بنت الجار🍁مكتملة🍁

🍁الجزء 13🍁

🍁بــنــت الــجــار🍁

🍂وتظل سرا بين الورق وقلبي......يقرءونك سطرا وانت بداخلي رواية..🍂

بـــقـــلــــم : Zineb ezz

__________________الـــجزء الثالث عشر _______________

كان باغيها تقدم اعتذار ومتبقاش غير كتشوفيه بغاه يكون بطريقتها الخاصة ولكن هي قدامت ليه فقط النظرات لي كانو كيتغرزو بحال سيوف فقلبو مخليين مشاعر الغضب و الضعف يتسربو ... رامقها بنظراتو الحادة وحجبانو المعقودين كأنو تيحاول يحبس انفعالو ... حس وكأن قلبو تهرس للمرة الثانية ... مرة بسبب الاتهامات الباطلة ... ومرة أخرى بسبب الصمت لواجهو منها ...

أما هي فكانت في عالمها الخاص ... معارفاش كيفاش تواجه هاد الباطل لي حطاتو عليه ... ولا كيفاش تقدر اعتذارها ... موقف ماشي ديما مرة كطيح فيه خاصة انه ماشي مع اي واحد هذا لي قدامها علاقتها بيه خاصة ومعارفاش بزاف على طباعو ... وداكشي لي كانت عارفة عليه كلو صدق غير افكار وهمات بيها راسها ... وهي الان عاد تعرفات على رضا بشخصيتو الحقيقية وعن قرب ...

دموع محبوسين فجفونها مخليين بؤبؤ عينيها كيلمع ... شفايفها كترعد ... وكأنها تحاول تنطق بشي حاجة لكن الكلمات خانتها ... كطلع عينيها مرة مرة بنظرات بريئة وكانها كتقوليها مقاداش نقولها غير فهمها ...

فداك الوقت هو كان ستسلم وضار عطاها بضهر وبدا تيبتعد ببطء حتى غاب على أنضارها ...

دمعة لي عيات تحبس فسها قدامو باش تحافظ على غرورها نزلات على خدها كانت سخونة كانها نزلات من داك الشعلة الغضب لي فلذاخل ديالها مسحاتها بزربة بطرف صباعها ... وكملات كتمسح في وجهها بقوة باطراف كمايمها ... حطات كفها على خدودها لي حرارتهم رتافعات كتحاول تبردهم بايدها ... هزات راسها للفوق و خدات نفس عميق كتحاول تجمع شتاتها ... وترجع قوتها ...

حتا كتزيد خطوة بديك القوة لي جمعاتها وكترجع تضعاف فالخطوة لي وراها من بعد مكتزور عقلها بعض المقاطع كيفاش كانت تتعامل معاه بحقد كانت حاقدة عليه ... وعاد حسات بغلاطها ... كملات طريقها راجعة لدارها عيانة ... باغا غير تنعس ... تمشات بخطواتها ثقال حتا قربات للدار وبان ليها انس وباباها جايين ... ورضا معاهم لي يله تلاقاهم ... مشافش عندها

غي شافت باها حنات راسها الأرض حشمانة منو ... ومن شنو دارت ودموعها تاني بداو تيطيحو ... مشات تتجري عنقاتو ، هو تخلع عليها مني شاف حالتها هكا رغم أنو كان مع

رضا مشا لدارو دوش رجع لاصال ، أنس مشا خدمتو بقات غير أسيل و منصف في دار ، هي غير دخلات مشات نشيان حمام سدات عليها وبقات تتبكي حتى عيات من بعد دوشات حسات براسها رتاحت شوية من بعد دوش لبسات بيجامتها وݣلسات تتنشف في شعرها حتى دق الباب بيت

أسيل (صوتها منغنغ بالبكا) : بابا دخل

دخل منصف وݣلس فوق ناموسية مقابل معاها وهي حانية راسها تتسناه يهضر

منصف (بعتاب) : عارفة راسك شنو درتي ياك (حركت ليه راسها بي إيجاب) ندمانة على شنو درتي (عاودت حركات ليه راسها) لا هضري معايا بغيت نسمعها من فمك

أسيل دموع دغيا تجمعو في عينيها مبقاتش قادرة تحبسهم
أسيل (صوتها مقطع بالبكا) : أه ندمت ، ومشيت عتادرت من البنت

منصف أشار ليها باش تجي تݣلس حداه مشات عندو وهو عنقها كيطبطب ليها على ضهرها

منصف (بحنان) : بنتي الله يرضي عليك منبغيش هادشي يتعاود ، تصرفات طايشة حيديهم منك (هي غير تتبكي) نتي عندي بحال شي بيضة خاصني نحافظ عليك راه كنخاف عليك بنيتي متخليش نبقا نتخلع عليك هاكا ، واش عرفتي فاش قالولي كينا في كوميسارية راه رجلية فشلو عليا الما برد ليا فركابي مبقيتش قاد نزيد ، وزاد كملو عليا مني قالو غتبقاي تم ليلة كاملة. الله يرضي عليك باش نبقاو مزيانين أنا وياك هادشي ميتعاودش

هي غير تتسمع ليه وتتبكي زادت هضرتو كملت عليها ولات تتحس راسها بحال شي ديرية صغيرة طايشة، ولات تتندم في راسها داكشي دارت ولات تتقول علاش مندخلش سوق راسي ونبعد من المشاكل ، لبغا يضارب يضارب ولي بغا يبيع حشيش يبعيع أنا نولي ندخل سوق راسي

منصف مني شافها هكاك غير تتبكي وساكتة خلعاتو حالتها وأصلا مكانتش عجباه مني جاو وهي هاكا ، هو ليها راسها عندو بدا تيمسح ليها دموعها

منصف: بنتي حالتك معجباتنيش واش مقلقاك شي حاجة أخرى همم قولي باباك شنو ضارك بنتي

شافت فيه ببرائة و عينيها تيلمعو بدموع وشهقات تتحاول تحبسهم كيخرجو بلا إرادتها

أسيل (صوتها منخافض غالب عليه بكا) : مغتقلقش مني

منصف زاد جرها عندو خشاها فيه وباس ليها على راسها
منصف: كين شي حد تيتقلقل من روحو همم غير قولي شنو ضار بنتي

هزات عينيها فوق تتحاول تحبس دموعها وبدات تتنش على وجها

أسيل: عقلتي نهار لول لي جينا وفاش خويت على رضا الماء (رجعات بداكرتها لور تفكرات كيفاش كان معصب وتيغوت عليها وهي واخا خوات علبه الما مخلات فيه غا لي نسات وتبسمات وسط دموعها) داك نهار كان قالي أنس بعدي منو را مجرم وأنا تيقت أنس وفاش عتقني من الشفار (تبسمات بإنكسار) طاح مو/س وأنا كان كيسحابلي بلي ديالو و تأكدت راه مجرم من داك نهار ونا كنتعامل معاه خايب بزااف وليوم هضرت معاه وعيرتو وقلت ليه نتا مجرم وكنتي غت/قل داك شفار بم/وس صافي هو قالي بلي مو/س راه ديال داك شفار او صافي

بدات عوتاني تتبكي وتشهق ومنصف بدا كيسكت فيها
منصف: هادشي كامل طاري مفخباريش (مسح دموعها) دابا نتي عارفة راسك غالطة ياك (حركات ليه راسها بآه) وفاش كنكونو غالطين شنو خاص نديرو

أسيل (صوتها باح) نعتادر

تبسم ليها وحرك ليها راسو بآه
منصف: تماما داكشي غديري دابا غتمشي تعتادري منو وأنس حتى يجي ونتفاهم معاه