(١٥)
#لتطيب_نفسي ( #روحي_تعاني٤)
بقلم آيه شاكر
-بس... بس بقا كـــــــفـــــايــــــة... اطلعوا بره انتوا الاتنين... بــــــــره.
قالها حاتم وهو يدفع حازم تارة وكريم تارة أخرى نحو باب الشقة، فتوقفا الإثنان وصاح حازم بنبرة حادة:
-إنت متعصب عليا أنا ليه! عاوزني أعمل إيه بعد الكلام اللي قاله!
-تــــســــمــــعـــه.
قالها حاتم بنبرة مرتفعة، فصاح حازم وهو يشير نحو كريم:
-أسمع إيــــــــه! دا كذاب... عامل زي الثعبان الأصفر إنسان خبيث... هو السبب في تعب قلبي زمان وجاي يكمل عليا... أكيد غيران مني...
هدر به كريم:
-حمـ ـار! إنت حـ ـمار وغـ ـبي أنا الحق عليا كنت فاكرك عقلت وهتفهمني.
وبغضب اندفع حازم نحوه وهو يصر على أسنانه قائلًا:
-برده بتغلط!
وقبل أن يصل إليه وقفت نجمه أمام كريم، ورفعت إحدى يديها بوجه حازم قائله:
-كفايه لو سمحت ومتقربش خطوه زياده.
وقف حازم مكانه وحدج نجمه بنظرة لوم وعتاب وحنين ثم نكس رأسه ولم يحرك ساكناً، فنظرت نجمه لكريم وسألته:
-إنت قولتله ايه؟!
أطرق كريم وصمت، فرفع حازم رأسه وقال بأنفاس متسارعة:
-جوزك بيحاول يقنعني إن أسماء مراتي هي اللي نشرتلك الصور زمان... ردي إنتِ عليه... قولي...
صمتت نجمة وأخذت تبدل بصرها بين كريم وحاتم ثم حازم وحاولت تدارك الموقف بأن قالت له بنبرة مرتعشة:
-لأ كريم فاهم غلط... مش أسماء مراتك...دا... دي واحده تانيه اللي عملت كده واسمها أسماء برده و... وأكيد كريم اتلغبط...
نظرت بعيني كريم وسألته:
-صح يا كريم؟!
التمس كريم في نظراتها الرجاء والتوسل، فزحف ببصره ينظر لحازم وملامحه الحادة الغاضبة، بينما كررت نجمه سؤالها، فنظر لها وقال باقتضاب:
-يلا نمشي...
جذبه حازم من ذراعه هادرًا:
-مش هتمشي إلا لما أعرف مين اللي عملت كده! ومين أسماء التانيه دي؟
سحب كريم ذراعه بقـ ـوة وقال باصرار:
-مفيش أسماء تانيه... مراتك اللي عملت كده.
صاحت نجمة:
-كـــــــــريــــــم...
لم يلتفت لها وخرج من الشقة وتبعته نجمة في حين وقف حاتم يمسح وجهه بغضب ويحاول تهدئة أخيه الذي صاح:
-كــــــــــذاب... وحقــــــود... بكـــــرهـــــك.
تبعتُ نجمه وزوجها أنا ووالدتي وابنتهما التي كانت تشاهد ما يجري وهي تمسك جلباب أمي بخوف...
أمسكت نجمه ذراع كريم ووقفت قبالته، قالت بخيبة أمل:
-دي الأمانه اللي صونتها؟ دا السر اللي حلفت إنه مش هيخرج.
قال والغضب عالقًا بملامحه:
-اسكتِ إنتِ مش فاهمه حاجه.
ابتلعت نجمه غصة حلقها وقالت بحسرة:
-فهمني... فهمني إنت إيه اللي حصل لأني فعلًا مش فاهمه حاجه!
أنت تقرأ
(لتطيب نفسي) الحكاية الرابعه من سلسلة روحي تعاني (مكتملة)
Romanceجلست مكاني أحملق بالفراغ شاردة، فقد ساقت أمي تراب الأرض ليقنعني بهذا الحاتم! خالتي وعمتي وجدتي، وجيراني، وصديقتي، ووالدي وصديقه حتى أصبحت أسير في شارعنا فيوقفني صاحب البقالة بقوله: -إيه يا إيمان لسه محيره أمك ومش موافقه على العريس! يا بنتي دا دكتور...
