EXILED PRINCE 🔥

PAGE 32 💞

PAGE 32❤🔥

            Fitowa tayi ta ga harabar gidan cike da sojoji , da motoci wajen goma

Sojoji na ganin ta su ka shiga tayi tayin su musaman da su ka ga idanun ta baki kirin

Da sauri su ka saita ta da gun sa fadin ta tsaya nan
Amma ina sai ci gaba da takowa ta ke ta na shirin barin wajen

Har za ta bar gidan gonar ta tsaya ta juyo ta nufi wata motar ta bude gidan baya gawar malam ta shiga ciki

Ita kuma ta juyo ta kali sojojin da su ka saita ta da gun , hanayan su sai kerma su ke dan tsoro , sun ma rasa ya za su yi da ita , idan su ka ce su harbe ta , in ba ta mutu ba to tabas su za su mutu

Nuna guda cikin su ta yi kafin ta ce " zo ka meda ni gida "

Da sauri ya saki gun din hannun shi ya nufi motar da gudu ya shiga gidan driver, Inaya kuma ta shiga wajen mai zaman banza 

Ta na shiga ya tada motar ya bar wajen da gudu
Ita kuma ta jingina a bayan kujerar ta lumshe idanun ta ba ta sake cewa wani abu ba

Sai da su ka yi tafiyar wajen good one hour kafin su iso cikin gari , nan ta ke ce mishi ya kai ta babban private Hospital

Ba musu ya kama hanyar babbar private Hospital , inda a ka kontar da Zayd

Cikin abun da bai fi 15 minutes ba su ka iso Hospital din
Ta na jin motar ta tsaya, ta bude idanun ta slowly
Wannan karan dai idanun ta sun dawo dai'dai

A hankali ta bude kofar ta , ta sauko da ga cikin motar ta na ce ma sojan nan ya sauko da gawar mahaifin ta

Ita kuma ta nufi hall din Hospital din ta shiga
Ta na shiga ta ci karo da Abdoul , ya na sauri zai je gida ya dauko su mama

Ya na ganin ta sai da zuciyar shi ta buga , ya na zaro idanu ya ke kallon ta ya ce " Inaya , ke ce ? " ya fada cikin rudu

Ita kuma ko tsaya wa sauraron shi ba ta yi ba ta yi gaba abun ta

Ya na shirin bin bayan ta ya ga sojan nan dauke da malam a saman kafada
Da sauri Abdoul ya nufe shi ya na tambayar lafia , ya na gama fadar haka ya dinga kwala wa nurse kira

Da sauri su ka nufo shi ture da gadon jinya
Su na isowa sojan nan ya kontar da shi sama sannan ya juya da gudu ya bar wajen dama a kage ya ke ya tsere

Ya na kontar da malam , Abdoul ya ga uban jinin da ke zuba da ga kirjin shi , dan zaro idanu ya yi ya na fadin " Abba ! Abba "

Bai gama rufe bakin shi ba nurse din nan su ka tura gadon su ka shiga A&E room doctor na biye da bayan su

Su na shiga room din Abdoul ya juya da gudu ya bi bayan Inaya da ta nufi dakin da a ka kontar da Zayd , kamar ta san inda ya ke

A hankali ta tura kofar ta shigo ta sallama

Moussa da ke zaune saman wata sofa cikin dakin , ya dago kai ya na amsa sallamar
Ya na ganin ta ya mike tsaye cike da rudu ya ke fadin " sister , ina kuma ki ka shiga "

Ita ko kallon shi ba ta yi , idanun ta na kan Zayd da ke konce saman gado , hannun shi sanye da catheter a na yi mishi Karin ruwa , jikin shi sanye da wasu kaya blue irin na ma su jinya

Nan take idanun ta su ka kawo ruwa , da gudu ta nufe shi ta fada saman kirjin shi ta na sakin kuka ta na fadin " yaya Zayd don Allah ka tashi kar ka bar ni kai ma , na rasa Abba na a yau , bazan so na rasa ka ba a rana guda, don Allah ka tashi " ta kai karshen ta na kai mishi bugu a kirji

Shi dai Moussa, da Abdoul sun tsaya su na kallon ta an rasa mai cewa wani abu

Su na a haka su ka ji Zayd ya ja wani dogon nunfashi har sai da kirjin shi ya yi sama sannan ya koma