جت رحمة
رحمة: الحمدلله على السلامة سمعت مخر
حور: الله يسلمك
أسيل: ماما وين؟
حور: مشت للحوش بتجيب لي شوية حاجات
خش فراس وتراجع لما شافهم
أسيل: تعالى إحني طالعين
فراس: تمام
طلعوا البنات
فراس: أختك تفهم وديما تساعد فيا 😂😂
حور: ايه
فراس: استاحشتك
حور: أني أكثر
فراس: تعرفي حاولت هلبا نطلعك من بالي وتفكيري بس ماقدرتش لأن حبي ليك كبير هلبا
حور: كنت نتألم لما كنت تتجنب النظر لعيوني ونقول شكله معاش يحبني 🙂
فراس: كنت خايفة نضعف قدام عيونك يا حوري
حور: الله قداش كنت خايفة معاش نسمعها منك كلمة «حوري» 🥹❤
إبتسم
فراس: نحبكك ونموت فيكك حوري 🥹
حور: وأني نحبكك
فراس: امم من توة ومن غير رفض تفاهمت مع عمي سامي
ان البيان بعد يومين والعرس بعد شهر لأن معاش نقدر نتحمل أكثر من هكي لو عليا نأخدك طول من غير شيء
حور: ههه ولا أني مازال نتحمل البعد عليك
قطع عليهم دقان الباب
حور: تفضل
فراس: زعما بوك؟
حور: بابا يخش طول مش حيخلي لك مجال تقعد معاي 😂
فراس: رسمي
خشت إيلين
إيلين: الحمدلله على سلامتك حور
حور: الله يسلمك يا قلبي
فراس: اني طالع
حور&إيلين: تمام
إيلين: متحشمة هلبا منكك
حور بإستغراب: علاش يا عيوني؟
إيلين: ع يلي دارته أمي
حور: انتي شن دخلك وبعدين انتي أختي
إيلين: حبيبتي ربي يكمل ع خير ونفرحوا بيكم ونرتاحوا
حور: يااااارب
___________________♡
روحت حور، وروح فراس
عند فراس:
فرحان بأبوه هو وإيلين وتوا العشاء وتعشوا وهدرزوا وضحكوا.
إيلين: 🥱🥱 تصبحوا ع خير بنرقد
فاتح&فراس: قدامك كل خير
فراس: نبي نشوف أمي ونبي نعرف إسمها
فاتح: حاضر
فاتح: هذه صورتها وإسمها مروة
فراس: ياه أني طلعت نشبه أمي هلباا
فاتح: صحح
خدي فراس الصورة
فراس: تصبحح ع خير
فاتح: قدامك كل خير
إمشي فراس لداره
___________________♡
عند حور:
كانت حايسة في روحها توتي للبيان ودور في قفطان وصالة للعرس
العيلة كلها فرحانة لأن حور فرحانة ورجع لها الشغف
(( مش غير هما حتى إحني فرحانين 🥺))
حور: أسيل لوحي النقال وتعالي عاوني أختك
أسيل: دقيقة
أسيل: حور في موضوع مهم لازم نكلمك فيه
حور: خيير؟
أسيل: من غير عياط إسمعي للأخر
حور: خير
أسيل: حكت ع قصتها مع مؤيد
حور بصدمة: ثلاثة شهور يا ظالمة 🙂
أسيل: أس أس نقصي صوتك وبعدين انتي وفراس كلمتوا بعضض.
حور: أني وفراس غير لأن في نفس اليوم يلي إعترفلي فيه قلت لبابا طوول
أسيل: هو كان يبي يكلم بابا بس أني رافضة الفكرة قلت خلي يفوت عرسك لما كنتي بتتزوجي محمد مؤيد قالي قلت لفراس وفراس قاله يراجي لين يفوت بيانكم وبعدين ساهل
حور: أه قصدك هذا علاش قلتيلي خايفة فراس يقولي
أسيل: لا والله ماخطر ع بالي بس الفتره الماضية كلها وانتي في عالم تاني
إتصل فراس بحور
حور ناضت خشت دارها
حور: ألوو مساء الورد حبيبي
فراس: مساء الحب روح قلبي
حور: ديما غالبني في الكلام
فراس: باش تعرفي بس 😉شن إديري؟
حور: شيء كنت نحوس ونوتي في روحي للبيان وشفت قفطان ع النت وشفت صالة للعرس
فراس: تاري حوري متحمسة أكثر مني
حور: أكيد ومن هذه اللحظة حنستغل كل لحظة معاك
فراس: الله الله ع الرومانسية
حور: ههه مبردك
فراس: تفكيري البارد هو يلي إختارك
حور: وأحلى بارد
فراس: هذا غزل ولا شتم؟
حور: أفهمه كيف ماتبي
فراس: صار هكي
حور: ايه
فراس: بري أرقدي وزي مايقولوا «الصباح رباح »
حور بضحكة: تمام تصبح على خير 😍
فراس: قدامك كل خير
وسكروا الخط
وطلعت حور المذكرة وكتبت( طيله الايام الماضيه كنت اكتب بحزن لكن اليوم مختلف عن بقيه الايام لأني اشعر اني سأطير من الفرح لأن كل شيء عاد كما كان لربما كان كل هذا امتحان من الخلق الرحمن والحمد لله الان حبنا إنتصر في النهايه فيارب تمم لنا على خير وقر أعيننا ببعض.)
وسكرت ورقدت .
________________♡
جيء الصبح وتت حور روحها وإمشت لمكتب فراس ولقاته قاعد مجاش وإمشت لمكتبها وأول مافتحت طاح عليها الورد والمكتب كان كله ورد وطلع فراس من بين الورد
فراس: صباح الحب والعشق
حور: صباح العسل ياعسل
فراس: عجباتك المفجأة؟
حور: تهبللل يخليك لياا
فراس: بس انتي أحلى من كل شيء
حور بخجل: يا عيوني ❤
فراس: تعرفي مهما صار مستحيل نسيبك حتى لو تجيء تطلبي مني
حور: أني غبية نقولك سيبني؟
فراس: ايه غبية لأنك درتها قبل وسكتي ع الحق.
حور: حرام الواحد يدير حاجة ع خاطرك
فراس: إنبصر خلاص
حور: نحبكك هلبا فراس
فراس: نموت فيك يلا عن اذنك عندي عملية
حور: موفق مدام اتصبحت عليا حيكون يومك حلو
فراس: ماشاء الله ع الثقة من أمتى؟
حور بضحكة: من اليوم
فراس: لازم نطلع ومانبيش لكن عن إذنك
حور: برا لعماليتك يا عيوني ❤
فراس: تقول في كلام رومنسي وتبيني نطلع
حور: دكتور فراس مع السلامة 😂🥰
فراس: هكي كويس مع السلامة
حور كانت ميتة من الضحكك
شوية وطلعت حور
شافت محمد
محمد: الحمدلله على سلامتك
حور: الله يسلمك
محمد: يلا عن إذنك الطيارة حتفوتني
حور: طيارة شن؟
محمد: مسافر كندا
حور: توصل بالسلامة وأني أسفة
محمد: ولا يهمك
ومشي، وخشت حور مكتبها
___________
ان شاءلله عجبكم البارت 🩷🥹
أهم شيء تفاعلكم يا بنات نحبكممم 🥺🫂
أنت تقرأ
الحب يفعل المعجزات 🥹
غموض / إثارةرواياتنا اليوم مختلفة عن بقية الروايات فهي تجمع بين أمور كثيرة مابين (الحب، الطموح، الغدر، الطمع، الإنسانية، الغرور) وكل هذه المواضيع وأكثر فلكل شخص صفته رواياتنا تحكي عن فتاة.: اسمها حور تمتلك ملامح بيضاء عيون واسعة شوية لونهم عسلي، شعرها طويل...
