يقين دخلت أوضتها بعد ما قعدت شوية مع أهلها، قاعدة بتفكر فى عيلتهاوهي مبتسمة.
قد إيه بتحبهم بجد! بتحب هزار يونس السخيف ورأيه اللي بيحب يفرضه عليها أوقات، بتحب حنية أسما اللي مافيش أحن منها، حتى عبد الله على قد ما بيجلطها ببروده بس بتحبه. وأكيد باباها ومامتها، دول أغلى ناس عندها، دعت ربنا في سرها: "يارب احفظهم ليا وما تحرمنيش منهم".
فاقت من أفكارها، ومسكت موبايلها وفتحت الواتساب. لقت ندى منزلة استوري، فعملتها ريبلاي. وبدأ الحوار بينهم اللي بدأته ندي:
ندى: عاملة إيه يا يقين؟
يقين: الحمد لله بخير، إنتِ عاملة إيه؟
ندى: كويسة الحمد لله يا قلبي.
يقين: دايمًا بخير وكويسة.
فضلوا يتكلموا ويتعرفوا على بعض، كل واحدة بتحكي عن نفسها وكليتها. وقتها حسوا إنهم فعلاً ممكن يبقوا صحاب. بعد ما قفلوا، يقين حسّت بارتياح كبير، وحست إنها لقت حد يشاركها أفكارها. ومع التفكير نامت بهدوء.
--------------------
عند أحمد، بعد ما قفل مع أمل كانت الساعة حوالي 10 بالليل. حسّ إن الوقت مش متأخر أوي، وقرر إنه يكلم باباها ويطلب منه ميعاد رسمي.
أحمد اتصل، وأول ما إسماعيل رد:
إسماعيل: ألو، مين معايا؟
أحمد (بتوتر): سلام عليكم، حضرتك أستاذ إسماعيل، صح؟ أنا بكلم حضرتك بخصوص موضوع مهم.
إسماعيل (بتساؤل): أهلاً، مين حضرتك؟
أحمد (بتوتر واضح): أنا اسمي أحمد، مشرف التدريب بتاع أمل في الشركة. و... كنت حابب اتقدم لها بشكل رسمي. ممكن حضرتك تحدد لي ميعاد للرؤية؟
إسماعيل فكر للحظات وسأل بحذر:
إسماعيل: تعرف بنتي منين يا ابني؟
أحمد: زي ما قلت لحضرتك، أنا مشرف التدريب بتاعها. الحقيقة، هي شخصية محترمة جدًا، وشايف إنها مناسبة لي.
اتفقوا على ميعاد يوم الجمعة الجاية، وأحمد حس بارتياح بعد ما كلم إسماعيل، رغم التوتر اللي كان حاسس بيه طول المكالمة.
-----------
خرج أحمد من أوضته وراح لمامته:
أحمد: ماما، حضرتك صاحية؟
فاتن: أيوا يا حبيبي، تعال قولي في إيه؟
أحمد (بحماس): كلمت والد أمل، واداني ميعاد أروح لهم الجمعة اللي جاية .
فاتن (بفرحة): الجمعة اللي جاية؟اللي هي بعد بكرةدي ، يا رب يتمم بخير يا حبيبي.
فاتن حضنت أحمد ودعتله بالتوفيق، وهو خرج من عندها مبتسم وحاسس إنه قام بخطوة مهمة جداً في حياته، ومستني اليوم دا بفارغ الصبر.
------------------
في بيت أمل، كان إسماعيل قاعد مع عزة، وصوته مليان جدية لكن بضحكة صغيرة باينة على ملامحه:
أنت تقرأ
بطلة غير مثالية
Romanceكل ما حولي يخبرني أنني اتوهم لا وجود للحب فى هذا العالم . يبدوا أن الحب موجود ولكنه لا يعرف طريقي 💔. شير للرواية https://www.wattpad.com/story/382089409?utm_source=android&utm_medium=com.whatsapp&utm_content=share_reading&wp_page=reading&wp_uname=u...
