🍁بــنــت الــجــار🍁
🍂وتظل سرا بين الورق وقلبي......يقرءونك سطرا وانت بداخلي رواية..🍂
بـــقـــلــــم : Zineb ezz
__________________الـــجزء الرابع ______________
على طاولة الافطار ....فين جالس رضى جنب انس اما اسيل و منصف فكانوا مقابلين معاهم
كان هاز كاسو ديال اتاي فيديه كيرشف منو و عينيه على رضا كيشوف فيه بنظرات امتنان و تقدير
منصف (بابتسامة دافئة ): شكرا بزاف أوليدي على البارح، كون مكنتيش نتا معرفتش اشنو كانت غادير بنتي بوحدها فداك ليل.
حط بتي بان لي كانت فيديه ،هز فيه راسو بثقة وبابتسامة بشوشة على وجهو نطق
رضا: ماشي مشكيل (موجه نظراتو لاسيل) أسيل ولات دابا بحال ختي صغيرة، واجب عليا نحميها.
كلمة "ختي" لي تسللات لمسامعها خلاتها تهز راسها بسرعة ناحيتو و ما ان تلاقاو اعينهم بدات كاتكب بالجهد....دقات قلبها تسارعو موازية لتنفسها لي اضطراب
مزيج من المشاعر...غضب و اشمئزاز و احراج....ملامح وجهها سيطر عليهم الاستغراب و الارتباك ...
مستغربة من نفسها لي رفضات تقبل نعتو ليها بكلمة "ختي" رافضة تماما اي صلة جمعها او تربطها بيه
منصف لي شاف فيها و ملامح الخوف باديين عليه حط يديه على ضهرها كيطبطب عليه بحنان و نطق بنبرة قلقة
منصف: غي بشوية عليك ابنتي
انس لي وقف بسرعة وقرب منها كيضرب على ضهرها ضربات خفاف حابس الضحكة
اما رضى فمد يديه لقرعة دلما...كبو ليها فكاس و مدو ليها
رضى(بهدوء): شربي لما
شافت فيه مخنزرة و شداتو من عندو بيدين كيرعشوا، وشربات منو رشفات متفرقة حتا حسات براسها مزيان
أسيل (بابتسامة مصطنعة وهي تحاول تبان طبيعية): شكرا.
عينيه استقرو على عينيها و بلا مايزحزحهم بنطق بنبرة و ملامح هادئة
رضا : ماشي مشكيل ....اختي
و لتاني مرة حسات بيه كيستفزها عن قصد....خنزرات فيه و قلبات وجهها كاتسوط...كارهة تماما ان واحد بحالو بالنسبة ليها شمكار متورط مع العصابات ماخاصوش يشوفها كاخت ليه بل خاصو يدير مسافة بناتهم و مايدخلهاش لحياتو المسخة...شافت فمنصف لي حاضيها باستغراب و رجعات شافت فيه مبتاسمة ابتسامة صفرة خافية موراها اضطرابها
أسيل:سميتي أسيل.
ميل راسو ببطئ بلا مايحيد عينيه من عينيها...نظراتو ليها خلاوها تحس بتوتر غريب...نزلات راسها بسرعة مزيرة على لكاس لي فيديها كاترمش فلفراغ و تفرك فاصابعها بتوتر
رضا: عارف أختي أسيل، أنا رضى.
كملو فطورهم في جو عائلي .... جو مسيطر عليه الصمت والهدوء ....كيتسمع فقط صوت المعالق وكيسان أتاي... ونضرات أسيل لرضا لي عامرة غضب و اشمئزاز ...مرافقين لنضرات إستغراب و إستفهام من رضا ....
أنت تقرأ
بنت الجار🍁مكتملة🍁
Romansa💎مكتملة💎 🚫قـــصـــة قــصــيرة 🚫 بــــــــــــــنت الجــــــــــــــــار ♠my neighbor's daughter ♠ |قصة شعبية من قلب المجتمعI «الان و للا...
