خافت حور هلبا يكون صاير شيء مع فراس قاعده تخمم انه يصير له شيء من بعد نسمع خبر خطبتها
وشوية سمعت حور دوشة وكانت قوية هلبا والكل كانوا متجمعين
نزلت حور
حور: شن في؟
الممرضة: دكتورة قالوا ان فيه حادث خطير صاير قبل شوية ومن قوة الحادث لين إمشت سيارة الإسعاف باش تسعف المصاب
وشوية وصلت سيارة الإسعاف
واول ماخش المصاب كان فراس
حور شافت فراس وإنصدمت وقعدت تعيط فراااااس لالا
وقعدت تجري مع السرير وتقول لدكتور بالله عليك انقده حرام عليكم هو مالحقش يفرح بي منصبه
قعمزت حور جنب باب غرفة العمليات وتبكي وحالتها حالة 💔
جيء مؤيد وشاف حور كيف تبكي إنصدم من حالة حور وكيف كانت منهارة كليا ع خاطر فراس
مؤيد كان خايف هلبا ع فراس ويبكي
شوية وطلعت الممرضة
الممرضة: نبوا دم ضروري
حور: أني نعطيه دمي AB سالب
مؤيد: اني دمي A+
الممرضة: دم الدكتورة حور مناسب لان نفس الفصيلة
إمشت حور لبنك الدم
_______________________
وصلت أمينة و إيلين
إيلين كانت منهارة كليا ع خاطر خوها💔💔
أمينة كانت تتصنع في الخوف لانها أنانية وماتحبش غير روحها
عند حور
الممرضة: لازم تترتاحي دكتورة
حور: لا مافيا شيء
الممرضة: بس مرات تدوخي
حور ناضت تجري
وإمشت لغرفة العمليات
أمينة إنصدمت من حالتها ووضعها
إمشت تجري تسأل ع محمد
الممرضة: دكتور محمد عنده عملية خطيرة معطل
أمينة في سرها: الحمدلله مش حيشوفها
حور منهارة وتبكيي
وجت أسيل
تلاقت مع مؤيد ع الباب
أسيل: كيف حال فراس
مؤيد وعيونه دموع: قاعدة في العمليات انتي من قالك؟
أسيل: لما طلعت إيلين تبكي عرفت
مؤيد: تمام وقعد يبكي 😭
أسيل: ع فكرة فراس قوي وحيطلع منها ويكون موجود بينا أكيد
مؤيد وعيونه دموع: ياارب 💔💔
أسيل: ع فكرة شكلك مش حلو لما تبكيي
مؤيد: ضحك
أسيل: أيواا هكي حلووو 🥹
مؤيد: من وين طلعتيلي انتي؟
أسيل بضحكة: من الثانوية
مؤيد: لا قصدي علاش كل مانشوفك نفرح لا شعوريا
أسيل إتحشمت فهمت ع شن يحاول يلمح
أسيل: وين حور؟
مؤيد: جنب باب غرفة العمليات
امشت أسيل لحور
حور حضنتها
حور: تبكي اني السبب يا أسيل
أسيل: لا ياحور هذا قضاء وقدر
حور: كله من محمد لما علن ع الخطوبه فراس عصب ودار الحادث
وشوية وطلع الدكتور
الدكتور: فراس قاعد في مرحلة الخطر أدعوا له ولازم يقعد 24ساعة في العناية
حور انهارت ومشت تجري لمكتبها ولحقتها أسيل
وشوية وخش محمد
مسحت حور دموعها
أسيل: اني أسيل أخت حور
محمد: اهلا تشرفنا
أسيل: ولو الشرف ليا
محمد: سمعتي بفراس دار حادث؟
حور: ايه 💔
محمد: حور الساعة 12
حور: والمطلوب
محمد: بتروحي وانتي اليوم هذا حد دوامك
حور: لا دكتورة أسماء عندها منوابة وأني شادة عليها عندها ظروف
محمد: تمام تبي شيء كلميني
حور: تمام
أسيل: حضنت حور
أسيل: يلا مع السلامة تو نقولهم انك منوابة.
حور: تمام
______________________
طلعت أسيل
واول ماطلعت كان زوز يعا*كسوا فيها
أسيل خافت 💔
مؤيد كان خاطم بالصدفة شافهم ونزل عطاهم طريحة نباش القبور فش غله فيهم
أسيل: مؤيد خلاص حيموتوا بين ايديك.
مؤيد يكشخ: علاش خاطمة من الطريق هذه؟
أسيل: من يومي نروح منها وبعدين انت شن جابك اهني
مؤيد: الدكتور وصاني ع دواء لفراس ومش موجود في المستشفى طلعت ندور فيه البرا لقيت الرئيسي زحما قلت خلي نطلع من بين الحياش والحمد الله خطمت وريتك
أسيل: مشكور
مؤيد: هذا واجبي
أسيل: باي ومشت
شدها من يدها
مؤيد: أني نوصلك
أسيل: لا والله
شدها بالسيف وركبها في السيارة
وأسيل خايفة يشوفها حد
أسيل: تمام نزلني هني
مؤيد قاعد واقف لين خشت للحوش.
_______________________
فاتوا ساعات وجيء الليل
نزلت حور للعناية وخشت لفراس
حور: أني نحبك وربي نحبك ودرت هذا كله عشان خاطرك اني مستعدة نموت عشان خاطرك يا عمري
فراس نوض متعاقبنيش هكي نوض عيط وخبط لو تعرف علاش درت هكي حتعذرني
شوية ووقف قلبه
حور تعيط
جيء الدكتور
ودار صدمة وزاد ثاني مافيش إستجابة
(ومات فراس
هههه نكذب نلعب بأعصابكم 😂💔)
حور: فراااااس
ورجع قلبه ثاني للنبض
طاحت حور من طولها
فاقت لقت روحها ع سرير
حور: أني ويين؟
الممرضة: انتي دختي وجابوك هني
ناضت حور
الممرضة: لازم تترتاحي
حور: اني كويسة
خشت لغرفة العناية ولقت فراس مهناش
حور طلعت تعيط
حور: فراس وين؟
الممرضة: وضعه مستقر ورفعوه لغرفته
حور: أه اه الحمدلله
فرحت وإمشت لمكتبها وكانت تطلع تراقب فيه وتولي للمكتب لين رقدت ع الكرسي لا شعوريا
________________________
جيء الصبح
مؤيد: صباح الورد والياسمين الحمدلله على السلامة يا صقر
فراس: صباح الورد الله يسلمك يا غالي
مؤيد: تعرف حو...
فراس: مانبيش نسمع إسمها هي ماتت بالنسه لياا 💔💔
حور كانت واقفة ع الباب وسمعت كل شيء وشدت دموعها بالسيف وإمشت لمكتبها دق الباب
حور: تفضل
كانت الحالة يلي ليها عشرة سنين ماحملتش
المرأة: كيف الحال تفكرتيني
حور: الحمدلله يا سلام ، تفضلي
المرأة: درت تست وطلع(+) وخفت يطلع غلط
حور: بري ديري تحليل وهاتيه معاك
المرأة: درته توة في المختبر متعاكم
حور: هاتيه شن تستني
المرأة: تفضلي
حور: فرحت الف مبروك حاامللل
المرأة قعدت تبكي وسجدت طوول
حضنت حور
المرأة: هذا بفضلك
حور: لا كله بفضل ربي
المرأة: أطلبي سن تبي؟
حور: إدعيلي بس ربي يعطيني يلي في بالي
المرأة: ربي يعطيك لين يرضيك ويفرح قلبك ❤❤
حور: ياارب
طلعت المرأة
حور طلعت فرحانه وماشية جهت مكتب فراس «متعودة تقول كل شيء لفراس»
فتحت المكتب لقاته فاضي وفاقت ع عقلها 💔😔
لقاها محمد
محمد: شن سبب الفرحة هذه؟
حور بفرحة وهي تضحك هلبا وهو يضحك ومش فاهم شيء
فراس كان طالع يتمشى وشافهم ومن حرارة الغيرة كسر طاسة المياه بين إيديه
محمد: حور شن في؟
حور: حكت له ع كل شيء
محمد: ربك كريم
ركزت حور ع فراس
فراس لما حس ان حور حست عليه دار روحه مش مهتم
حور: في سرها عندك الحق ماتطيقش تشوف وجهي.
ان شاءلله عجبكم بارت اليوم ❤
تفاعلكم أهم شيء يا بنات نحبكممم 🥹❤❤
أنت تقرأ
الحب يفعل المعجزات 🥹
Mystery / Thrillerرواياتنا اليوم مختلفة عن بقية الروايات فهي تجمع بين أمور كثيرة مابين (الحب، الطموح، الغدر، الطمع، الإنسانية، الغرور) وكل هذه المواضيع وأكثر فلكل شخص صفته رواياتنا تحكي عن فتاة.: اسمها حور تمتلك ملامح بيضاء عيون واسعة شوية لونهم عسلي، شعرها طويل...
