"ဟယ်လိုကိုဘုန်းထက်မြတ် ဒီနေ့ အလုပ်ရှုပ်နေလား"
"ပုံမှန်ပါပဲ ဘာလို့လဲအိမ့်"
"ပြောစရာရှိလို့အပြင်မှာတွေ့ရအောင်"
"အော် ကျွန်တော်လာခေါ်မယ်လေ"
"ဟုတ်ပြီလေ "
...........
"အိမ့်ကျွန်တော့်ကိုပြောစရာရှိတယ်ဆို"
ရုတ်တရပ်ဖုန်းခေါ်ဆိုမှုကြောင့် ဘုန်းထက်မြတ်သော် အိမ်အရောက်သွားခေါ်လာကာ ကားပေါ်တွင်လည်းမည်သည့်စကားမျှမပြော ကော်ဖီဆိုင်တွင်လည်းကော်ဖီခွက်ကိုကြည့်ကာ အတွေးများနေတဲ့ပုံပေါက်တာကြောင့် စကားကိုအရင်စလိုက်မိတယ်
"အော် ဟိုတစ်ခါက အဖြေတောင်းထားတာလေ"
"အွန်း"
"အဲ့တာစဉ်းစားပြီးပြီ"
ဘုန်းထက်မြတ်သော်လည်းခြေလက်တွေ ရုတ်တရပ်အေးလာကာ အိမ့်သူရဲ့နှုတ်ခမ်းဖျားကထွက်မယ့်အဖြေကိုစိတ်၀င်တစားနဲ့ စောင့်နေမိတာပေါ့
"ကျွန်မလည်းရှင့်ကိုချစ်တယ်"
"ဗျာ"
မျက်နှာကြီးတစ်ခုလုံးအပြုံးပန်းဆင်ကာ ၀င်းလဲ့တောက်ပလာတာမလို့ အိမ့်သူလည်း သဘောကျစွာပြုံးလိုက်မိတယ်
မေမေနဲ့စကားပြောဖြစ်တဲ့နေ့က မေမေ့ရဲ့ဆုံးမမှုတွေကြောင့်ရော အမတွေရဲ့ပြောပြမှုတွေကြောင့်ရော အိမ့်သူဒီ လူကြီးကို လက်မလွှတ်ချင်ပေ
လူကြီးလူကောင်းဆန်တဲ့လူကြီး၊အရည်အချင်းရှိတဲ့လူကြီးကို ကိုယ့်ရဲ့ ချစ်သူရည်းစားအဖြစ်အိမ့်သူရွေးချယ်လိုက်တာမှားမည်ဟုတော့မထင်ပေ
"အိမ့်အဲ့တာဆိုကိုယ်တို့ကချစ်သူတွေဖြစ်သွားပြီပေါ့နော်"
"ဟုတ်တယ်လေ"
"ဒီနေ့ကစပြီးတစ်ရက်ပေါ့နော်"
ကိုရီးယားကားထဲက စာသားတွေနဲ့ပြောလာတာကြောင့်ဒီလူပျိုကြီး အချစ်ကားတွေလည်းကြည့်တာပဲလားလို့တောင်တွေးမိကာ ရယ်မိသွားပြန်တယ်
💓💓💓💓💓💓💓
ဘုန်းထက်မြတ်သော်လည်းရည်းစားလေးတစ်ယောက်ရပြီးသွားတဲ့နောက်ပိုင်းမှာတော့ အကြို့အပို့ကိုနေ့တိုင်းလုပ်ပေးဖြစ်တယ် အိမ့်ရဲ့တစ်ဦးတည်းသော ကားမောင်းသမားလေးတဖြစ်ပေါ့
YOU ARE READING
He Changed For Love🖤 (ongoing)
RomanceUni ကိုကိုနဲ့ကလေးပုံစံficလေးတစ်ခုထပ်လာပါပြီရှင့် ချိုချိုကြမ်းကြမ်းလေးဖတ်ချင်ရင်တော့ဖတ်ကြည့်လိုက်တော့နော် ဘုန်းထက်မြတ်သော်+အိမ့်သူသူမောင် Start date-22/7/2024 Zawgyi+Uni Normal fic OC Zawgyi ကိုကိုနဲ႔ကေလးပုံစံficေလးတစ္ခုထပ္လာပါၿပီရွင့္ ခ်ိဳခ်ိဳၾကမ္...
