في بيت أحمد
فاتن بفرحة: عروستك قمر يا أحمد، وأهلها ناس ذوق اوي يا حبيبي، مبروك يا قلبي.
أحمد بابتسامة: الله يبارك فيكي يا ماما.
ندى (بتبتسم): أنا حاسة إني شفتها قبل كده أو أعرفها بس هي لذيذة اوى .
فضلوا يتكلموا عن اليوم الجميل وقد إيه كان كله سعادة وفرح، لحد ما كل واحد دخل أوضته.
-------------
في أوضة ندى
كنت فرحانة جداً لأحمد ومبسوطة بأمل، البنت شكلها طيبة وحبوبة، لكن إحساسي إنّي شفتها قبل كده مش قادر يفارقني. غيرت هدومي ونزلت استوري بصورة أحمد وأمل اللى صورتهلهم فى قراية الفاتحة، وباركت لهم ودعيت ربنا يتمم لهم على خير.
-------------
عند يقين
فتحت استوري ندى، وقلبي وقع في رجلي، الصورة قدامي بس عقلي رافض يصدقها،أكيد في حاجة غلط أكيد فيه سوء تفاهم، لا، لا، يا رب لا، كله الا أحمد.
دخلت أوضتي بسرعة، وقعدت ع السرير بارتجف، ماسكة التليفون مش قادرة أستوعب، دماغي مشغولة بكل حاجة وأي حاجة إلا اللي قدامي ،قررت أبعت لتيا، يمكن هي تشوف حاجة غير اللي أنا شايفاه، يمكن تكون حقيقي مجرد أوهام.
يقين: تيا، هبعتلك صورة، قوليلي الكلام اللي مكتوب
في الاستوري دا فى ريكورد .
بعتت الصورة وأنا باصة في السقف، مستنية ردها كأني باستنى حكم بالإعدام.
تيا (تسجل ريكورد): يا بنتي، دي بنت بتبارك لأخوها على خطوبته، ما شاء الله عسلات قوي.
وقع التليفون من إيدي. يعني م بتخيل ،مش قادرة أتنفس، مش قادرة أستوعب ،الدموع نازلة من عيني بدون صوت، وقلبي بيتكسر حتة حتة، كأن حد بيغرس سكين جوايا. الحلم اللي عشت عمري بحلم بيه، الحلم اللي كان بيملالي حياتي فجأة اتبخر قدامي ،حاسة إني مربوطة وحد بيجلدني وكاتم صوتي لدرجة إني مش قادرة أصرخ، مش قادرة أوصل لحد، مش قادرة أطلع صوتي… وقعدت أعيط لحد ما نمت على الأرض، ودموعي بتنزل بدون توقف.
----------------
عند إنچي
شافت استوري ندى وهي مش مصدقة.
إنچي: معقول أحمد خطب؟
بعتت بسرعة تسأل ندى
إنچي: هو أحمد خطب يا ندى؟
ندى: آه، قرأ الفاتحة النهاردة.
إنچي بلوم: ما جبتيش سيرة يعني ليا أنه ناوي يخطب ولا اي حاجة ؟
ندى بتبرير : والله هو فاتحنا في الموضوع من كام يوم، وكل حاجة تمت بسرعة.
إنچي باقتضاب: مبروك وعقبالك.
أنت تقرأ
بطلة غير مثالية
Romanceكل ما حولي يخبرني أنني اتوهم لا وجود للحب فى هذا العالم . يبدوا أن الحب موجود ولكنه لا يعرف طريقي 💔. شير للرواية https://www.wattpad.com/story/382089409?utm_source=android&utm_medium=com.whatsapp&utm_content=share_reading&wp_page=reading&wp_uname=u...
