بنت الجار🍁مكتملة🍁

🍁الجزء 9🍁

🍁بــنــت الــجــار🍁

🍂وتظل سرا بين الورق وقلبي......يقرءونك سطرا وانت بداخلي رواية..🍂

بـــقـــلــــم : Zineb ezz

__________________الـــجزء التاسع _______________

الكوزينة كتبلن بحال دازت عليها شي معركة حديثة العهد. الكونطوار كان عامر بالمواعن، طباسل والزلافات مدكسة فوق بعضياتها بحال شي جبال صغير من الفوضى. الماء كان مدفك على الكونطوار، مشكل برك صغيرة تلمع فوق سطحو، والرغوة كانت كتتموج بحال سحاب أبيض كيغطي سماء زرقاء. الكونطوار كان بحال مرآة مشروخة، كل قطعة فيه تعكس لقطات من الكارثة لوقعت للتو.

كان ݣالس فوق كرسي مربع يديه وجهو حمر بالأعصاب وعروقة راسو برزو كيسوط بغضب هو حاضي أنس لي خاشي راسو وسط ماعن في لاڨابو كيغسل فيهم هو واحل غي كيخشي وسط رغوة وحط معارفش يغسلهم ، شاف في رضا بي برائة تيحاول يأثر عليه ويستعطفو

أنس (بحال باغي يبكي) : خويا رضا العزيز نوض عاون خوك (ساس يدو من رغوة) عاجبك هاد حالة أنا فيها

رضا (كارز عالى سنانو) : هاد حالة تا جبتها راسك مني تا متتعرف دير تا حاجة أش داك دوي

تنهد وملامح وجهو تبدلو لحنان وهو تي تفكر فيها وفي حراكاتها
أنس (بحنان) : وشنو بغيتيني نخلي داك زين كامل ينوض يشقى .

قطب حجبانو بعصبية وزير على قبضة يديه حتى طراساو ضفارو في ايدو تنهد وطلقها وشير بيديه ليه

رضا (بنفرزة) : ايه متخليش زين يشقا واا شقا ناتا دابا (ربع يديه) أسيدي أنا ممعاونكش

تنهد ورجع تيغسل في معان هرس طبسيل ثلات بقا رضا تيشوف فيه مطول كيفاش واحل وناض عندو

رضا (بنفخة) حيد من قدامي حيد متتعرف دير والو

أنس جرو بدا يعنق في وبوس فراسو ورضا تيدفع فيه

أنس (باقي قاجو من عنقو) : شتي نتا رااا تاا

رضا تيدفع فيه حيت قاجو مزير عليه
رضا: صافي صافي طلقنا خلينا نكملو هادشي دغيا

________

كانو ݣالسين في بيت أسيل، لكان مضوي
بنور طبيعي داخل من الشرجم . البيت كان مرتب، وقدام طابلة عليها مراية كبيرة، عامرة بمستحضرات التجميل والعطور.

يسرى كانت واقفة قدام المراية، مركزة فشنو تدير. كانت تتقاد مكياج أسيل لكانت جالسة قدامها، مريحة ظهرها على الكرسي، وعينيها مسدودين.

يسرى (بقلق): ناري صحبتي شفت هادو صوتهم تقطع، عنداك يكونو دارو شي موصيبة في كوزينة

أسيل( بابتسامة ساخرة ورفعات حاجبها): خليهم غا لبغاو شوهة ليوما يديروها.