🍁بــنــت الــجــار🍁
🍂وتظل سرا بين الورق وقلبي......يقرءونك سطرا وانت بداخلي رواية..🍂
بـــقـــلــــم : Zineb ezz
__________________الـــجزء الاول _______________
صوت هاتف مزعج و صاخب كيصوني بشكل متكرر وموتر مماتل لضربات الطبول المتتالية في صخب الحرب محاول بكل قوتو يختارق عالم صمتو ...
هو لي ناعس فوق سرير باسترخاء ....وجهو مضغوط على مخدة بلكاد كيبان جزء من حجبانو المبعترين و لحيتو الخفيفة على خدو .... ضهر عاري اسمر مفتول ....عليه بعض ندوب الحياة لي مازادوه غير جادبية...
ضايرين بيه حوايج عشوائية فوق السرير و على الارض...كتب مبعترة على الرفوف باهمال ...و بقايا الماكلة متناترة على الطبلة الصغيرة لي فوسط الغرفة...
غرفة كاتنبض بالحياة و لكن كاتفتاقر للنظام و التنظيم لي مزال كيقلب عليه هو بنفسو ...
على ايقاعات صوت هاتفو المزعج...كمش ملامحو و حاول يحل عينيه ببطئ مديرونجي من الاشعة المتسللة من خلف الريدو.....
مد يديه المزينة بكورميط رجالية كيقلب على هاتفو فوق الكوافوز لي فجنبو الايمن بعصبية...و هز تيليفونو لي توقف عل الرنين فور ما تفتح الخط...تقاد في كلستو نطق ببحتو الرجولية
رضى: امالنا ياك مكين باس اش هاد صداع راس على صباح
شاب بنيتو الجسمانية كانت قوية ومتينة... من شكلو كتبان احدى الصور الغامضة من هويتو ولي هي عمرو... كيبان انه في البدية دشبابو...
قامتو مستقيمة ... شعرو كحل طايح على جبهتو الشي لكيضيف على المظهر ديالو التمرد و الجاذبية ... لابس حوايج مريحة وعملية ... كتعكس طبيعتو النشيطة والمستعدة للعمل حاط رجلو على ضفة الشاحنة لي فيها أغراض منزلية ...
هاز بين يديه صندوق و على ودنو تيليفونو لي مزير عليه بكتافو باش يتحكم فثبوتو باش مايطيحش.... عاقد حواجبو اللي كتعبر على شدة غضبو من تصرفات ناس لي ضايرين بيه ...كذلك الحزم والانضباط والجدية موضحين تحركاتو وافعالو فوقت الخدمة .... عينيه كانو كيعطيو صفات اخرين من شخصيتو حيت هدااك البريق لي فيهم كافي يخلي الاخرين ينغامسو معاه في العمل بكل من الحماس والحيوية...
رغم داك شوية الخوف لي مسيطر على قلبهم مكانوش كيبينوه فوجودو ولكنو مكيبغيش لي يبان خايف بقربو...فور ما تفتح الخط نطق بصوتو الخشن و بنبرة سريعة...
انس:نوض نوض اشمن نعاس باقي عولنا عليك بكري ....(باصرار)تكعد راني كنتسناك قدام دار عاوني في رحيل هادشي غير علمتك لبارح قلت ليك متعطلش ...
تنهد بصوت مسموع و خط يديه على شعروكيهزو من على عينيه
رضا: وايلي على غيجي ليوم كان كيسحابلي تال غدا(شاف فالساعة لي معلقة فلحيط قدامو) صاف نص ساعة نكون عندك
أنت تقرأ
بنت الجار🍁مكتملة🍁
Romance💎مكتملة💎 🚫قـــصـــة قــصــيرة 🚫 بــــــــــــــنت الجــــــــــــــــار ♠my neighbor's daughter ♠ |قصة شعبية من قلب المجتمعI «الان و للا...
