب نتوقع فراس حيقول الخميس الجاي ولازم تروحي من لندن
رحمة: نحاول
حور: مش تحاولي تعالي
رحمة: ان شاءلله
وسكرت الخط
وشوية وبدوا الحالات هلبا ع حور تخش حالة تطلع حالة
ومن بين الحالات حور تعاطفت مع حالة ليها عشره سنين متزوجة ومحرومة من الصغار
المرأة: كل مانمشي لمكان يقولوا إنه مسألة وقت
حور: اني حنبدأ معاك في كورس العلاج
المرأة: يارب ع إيديك نحمل
حور: خليها ع ربيي وان شاء الله
المرأة: ان شاءلله ياارب
حور: غدوة تعالي ونبدوا في العلاج
فراس كان يراجي البرا باش يشوف حور
وطلعت المرأة وأخيرا حور فضت
فراس: معقولة نبي موعد باش نشوفك
ضحكت
حور: الله غالب زحمة اليوم
فراس: نحس فيك مضايقة؟
حور: ايه
فراس: إحكيلي
حور: قعدت تحكيله ع حالتها وقداش وجعتها
فراس: ربك كريم انتي ديري يلي عليك والباقي ع ربي
حور: ان شاءلله
فراس: ع فكرة البيان يوم الخميس الجاي والعرس بعد شهرين
حور: كنت متوقعة البيان يكون الخميس بس عرس بعد شهرين شوية
فراس: إحمدي ربك عندك شهرين اني حوشي واتي وكلي واتي إلا انتي خلاص إحجزي الصالة والأمور هذه
حور: تمام
فراس: أيوا كده
حور: تعبت اليوم أني بنروح وانت؟
فراس: مازال طالع بعد نص ساعه
حور: باي نتلاقوا
فراس: باي
______________________
وصلت حور للحوش
بدرية: تعالي تغدي
حور: لالا مخاطريش
خشت حور وصلت العصر
وطلعت حور
حور: إحكت لهم ع موعد البيان والعرس
بدرية: شن رأيك نطلعوا نشوفوا قفطان بيانك؟
أسيل: فكرة
حور: مازال بكري
بدرية: انتي ذوقك صعب من صغرك زمان في حوايج العيد تعبي فيا و خوتك كلهم يشروا الا انتي تقعدي لأخر رمضان نوضي خلي نطلعوا
حور: تمام هيي
وتوا روحهم وهما طالعين لقاهم سامي
سامي: وين ع خير؟
بدرية: نبوا نشروا قفطان لحور
سامي: حور خودي الفلوس هاذم
حور: لا يابابا صحيت عندي
سامي: أني بوك ومسؤول عليك حتى لو خدمتي حتقعدي حور الصغيرة 🥹
ضحكت وعيونها دمعوا
حضنت بوها 🫂🫂
جت أسيل
أسيل: زيدوا نبي مكان حتى أني
ضحكوا وحضنوا بوهم 🫂🫂
وطلعوا.
وكل لما يوروا لحور قفطان
حور: إخي مش حلو
بدرية: قلقلت وروحوا
وحور ماخدتش شيء
بدرية: غير شن هالذوق يلي عندك؟
حور: الله غالب
وتوا حور و أسيل العشاء وتعشوا
وقعمزوا في الصالون
سامي: حور شن حصلتي قفطان؟
حور: لا كلهم مش حلوات 🤭🤭
بدرية: انتي يلي ذوقك صعب
شوية وجت أسيل جايبة الشاهي والمكسرات
شربوا وضحكوا وهدرزوا وبعدين كل واحد خش لداره.
حور: خشت ع النت بالك تحصل قفطان
وشوية وإتصل فراس
حور: ألوو مساء الورد
فراس: مساء النور شن إديري؟
حور: ندور في قفطان للبيان
فراس: اممم حصلتي؟
حور: لا مافيش شيء حلو
فراس: معقولة مافيش شيءحلو؟ 😳
حور: الله غالب ذوقي صعب
فراس: مالا هي 🥱تصبحي ع خير ودوري بالك تحصلي
حور: قدامك كل خير
قعدت حور تدور وبعد جهد جهيد عجبها قفطان وحجزاته ويوصل بعد يومين .
سكرت الهاتف ورقدت
_______________________
جيء الصبح
وكالعادة ناضت حور وتت روحها
ووصلت للمستشفى
وخشت لمكتبها وإستغربت كيف فراس مجهاش
إتصلت بيه
حور: وينك؟
فراس: في المكتب
حور: غريبة خيرك مجيتش
فراس: مش بوي اليوم جايكم قلت اكيدة كل مايجيكم حد من عيلتي حتغيبي
ضحكت
حور: لا تعالى ماغبتش
فراس: ع طوووول
شوية وخش فراس
فراس: صباح الورد
حور: صباح العسسل
وهدرزوا مشوار
حور: حقا حصلت قفطان
فراس: وريني
حور: لا تو تشبحه عليا
فراس: متأكد ان القفطان حيحلى بيك مش انتي يلي حتحلي بيه 🥹🩷
حور تحشمت
حور: هذا من ذوقك 🥹
فراس: يلا عن إذنك
طلع وكملت حور شغلها
وشوية وحور إمشت لفراس
حور: اني طالعة
فراس: ردي بالك على روحك حبيبتي ❤
حور: وانت يلا باي حبيبي 🥺
فراس: باي
______________________
وصلت حور للحوش ولقت فاتح مقعمز مع بوها
وتت القهوة ودخلهت ياسر
سامي: ولدك فراس ماشاء الله عليه وأني مش حنلقى حد خير منه لبنتي
فاتح: والله بنتك غيرت في ولدي هلبا حاجات
وتفاهموا ع المقدم والمؤخر وموعد العرس
وتمت الفضانية ع خير
_____________________
وفاتوا الأيام وحور وعيلتها يجروا مايدروا يوتوا لهذاكا البيان
وفراس إستاحش حور موووت
وجيء اليوم المنتظر
إمشت حور للمزين وباقي العيلة يوتوا
أول ماخشت للمزين
المزينة: ماشاء الله ماتستحقيش مكياج
حور: هذا من ذوقك
حور: نبي حاجة سمبل
بالفعل دارت لها لمسات مكياج بسيطة تسريحة بسيطة
وإتصل بيها فراس
حور: الوو
فراس: إستاحشتك 🥹
حور: حتى أني
فراس: يلا هانت اليوم حنشوفك
وسكروا الخط
____________________
وروحت حور للحوش وخشت تجري لدارها وسكرت بالمفتاح باش مايجيش حد يشوفها لين تلبس القفطان
وطلعت القفطان كان (لونه وردي وكان منفوخ وكم ومفتوح جهة الصدر) وكان طالع عليها خيال 😍🥰
________________________
عند فراس
لبس بدلة سوداء وكان طالع فيها طرفف 😍
__________________________
طقت بدرية ع حور
فتحت حور الباب
بدرية: عيونها دمعوا عندي ليك مفاجأة
حور: شن؟
وخشت رحمة
حور: وأحلى مفاجأة
وحضنوا بعض
رحمة: مستحيل نفوت يوم مهم ع صاحبتي 🥹
بدرية: عيونها دموع الله بنتي كبرت وولت عروس
حور: علاش الدموع؟
جت أسيل وكانت طالعة أية من الجمال حتى هي
أسيل: واو طالعة تهبليي
حور: وانتي تطيري العقلل
وشوية وسمعوا الكلاكس
طلعوا بدرية وأسيل ورحمة إستقبلوهم ورحبوا بيهم
وشوية وجت حور سلمت عليهم
كلهم فتحوا فمهم من جمالها
وشوية وخش فراس
وحور ولا وجها زي الطماطم 🤭
فراس: نقولك سرر
حور وهي متحشمة: قووول
فراس: طول عمري نحساب أميرات ديزني من الخيال لين شفتك حور متأكدة إنك حقيقة يارب كان حلم مانبيش إنوض منه
حور تحشمت
حور: واقعع فراس
ولبسوا بعض الخواتم وقصوا التورطة مع بعض وشوية وطلع فراس.
ورقصوا البنات
إيلين: ربي يهنيكم لين خفت عليكم من العين
جوا بنات العيلة لحور: محلاه وين حصلتيه عنده خوت
حور بغضب: لا ماعندناش
وكلوا ورقصوا
أمينة: ربي يكمل ع خير يا غالية 🥹
حور: أمين
وتم البيان وكل واحد روح لحوشه
_____________________
إتصل فراس بحور
حور: ألوو
فراس: االف مليون مبروك علينا وربي يكملنا ع خير حوري 🥰
حور: حور الله يبارك فيك أمين يا عمري 🥰
فراس: حور نبي منك وعد
حور: تفضل يا عيوني 🥹
فراس: ردي بالك تسيبيني في يوم من الأيام
حور: مستحيل حنلصق فيك لين نكرهك حياتك
ضكك 😂😂
فراس: أيواا هكي الصحح
فراس: توة يلا ع النوم
حور: تصبح على خير
فراس: قدامك كل خير
وسكرت الخط🥹
________________
أنت تقرأ
الحب يفعل المعجزات 🥹
Детектив / Триллерرواياتنا اليوم مختلفة عن بقية الروايات فهي تجمع بين أمور كثيرة مابين (الحب، الطموح، الغدر، الطمع، الإنسانية، الغرور) وكل هذه المواضيع وأكثر فلكل شخص صفته رواياتنا تحكي عن فتاة.: اسمها حور تمتلك ملامح بيضاء عيون واسعة شوية لونهم عسلي، شعرها طويل...
