🍁بــنــت الــجــار🍁
🍂وتظل سرا بين الورق وقلبي......يقرءونك سطرا وانت بداخلي رواية..🍂
بـــقـــلــــم : Zineb ezz
__________________الـــجزء الثاني_______________
الخلعة سيطرات على جسدها ... ولكن بقات محافضة على هدوئها مركزة بنظراتها ناحيتو كلما كيزيد يبعد عليها بخطوات ثقيلة ... والرعشة كتزيد تملك قلبها مرافقاها رجفة خفيفة لي سرات على جسدها و شنايفها لي كيترعدو كلما كتزيد تكرز على ايديها ... نطقات بصوت عالي كسر داك الهدوء وتردد بين الحيوط
أسيل: غاسير راه مبقيتش كنخاف ... (هزات ايدها حطاتها على حناكها وقربات خطوة عندو وهي باقا كترعد) ... هادوك لقوالب كنت كنخاف منهم شحال هادي اما دابا حفضتك تاحاجة مبقات كتخلعني منك
رجع لعندها مختازل المسافة لي بدات كتوضاح بينهم ... شد ليها ايديها بجوج لي كانت حاطاهم فوق وجهها وهوما كيترعدو وقربها لعندو
انس : اسيل صافي غير سكتي نتي تعرفي انا غي علمتك لا تصدقي واحلة من بعد
هزات فيه عينيها ونترات ايدها من بين قبضتو ... ورجعات بخطواتها مبعدة عليه وهي كتمايل وكتحاول تشد توازنها بسباب ديك ترعيدة لي كتزيد تشبت بجسدها ...
ضورات عينيها الشاريع لي كان عامر ... فالوقت لي بدا انس كيختافي على انضرها كلما كتزيد تبعد هي خطوة كيزيد حتى هو ... حتى تلاشات رؤيتها ليه.
تكات على الباب ... كتتأرجح خصلات شعرها مع نسمات الهواء ... ضارت وراها وهزات فوطة من على لباب بدات كتمسح فيه بحركات دائرية متناسقة بهستيرية ... كتحيد التراب والغبرة بكل حركة و إبتسامة خفيفة مخلطة مع تعب وذبول على وجها ... كتمسح في الباب وعقلها هايم فكل تفصيل من داك لحدث .
حسات بديك السهوة وهي ضرب على راسها بيديها كتفيق راسها
أسيل : تبارك الله عليك اسيل وخلاص بهاد طيران لي فيك اتبقاي تقلبي عليها حتى تلقايها نتي كابة عليه الما وزيداها بي تفرعين وتخراج العينين (تنهدات تنهيدة طويلة ) ...اوووووف خلعني كنت غنسخف
حسات بديك الخلعة بدات كتبرد ونبضاتها بداو كيرجعو لحالتهم الطبيعية ... رجعات باش تكمل التسياق حتى فجاة تخطف لونها وتلاشات حركتها ... خرجات عينيها بصدمة ووقفات حاطة ايديها على فمها لي حلاتو بالصدمة
أسيل: نااااااري ميمتي عنداك يكون بصح خدام مع المافيا ... (شدات حناكها بين ايديها )اويلاااي هادي لخرة ليا ليوم ياكلو عليا العشا ... (غمضات عينيها ) صافي مخاصنيش نخاف منو معندو ميدير اصلا مدرت والو
بردات على راسها ورجعت تكمل داك دروج لي وحل فيها واخا لحمها كيرجع يبورش كلما متفكر ديك النظرة ديالو
أنت تقرأ
بنت الجار🍁مكتملة🍁
Romansa💎مكتملة💎 🚫قـــصـــة قــصــيرة 🚫 بــــــــــــــنت الجــــــــــــــــار ♠my neighbor's daughter ♠ |قصة شعبية من قلب المجتمعI «الان و للا...
